نۇرغۇن ھامىلدار ئاياللار ھامىلدار بولغاندىن كىيىن، ھەمىشە ئېغىزى قۇرۇپ ئۇسساپ كىتىدۇ؛ لىكىن بەزى ھامىلدار ئاياللار، كىچىك تەرەت قىستاپ قېلىشنى ئاۋارىچىلىق كۆرۈپ، سۇنى كۆپ ئىچىشنى خالىمايدۇ. ھامىلدار ئايالنىڭ بەدىنىدىكى ھورمۇن سەۋيىسىنىڭ ئۆزگىرىشى سەۋەبىدىن، ئايال كىشى ھامىلدار بولغاندىن كىيىن كۆپرەك ئۇسسايدىغان بولۇپ قالىدۇ؛ چۈنكى، بۇ ۋاقىتتا ئىككى كىشىلىك ئىھتىياجنى قامدىماي بولمايدۇ. ئۇنداقتا، سۇنى قانداق ئىچكەندە بىرقەدەر مۇۋاپىق بولىدۇ؟

   ھامىلدار ئايال ۋاقتىدا سۇ تەركىبىنى تۇلۇقلاپ تۇرغان ۋاقىتتا، ئاندىن ئۆزىنىڭ ۋە ھامىيلىنىڭ ساغلاملىقىغا كاپالەتلىك قىلالايدۇ! ئەمىلىيەتتە، ھامىلدار ئايالنىڭ سۇ ئىچىش مەسىلىسىدە، بەلگىلىك قائىدىگە رىئايە قىلمىسا بولمايدۇ. ئادەتتىكى ئەھۋال ئاستىدا، ھامىلدار ئايال كۈنىگە ئاز دىگەندىمۇ 8-6ئىستاكان سۇ ئىچىپ بىرىشى كېرەك، ھامىلدارلىق ئاخىرقى مەزگىلىدە بىرقەدەر ئازراق بولسىمۇ بولىدۇ. بۇ يەردە شۇنى ئەسكەرتىپ ئۆتىمىزكى، ھەرگىز ئاۋارىچىلىقتىن قورقۇپ، سۇنى ئاز ئىچىشكە بولمايدۇ، بولمىسا ساغلاملىققا چوڭ تەسىر كۆرسىتىدۇ.
   ئاز بولمىغان ھامىلدار ئاياللاردا قەۋزىيەت، كىچىك تەرەت سېرىق كىلىش، تىرە قۇرغاقلىشىش، قوقاقلاش قاتارلىق ئەھۋاللار كۆرىلىدىغان بولۇپ، بۇلارنىڭ ھەممىسى بەدەندە سۇ تەركىبى كەمچىل بولغانلىق سەۋەبىدىن كىلىپ چىققان بولۇشى مۇمكىن؛ ھامىلدار ئايال ۋاقتىدا سۇ تەركىبى تۇلۇقلاپ، بەدەننىڭ مىتابولىزىم سۈرئىتىنى تىزلىتىشى ھەمدە بۇ ئارقىلىق بەدەندىكى زەھەرلىك ماددىلار بەدەن سىرتىغا چىقىرۋىتىشنى تىزلىتىپ، قوساقتىكى ھامىيلىنىڭ يىتىلىشىگە تەسىر كۆرسىتىشتىن ساقلىنىشى كېرەك.

   ھامىلدار ئايالنىڭ سۇ ئىچىشى ۋە سۇ تۇلۇقلىشى لايىقىدا بولۇش كېرەك، ھەرگىز قانچە كۆپ ئىچسە شۇنچە ياخشى ئەمەس. ئەگەر ھامىلدار ئايال سۇنى بەك كۆپ ئىچىۋەتسە، ئۇلاردا سۇلۇق ئىششىق پەيدا بولىدۇ، بۇنىڭ تەسىرىمۇ ئوخشاشلا كىچىك ئەمەس. ئەگەر راستىنلا سۇلۇق ئىششىق ئەھۋالى كۆرۈلسە، بۇ بەلكىم سۇ تۇلۇقلاش زىيادە كۆپ بولۇپ كەتكەنلىكتىن بولىشى مۇمكىن؛ بۇ ۋاقىتتا، ھامىلدار ئايال ۋاقتىدا تەڭشەش ئېلىپ بېرىشى ھەمدە ئۇزۇقلۇق قىممىتى يۇقىرى، مايسىز ۋە تۇزى كەمرەك يىمەكلىكلەرنى ئاساس قىلىپ ئۇزۇقلىنىشى، مىۋە چىۋىلەرنى كۆپرەك ئىستىمال قىلىشى لازىم.
   ئەگەر نىسبەتەن ئالاھىدىرەك ئەھۋاللارغا ئۇچراپ، ھامىلدار ئايال سۇ ئىچىشنى ياخشى كۆرمەيدىغان بولۇپ قالسا قانداق قىلىش كېرەك؟ ئەمىلىيەتتە، نۇرغۇن ئەھۋاللارنىڭ ھەممىسى ھامىلدارلىق ئىنكاسلىرى(سىزىك) كەلتۈرۈپ چىقارغان ئەھۋاللار بولۇپ، بەزى ھامىلدار ئاياللار سۇ ئىچسە ئەكسىچە كۆڭلى ئاينىپ ئىچەلمەي قالىدۇ. بىراق، ھامىلدار ئايال ھەرقانچە بىئارام بولسىمۇ، ئەمما قوساقتىكى ھامىيلە ئۈچۈن بولسىمۇ، ۋاقتىدا يىتەرلىك مىقدار سۇ تەركىبى تۇلۇقلاشتىن باش تارتسا بولمايدۇ.