ھامىلدارلىق مەزگىلىدە، بەدەندىكى ھورمۇن سەۋىيەسىدە ئۆزگىرىش كۆرۈلىدىغان بولغاچقا، ھامىلدار ئايالدا سېرىق داغ كۆرۈلۈش نىسبىتى زور دەرىجىدە ئېشىپ كېتىدۇ. تولۇق بولمىغان سىتاستىكىلارغا ئاساسلانغاندا، %70 ھامىلدار ئايالنىڭ تېرىسىدە قېنىق رەڭلىك داغلار كۆرۈلىدىغان بولۇپ، ئادەتتە ھامىلدارلىق دېغى(ئىلمىي ئاتىلىشى سېرىق داغ ياكى قارا داغ) دەپ ئاتىلىدۇ.

   سېرىق داغ، ئورگانىزىم ھۈجەيرىلىرى ئارىسىدىكى مىكرو ئايلانما توسقۇنلۇققا ئۇچراپ، ھۈجەيرىلەرنىڭ ئۆلۈپ كېتىشى ۋە قارا رەڭ ماددىسىنىڭ ئېشىپ كېتىپ چۆكمە ھاسىل قىلىشى سەۋەبلىك شەكىللىنىدۇ. چىراي قىسىمدىكى تېرە ئەڭ نېپىز، قىل قان تومۇرلار ئەڭ كۆپ بولغاچقا، رەڭ ماددىسى چۆكمە ھاسىل بولۇپ قېلىشىمۇ ئەڭ ئاسانغا توختايدۇ. شۇڭلاشقا، سېرىق داغ كۆپىنچە يۈز قىسىم، كۆزنىڭ ئاستى تەرىپىدە كۆرىلىدۇ.
   تېرە رەڭگى نىسبەتەن قېنىق كەلگەن ھامىلدار ئاياللاردا، بۇ خىل داغ تېخىمۇ ئاسان كۆرۈلىدۇ؛ ئۇنىڭ ئۈستىگە ھامىلدار بولغان قېتىم سانىنىڭ ئېشىشىغا ئەگىشىپ، ھامىلدارلىق دېغى تېخىمۇ كۆرۈنەرلىك بولىدۇ. بۇ خىل سېرىق داغنىڭ شەكىللىنىشى، ئادەمگە قاراپ ئوخشىمايدىغان بولۇپ، بەزىلەرنىڭ ئېغىز بولىدۇ، بەزىلەرنىڭ ئۇنچە بەك كۆرۈنەرلىك بولمايدۇ. ئۇنىڭ ئۈستىگە، ھامىلدارلىق مەزگىلىدىكى سېرىق داغ، ھامىلدارلىقنىڭ ئاخىرلىشىشىغا ئەگىشىپ يوقايدۇ ياكى سۇسلىشىدۇ؛ شۇڭلاشقا، ھامىلدار ئاياللار ھامىلدارلىق مەزگىلىدە، يۈز قىسىمىنىڭ ئاپتاپتا كۆيىشىنىڭ ئالدىنى ئېلىشى ھەمدە باشقا سېرىق داغ پەيدا بولۇش ئامىللىرىدىن ساقلىنىشقا دىققەت قىلىشى لازىم.