ئەگەر ھامىلدار ئايالنىڭ ھامىلدارلىق ۋاقتى 28ھەپتىگە توشۇپ ئېشىپ، 37ھەپتىگە يەتمەي تۇرۇپ قوسىقىدىكى بالىنى تۇغۇۋەتسە، ئۇنداقتا بۇ، بالدۇر تۇغۇلۇپ قېلىش دائىرسىگە كىرىدۇ؛ دۆلىتىمىزدە، بوۋاقلارنىڭ بالدۇر تۇغۇلۇپ قېلىش نىسبىتى، تەخمىنەن %15-%5 ئەتراپىدا.
بالدۇر تۇغۇلۇپ قالغان بالىلارنىڭ بەدەن ئورگانىزىمىنىڭ ئىقتىدارلىرى تۇلۇق يىتىلىپ بولالمايدۇ، تۇغۇلغان ۋاقتىدىكى ھامىلدارلىق ھەپتىسى قانچە كىچىك بولسا، ئېغىرلىقى شۇنچە تۆۋەن، ھايات قېلىش كۈچى شۇنچە ئاجىز بولىدۇ. ئۇنداقتا، بالىنىڭ بالدۇر تۇغۇلۇپ قېلىشىنىڭ ئالدىنى قانداق ئېلىش كېرەك؟
1. بالدۇر تۇغۇلۇپ قېلىشنى كەلتۈرۈپ چىقىرىدىغان ئامىللار ناھايىتى كۆپ: ھامىلدارلىق مەزگىلىدە ئەگىشىپ بىللە كەلگەن بەزىبىر كىسەللىكلەر، باش سۈيى زىيادە كۆپ بولۇش، بالىياتقۇ ئىچى ياللۇغلىنىش، بالىياتقۇ بوينى ئىقتىدارى تۇلۇق بولماسلىق... قاتارلىقلار. بالىنىڭ بالدۇر تۇغۇلۇپ قېلىشىنىڭ ئالدىنى ئېلىش ئۈچۈن، ھامىلدار ئايال ھامىلدارلىق مەزگىلىدە، رەسمى يۇسۇندىكى دوختۇرخانىلارغا بېرىپ، ھامىلدارلىق دائىملىق تەكشۈرتۈشلەرنى ۋاقتىدا قىلدۇرۇپ، تاساددىبىي ئەھۋاللارنىڭ ئالدىنى ئېلىش لازىم. بالا بالدۇر تۇغۇلۇپ قېلىش يۇقىرى يۇقىرى خەۋپلىك ئامىللار بار بولغان ھامىلدار ئاياللارمۇ، ئالدىنئالا دوختۇرنىڭ جىكىلىشى بويىچە ئىش كۆرۈپ، كىسەللىك ئەھۋالىنى كونتىرول قىلالايدۇ.
2. بالىنىڭ بالدۇر تۇغۇلۇپ قېلىشىنىڭ ئالدىنى ئېلىش، جىسمانىي جەھەتتىكى مەسىلە بولۇپلا قالماي، ئۇ يەنە روھى جەھەتتىكىمۇ مەسىلە؛ ھامىلدار ئايالدىكى تەشۋىشلىنىش، جىددىلىشىش، قورقۇش، ھاياجانلىنىش قاتارلىقلارنىڭ ھەممىسى، بالدۇر تۇغۇلۇپ قېلىشنى كەلتۈرۈپ چىقىرىدۇ.
3. بالىياتقۇ بوينى ئىقتىدارى مۇكەممەل بولماسلىق، ئاددىيلاشتۇرۇپ ئېيتقاندا، بالىياتقۇنىڭ بوۋاق چىقىدىغان ئېغىزى بەك بوش ئىكەنلىكىنى كۆرسىتىدىغان بولۇپ، بۇ ئەھۋالغا قارىتا، بالىياتقۇ بوينىغا ھالقا سېلىش ئوپراتسىيەسى قىلدۇرۇپ، بالىنىڭ بالدۇر تۇغۇلۇپ قېلىشىنىڭ ئالدىنى ئېلىشقا بولىدۇ.
4. بالدۇر تۇغۇۋىتىش ئالامەتلىرى ياكى بالىنىڭ بالدۇر تۇغۇلۇپ قېلىشىنى كەلتۈرۈپ چىقىرىدىغان يۇقىرى خەۋپ ئامىللىرى كۆرۈلگەن ھامىلدار ئاياللارغان نىسبەتەن، ھامىلدارلىق ھورمۇنى ئىشلىتىش ئارقىلىق بالىنىڭ بالدۇر تۇغۇلۇپ قېلىشىنىڭ ئالدىنى ئېلىشقا بولىدۇ.
5. يېقىنقى يىللاردىن بويان، نۇرغۇن دوختۇرخانىلار بالىياتقۇ بوينى تىرىكى ئارقىلىق بالىنىڭ بالدۇر تۇغۇلۇپ قېلىشىنىڭ ئالدىنى ئالىدىغان بولدى؛ بۇنىڭدا، تىرەك بالىياتقۇ بوينى كانىلىنى تىرەپ ۋە بېسىپ تۇرۇپ، بالىنىڭ بالدۇر تۇغۇلۇپ قېلىشىنىڭ ئالدىنى ئالىدۇ.
بالىنىڭ بالدۇر تۇغۇلۇپ قېلىشى، گەرچە ھەربىر ھامىلدار ئايال كۆرۈشنى خالىمايدىغان بىر ئەھۋال بولسىمۇ، ئەمما بەزىبىر ئالاھىدە ئەھۋاللاردا، ھامىلدار ئايالنىڭ ۋە قوساقتىكى بالىنىڭ سالامەتلىكىگە ئېغىر خەۋپ ئېلىپ كىلىدۇ؛ بۇنداق ئەھۋالدا، ھامىلدار ئايال يەنىلا دوختۇرنىڭ تەكلىۋىنى ئاڭلاپ، ھامىلدارلىقنى ئاخىرلاشتۇرۇشى كېرەك.
新公网安备 65010202000516号 
