بوۋاقلار يېڭىدىن بۇ دۇنياغا كۆز ئاچقان ۋاقىتتا، ئۇلارنىڭ كۈندىلىك پائالىيىتى ئۇخلاش بىلەن ئىمىش بولىدۇ. لېكىن، سىز ئۇلارنى تېخى كىچىك، شۇڭا ھېچنىمىنى بىلمەيدۇ دەپ ئويلاپ قالماڭ؛ ئەمەلىيەتتە، ئۇلارنىڭمۇ "ئۆزگىچە مىجەزلىرى" بار بولۇپ، يېمەك-ئىچمەك مۇھىتىنى تاللايدىغان كېلىدۇ.

سۇغۇق ھاۋا ئېقىمى ھەزىم قىلىش ناچارلىشىشنى كەلتۈرۈپ چىقىرىدۇ
   بوۋاقلارنىڭ تىرىسى ئىنتايىن نېپىز بولۇپ، بەدەن تىمپىراتۇرىسىنى تەڭشەش ئىقتىدارى ناچار كېلىدۇ، شۇڭا سىرتقى مۇھىتنىڭ ئىسسىق-سوغۇقلىقىنىڭ ئۇلارغا بولغان تەسىرى ئىنتايىن چوڭ. تىمپىراتۇرا بەك يۇقىرى بولۇپ كەتسە، بوۋاقنىڭ بىر نەرسە يىگۈسى كەلمەي قېلىشى مۇمكىن؛ بەك تۆۋەن تىمپىراتۇرا مۇھىتىدا ئىمىتكەندە بولسا، سۈتنى شوراپ ئىمىش جەريانىدا سوغۇق ھاۋانىمۇ بىللە قوشۇپ سۈمۈرىۋىلىپ، بوۋاقنىڭ ھەزىم قىلىشى ناچارلىشىپ قېلىشى مۇمكىن. بىرلا ۋاقىتتا، ئانىغىمۇ سوغۇق ئۆتۈپ قېلىشى مۇمكىن.
غەلىتە پۇراق بوۋاقنىڭ ئىشتىھاسىغا تەسىر كۆرسىتىدۇ
   گەرچە بوۋاقلار ناھايىتى كىچىك بولسىمۇ، ئەمما ئۇلارنىڭ بۇرنىنىڭ ئىقتىدارى خېلى ئوبدانلا يېتىلىپ بولغان بولىدۇ، ئۇلار پۇراققا تايىنىپلا ئۆز ئانىسىنى تاپالايدۇ. بوۋاقلار ئەمگەن ۋاقىتتا، ئەتراپتىكى مۇھىتتىكى پۇراقلارنىمۇ ناھايىتى تاللايدىغان بولۇپ، ئەگەر ئۇلار ئىمىۋاتقاندا ئەتراپتا غەلىتە، سېسىق پۇراقلار بار بولسا، بۇ ئەھۋال ئۇلارنىڭ ئىشتىھاسىغا زور دەرىجىدە تەسىر كۆرسىتىدۇ. شۇنىڭ ئۈچۈن، ئانىلار بالىسىنى ئىمىتكەن ۋاقتىدا ئەتراپدىكى مۇھىتقا ئالاھىدە دىققەت قىلىپ، غەلىتە پۇراق بولماسلىقىغا كاپالەتلىك قىلىش كېرەك.