ھامىلدار ئايالنىڭ روھى كەيپىياتىنىڭ، ھامىيلىگە تەسىر كۆرسىتىدىغانلىقىنى ھەممەيلەن بىلىدۇ. ئەگەر ھامىلدار ئايال ئازابلىنىپ يىغلىسا، كەيپىياتىدا ئۆزگىرىش كۆرۈلگەنلىك سەۋەبىدىن، ھامىلدار ئايالنىڭ بەدىنىدىكى قان ئايلىنىش سۈرئىتىمۇ تىزلىشىپ كېتىدۇ؛ ئۇنىڭ ئۈستىگە، بۇ ئەھۋال ئەينە قان تومۇرلىرىنىڭ كېڭىيىشىنى كەلتۈرۈپ چىقىرىدىغان بولۇپ، ھامىيلە، ھامىيلە ھەمرىيى ۋە كىندىن بېغى ئارقىلىق، ھامىلدار ئايالدىكى بۇ ئۆزگىرىشلەرنى سىزىپ يىتەلەيدۇ. شۇنىڭ ئۈچۈن، ئەگەر ھامىلدار ئايال ئازابلىنىپ يىغلىسا، قورساقتىكى بالىمۇ تەڭ ئازابلىنىپ كۆڭلى يېرىم بولىدۇ؛ ئۇلار دەرىجىسى قاتتىق بولغان مىدىرلاش ھەرىكىتى ئارقىلىق، ئانىسىغا ئازابلانماسلىقنى، ئۆزىنى خۇشال تۇتۇشنى ئېيتىدۇ.

   ئۇنداقتا، ھامىلدار ئايالنىڭ يىغلىشى، ھامىيلىگە قانداق تەسىرلەرنى ئېلىپ كىلىدۇ؟ بىز ئادەتتە كۆڭلىمىز يېرىم بولۇپ ئازابلانغان ۋاقىتتا، ئىشتىھايىمىز تۆۋەنلەپ كېتىدۇ، بەزىدە ھەتتا ئازراقمۇ نەرسە يىگۈمىز كەلمەيدۇ. ئەگەر ھامىلدار ئاياللاردىمۇ بۇ خىل ئەھۋال كۆرۈلۈپ قالسا، تاماق يىمىگەچكە يىتەرلىك تۈردە ئۇزۇقلۇق تۇلۇقلىيالمايدۇ؛ بۇنىڭدا ھامىيلىمۇ يىتەرلىك ئۇزۇقلۇققا ئىرىشەلمىگەچكە، تەبىئىيلا ئۇلارنىڭ يىتىلىشىگە تەسىر كۆرسىتىدۇ. بۇندىن باشقا، ھامىلدار ئايال يىغلىغان ۋاقىتتا، يۈرەك سوقۇش تىزلىشىش، قان ئايلىنىش تىزلىشىش، قان بېسىمى يۇقىرى ئۆرلەش قاتارلىق ئەھۋاللار بىللە ئەگىشىپ كېلىدىغان بولغاچقا، بۇ سەۋەبلىك ھامىلدار ئايالنىڭ ھامىيلە ھەمرىيىنى قان بىلەن تەمىنلەش مىقدارىغا تەسىر يىتىپ، ھامىيلىدە ئاسانلا ئوكسىگىن يېتىشمەسلىك ئەھۋالىنى كەلتۈرۈپ چىقىرىدۇ؛ بۇنداق ئەھۋالدا، ھامىيلىنىڭ ئەقلى ئىقتىدارىنىڭ يېتىلىشىگە بىۋاستە تەسىر يىتىدۇ.

   ھامىلدار ئايال يىغلىغۇسى كېلىپ قالغان قانداق قېلىش كېرەك؟
دىققىتىنى بۇراش
   مەلۇم بىرەر ئىش سەۋەبىدىن كۆڭلى يېرىم بولغان بولسا، ئىمكان بار ئۇ ئىشنى قايتا ئويلىماسلىق كېرەك؛ بۇ ۋاقىتتا، باشقا بىر خۇشاللىنارلىق ئىشلارنى ئويلىساق، ياكى تېلىۋېزور كۆرۈپ، ئۆزىمىز ياخشى كۆرىدىغان ئىشلارنى قىلساق بولىدۇ. بۇنىڭدا دىققىتىمىز چېچىلىپ، كۆڭۈلنى يېرىم قىلىدىغان ئىشلارنى ئاسانلا ئۇنتۇپ قالىمىز، كەيپىياتىمىزمۇ تىزلا ياخشىلىنىپ كېتىدۇ.