ئوكسىگېن، جانلىقلارنىڭ مەۋجۇت بولۇپ تۇرۇشىغا زۆرۈر بولغان گاز جىسىمى بولۇپ، ئوكسىگېن بولمىسا، جانلىقلار ھايات كەچۈرەلمەيدۇ. ھامىلدارلىق مەزگىلىدىمۇ، ھامىلدار ئايال قورسىقىدىكى بوۋاقنىڭ پائالىيىتىگە ھەر ۋاقىت دىققەت قىلىشى كېرەك؛ چۈنكى، بەزى ھامىلدار ئاياللاردا ھامىيلىگە ئوكسىگېن يېتىشمەسلىك ئەھۋالى كۆرۈلۈشى مۇمكىن. ئەگەر ھامىيلىگە ئوكىسگېن يېتىشمەسلىك ئەھۋالى كۆرۈلسە، يىنىك بولغاندا ھامىيلىنىڭ يېتىلىشى توختاپ قېلىشنى كەلتۈرۈپ چىقىرىدۇ، ئېغىر بولغاندا مېڭە پارالىچى، ھەتتا ھامىيلىنىڭ ھاياتىغا خەۋپ يىتىشنى كەلتۈرۈپ چىقىرىدۇ.

   ئۇنداقتا، ھامىلدارلىق مەزگىلىدە، ھامىيلىگە ئوكسىگېن يېتىشمەي قېلىشنىڭ قانداق ئالدىنى ئېلىش كېرەك؟
سول تەرىپىنى بېسىپ يېتىشقا ئادەتلىنىش
   ھامىلدارلىق ئاخىرىقى مەزگىلىگە كەلگەندە، كۆپ قىسىم ھامىلدار ئاياللارنىڭ بالىياتقۇسى ئوڭغا تولغانغان كېلىدۇ؛ سول يېنىنى بېسىپ يېتىش بۇ ئەھۋالنى تۈزىتىشكە پايدىلىق بولۇپ، ھامىيلە تېخىمۇ كۆپ ئوكسىگېنغا ئېرىشىپ، كىندىك بەلبىغىغا قان تەمىنلەش مىقدارى ئاشىدۇ. لېكىن، بۇمۇ مۇتلەق ئەمەس بولۇپ، ھامىلدار ئايالنىڭ كونكرېتنى ئەھۋالىغا قاراپ ئوخشاش بولمايدۇ.
مۇۋاپىق تۈردە ھەرىكەتلىنىش
   ئۇزۇن ۋاقىت مىدىرلىماي ئولتۇرىۋالغاندا، بالىياتقۇ بېسىلىشقا ئۇچراپ، ھامىيلىنىڭ مىدىرلاپ پائالىيەت قىلىشىغا پايدىسىز بولىدۇ؛ بۇنداق ئەھۋال ئۇزۇن مۇددەت داۋاملاشسا، ھامىيلە ھەمرىيىدىكى قان ئايلىنىشىغا تەسىر يېتىپ، بۇ سەۋەبلىك ھامىيلىگە ئوكسىگېن يېتىشمەلىكنى كەلتۈرۈپ چىقىرىدۇ. ھامىلدار ئايال مۇۋاپىق تۈردە مېڭىپ ھەرىكەتلىنىپ بەرگەندە، ھامىيلىگە پايدىلىق بولۇپلا قالماي، ھامىيلە ئورنىنىڭ ئوڭ كېلىشى نىسبىتىمۇ يۇقىرى بولىدۇ؛ بۇنىڭدا، تۇغقان ۋاقىتتا تۇغۇت يولىدىن تۇغۇشىغا پايدىلىق بولىدۇ.

كەيپىياتىنى تەڭشەشكە ئەھمىيەت بىرىش
   ھەر بىر ھامىلدار ئايالنىڭ ھامىلدارلىق ئىنكاسى(سىزىكى) ئوخشاش بولمايدۇ، شۇڭا ھەممە ئىشتا باشقا ھامىلدار ئايالنى دوراشنىڭ ھاجىتى يوق. پەقەت ئۆزىمىزنىڭ كەيپىياتىنى ياخشى تەڭشەپ، ياخشى بىر روھى ھالەتنى ساقلاشقا ئەھمىيەت بەرسەكلا، ھامىيلىنىڭ ساغلام يېتىلىشىگە پايدىلىق بولىدۇ.
تاماكا ئىسىدىن يىراق تۇرۇش
   تەتقىقاتلاردا كۆرسىتىلىشىچە، ھامىلدار ئايال بەك سېمىز بولۇپ كەتسە ياكى تاماكا ئىسى بىلەن بەك كۆپ ئۇچراشسا، ھامىلدارلىق مەزگىلىدە ھامىيلىگە تەمىنلىنىدىغان ئوكسىگېن مىقدارىنىڭ تۆۋەنلەپ كېتىشىنى كەلتۈرۈپ چىقىرىدىكەن. شۇڭلاشقا، ھامىلدار ئاياللار ئىمكان قەدەر بەدەن ئېغىرلىقىنى كونترول قىلىپ، تاماكا ئىسىدىن يىراق تۇرۇشقا دىققەت قىلىشى كېرەك.