بوۋاقنى ئانا سۈتى ئىمىتىپ بېقىش جەھەتتىكى بەزى ئىشلارنى، يېڭى تۇغۇتلۇق ئاياللار ۋە ھامىلدار ئاياللار چوقۇم بىلىۋىلىشى كېرەك. ئانا سۈتى ئىمىتىپ باققان بوۋاقلار، سۈت پاراشوكى ئىمىپ چوڭ بولغان بوۋاقلارغا قارىتا تېخىمۇ ساغلام بولىدۇ؛ بۇنىڭ بىلەن بىرگە يەنە، قىممەت باھالىق سۈت پاراشوكلىرىنى ۋە باشقا سۈت پاراشوكى ئىمىتىش ئۈسكۈنىلىرىنى سېتىۋىلىش كەتمەيدىغان بولغاچقا، نۇرغۇنلىغان چىقىملار تىجىلىپ قالىدۇ. بۇندىن باشقا يەنە، ئالاقىدار ماتېرىياللاردا كۆرسىتىلىشىچە، بوۋاقنى ئانا سۈتى ئىمىتىپ باققاندا، تۇغۇتلۇق ئايالنىڭ كىيىنچە سۈت بېزى راكى، تۇخۇمدان راكى ۋە بالىياتقۇ ئىچكى پەردىسى ئۆسمىسى قاتارلىق كېسەللىكلەرگە گېرىپتار بولۇش خەتىرىنى تۆۋەنلەتكىلى بولىدۇ، سۆڭەك شالاڭشىش كۆرۈلۈش خەۋىپىنىمۇ تۆۋەنلەتكىلى بولىدۇ.

   بوۋاققا ئانا سۈتى ئىمىتمەكچى بولغان ئانىلار، ھامىلدارلىق مەزگىلىدە ئېشىپ كەتكەن بەدەن ئېغىرلىقى ئارقىلىق ئانا سۈتى شەكىللەندۈرىدۇ. بوۋىقىنى 12ئايدىن ئارتۇق ئانا سۈتىدە ئىمىتكەن ئايالنىڭ، يۇقىرى قان بېسىمى، قاننىڭ ماي تەركىبى يۇقىرى بولۇش، يۈرەك كېسەللىكى ۋە دىئابىت كېسەللىكى قاتارلىقلار گىرىپتار بولۇش خەتىرى تېخىمۇ تۆۋەن بولىدۇ.
   ئادەتتە، دادىنىڭ بوۋاققا ئانا سۈتى ئىمىتىشكە تۇتقان پوزۇتسىيىسى، ئانىنىڭ بوۋاققا ئانا سۈتى ئىمىتىش ئىمىتمەسلىكىگە تەسىر كۆرسىتىدىغان مۇھىم سەۋەبلەرنىڭ بىرى. ئەگەر تۇغۇتلۇق ئايالنىڭ ھەيىز كۆرۈشى تېخى ئەسلىگە كەلمىگەن بولسا ھەمدە بوۋاققا پەقەت ئانا سۈتىلا ئىمىتىپ باققان بولسا، ئۇنداقتا تۇغۇتتىن كېيىنكى 6ئاي ئىچىدە، ئانىنىڭ بەدىنىدىكى تۇخۇم ئىشلەپچىقىرىش كەينىگە سۈرىلىدۇ؛ شۇڭا، بوۋاققا ئانا سۈتى ئىمىتىش، تەبىئىي ھەم ئۈنۈملۈك بولغان ھامىلدارلىق ساقلىنىش ئۇسۇلىدۇ.

   ئەگەر دادا ئانىنىڭ بوۋاققا ئانا سۈتى ئىمىتىشىنى قوللاپ بەرسە، ھەمدە تەشەببۇسكارلىق بىلەن ئۆي ئىشلىرىنى قىلىشنى ئۈستىگە ئالسا، ئانىنىڭ بوۋاقنى پۈتۈنلەي ئانا سۈتى ئىمىتىپ چوڭ قىلىش ئىمكانىيىتى تېخىمۇ چوڭ بولىدۇ، ھەمدە ئىمىتىش مەزگىلى تېخىمۇ ئۇزۇنغا سوزۇلالايدۇ. بۇنىڭدا، ئائىلە كەيپىياتى تېخىمۇ ئىناقلىققا تولۇپ، ئانىنىڭ ئەر-خوتۇنلۇق مۇناسىۋىتىنى ياخشى ساقلاپ قېلىشقا تېخىمۇ زىھنى بار بولىدۇ.
   بوۋاق بىلەن بوۋاققا تونۇش بولغان ۋە مۇھەببەتكە تولغان ھامىيسى ئوتتۇرىسىدىكى توختىماستىن ئېلىپ بېرىلىغان تىل، بەدەن ۋە ھېسسىيات جەھەتتىكى ئۇچرىشىش، بوۋاقنىڭ چوڭ مېڭىسىنىڭ يېتىلىشىنى ئىلگىرى سۈرۈشكە پايدىلىق بولىدۇ. ئانا بوۋاقنى ئىمىتكەن ۋاقىتتىن پايدىلىنىپ، ئۇنىڭغا ناخشا ئېيتىپ بەرسە، بوۋاقنى قۇچىقىدا تەۋرىتىپ ئويناتسا، ياكى ئۇنىڭغا بىللە ئوينىشىپ بەرسەر بولىدۇ؛ بوۋاق بۇلارغا ھەقىقەتەن ئېھتىياجلىق بولۇپ، بۇ خىل قىلمىشلار ئۇلارنى يامان ئادەتلەندۈرۈپ قويمايدۇ.