دادا، بالىنىڭ قوغلىشىدىغان نىشان ئۈلگىسى؛ شۇڭلاشقا، دادا، بالىىنىڭ ئۆسۈپ-يېتىلىشىدە چوڭ رول ئوينايدۇ. تۆۋەندىكىدەك بۇ نەچچە خىلدىكى دادىلارنىڭ، بالىسىغا بولغان يامان تەسىرى ناھايىتى چوڭ بولىدۇ.

   ھەرقانداق ۋاقىت ھەرقانداق جايدا يانفون ئويناشقا ئامراق بولۇپ، بالىسىنىڭ ئورۇنلۇق تەلەپلىرىنى نەزەردىن ساقىت قىلىدۇ ھەمدە ۋاقتىنى سەرپ قىلىپ ئۇلارغا ھەمرا بولۇشنى خالىمايدۇ؛ ۋاقىتنىڭ ئۆتىشىگە ئەگىشىپ، ئوتتۇرلۇقتىكى مىھرى-مۇھەببەت سۇسلىشىپ قالىدۇ.

   بوش ۋاقىتلىرىمىزدىن پايدىلىنىپ، ھەر خىل ئائىلىۋى پائالىيەتلەرگە كۆپرەك قاتنىشىپ بەرسەك، دادا-بالا ئوتتۇرسىدىكى مىھىرنى كۈچەيتكىلى بولۇپلا قالماستىن، بالىلارغىمۇ ياخشى ھەمرا بولغىلى بولىدۇ. شۇڭا، بىرگە بولىدىغان ۋاقىتلىرىڭىزنى قەدىرلەپ، بالىڭىزنى نائۈمىدتە قويماڭ.

   ئاتا-ئانىسىنىڭ كەيپىياتى تۇراقلىق بولغاندا، بالا ئاندىن خۇشاللىق ئىچىدە ئۆسۈپ-يېتىلەلەيدۇ. ئەگەر سىز ھە دېسىلا ئۆيدە ئاچچىقلىنىپ چېچىلىپ كەتسىڭىز، بالىدا بىخەتەرلىك تۇيغۇسى يوق بولۇپ قېلىپ، قورقۇنچاق، يالغۇز تۇرۇشنى ياخشى كۆرىدىغان، گەپنى ئاز قىلىدىغان ۋە ئۆزىنى كەمسىتىدىغان بولۇپ  قالىدۇ.

   دۆلىتىمىزدە، "كۆڭۈل چۈشىنىدىغانلار ئاندىن ئەر-خوتۇن ھېسابلىنىدۇ" دىگەن گەپ بار. ئۆي ئىشلىرىدا بەك كۆپ چوڭ ئىش يوق، ئەمما ناھايىتى كۆپ بولىدۇ ھەم تۈگىمەيدۇ؛ شۇڭا ھەممە ئىشنى ئايالىڭىزغا تاشلاپ قويسىڭىز بولمايدۇ، ئۆزىڭىزنى ئايالىڭىزنىڭ ئورنىغا قويۇپ ئويلاپ بېقىشنى ۋە ئازدۇر-كۆپتۇر ياردەملىشىپ بىرىشنى بىلىپ، بالىڭىزغا ياخشى ئۈلگە بولىشىڭىز كېرەك.

   ھەرقانداق ئىشنى خالىغانچە تىلغا ئېلىپ قويۇپلا ئۆتۈپ كىتىشكە بولمايدۇ، ۋەدە قىلغان ئىشىڭىزنى چوقۇم پۈتۈن كۈچىڭىز بىلەن ئەمەلگە ئاشۇرىشىڭىز، ھەرخىل باھانە سەۋەبلەرنى كۆرسىتىپ ئۆزىڭىزنى قاچۇرماسلىقىڭىز كېرەك. ئەگەر ھەمىشە بالىنى ئالدىسىڭىز، بالىڭىزنىڭ قەلبىدىكى ئوبرازىڭىزغا تەسىر يەتكۈزۈپلا قالماي، يەنە ئۇنىڭ ئىشەنچىسىنىمۇ يوقىتىپ قويىسىز.

   بالىلارمۇ ئەركىنلىككە ۋە ئۆزىنىڭ چەمبىرىكى بولۇشقا مۇھتاج، ئەگەر سىز ھەممە ئىشقا چات كېرىۋىلىپ باشقۇرىمەن دەپ تۇرۋالسىڭىز، بالىلارنىڭ قەستەن قارشىلىق كۆرسىتىش پىسخىكىسىنى قوزغاپ قويىسىز؛ بۇنداق بولغاندىن، ئۇلارغا كۆپرەك بوشلۇق بىرىپ، غەم-ئەندىشىسىز ئۆسۈپ-يېتىلىشىگە شارائىت يارىتىپ بەرگىنىڭىز ئەۋزەلدۇر.