بالىلارنىڭ ھەممىسى ئىسسىقچان بولۇپ، قۇرغاق كۈز كۈنلىرىدە، سۇغۇق تەبىئەتلىك يىمەكلىكلەرنى كۆپرەك ئىستىمال قىلىش ئارقىلىق، كۈزنىڭ قۇرغاقلىقىنى پەسەيتىشكە توغرا كىلىدۇ. بۇنىڭدا، نىلوپەر غولى كۈزدىكى ئەڭ ياخشى تاللاش بولۇپ، ئىسسىق يەلنى ھەيدەش بىلەن بىرگە ئاشقازان ئۆتنى ساغلاملاشتۇرىدۇ. ئۇنىڭ يەنە كالتسىي ۋە تۆمۈر تەركىبىمۇ يۇقىرى بولۇپ، بالىلار كۆپرەك يەپ بەرگەندە، بالىلارغا قان ماغدۇر تۇلۇقلاپ، كىسەلگە قارشى تۇرۇش كۈچىنى ئاشۇرىدۇ.

   بۈگۈن كۆپچىلىكنىڭ دىققىتىگە، چۈرۈك داغلاپ پىشۇرۇلغان نىلوپەر توقىچى تەييارلاش ئۇسۇلى تۇنۇشتۇرۇپ ئۆتىمىز.
   كىتەرلىك ماتىريال: نىلوپەر غولى(تەخمىنەن 400گىرام)، ئۇن (تەخمىنەن 200گىرام)، ئىككى تۇخۇم، ئىستىمال مېيى، تۇز، غولپىياز مايسىسى
تەييارلاش ئۇسۇلى

   نىلوپەرنىڭ پوستىنى سويىۋەتكەندىن كىيىن يۇيۇپ پاكىزلاپ، ئۇششاق پارچە قىلىپ توغرىۋالىمىز.

   توغراپ تەييارلىغان نىلوپەر غولىنى چىنىگە سېلىپ، ئۈستىگە ئۇن، تۇز، غولپىياز مايسىسىنى قوشىمىز، تۇخۇمنىمۇ ئۈستىگە چاقىمىز.

   چوكا بىلەن تەكشى ئارىلاشتۇرىمىز، ئەگەر بەك قۇرۇق بولۇپ قالسا، ئازراق سۇ قوشۇپ قۇيۇق ئوماچ ھالىتىگە ئەكەلسەك بولىدۇ.

   قازانغا ئازراق ماي قۇيۇپ قىزىتقاندىن كىيىن، ئارىلاشتۇرۇپ تەييارلىغان يىمەكلىك ماتىريالىنى چۈمۈچتە ياكى چوڭراق قوشۇقتا ئېلىپ قازانغا قۇيىمىز.

   قازانغا قۇيغاندىن كىيىن ئۇنى مىدىراتماي، ئوتتۇرا دەرىجىلىك ئوتتا ياكى كىچىك ئوتتا ئاستا-ئاستا داغلايمىز؛ ئاستى تەرەپ داغلىنىپ قاتقاندىن كىيىن ئۆرۈپ يەنە بىر يۈزىنى داغلايمىز.