ھازىر، يانفون تۇرمۇشىمىزدا ئىنتايىن ئومۇملىشىپ كەتكەن بولۇپ، قانداقلا ۋاقىتتا ۋە قانداقلا جايلاردا بولمىسۇن، قولىدىن يانفوننى چۈشۈرمەي ئويناۋاتقان كىشىلەرنى ئۇچرىتىشقا بولىدۇ. بىزنىڭ ئەنئەنىۋى قارىشىمىزدا، يانفون بىر خىل يۇقىرى چاستوتىلىق رادىئاتسىيە تارقىتىش مەنبەسى بولۇپ، ھامىلدار ئاياللارغا نىسبەتەن، ئۇزۇن ۋاقىت يانفون ئوينىغان ۋاقىتتا، قوسىقىدىكى ھامىيلىگە بەلگىلىك تەسىر كۆرسىتىدۇ.

    بىر ئولتۇرغانچە ئۇزۇن ۋاقىت يانفون ئوينىغان ۋاقىتتا، ئادەمنىڭ ئارام ئېلىش ۋاقتىنى ئىگىلىۋىلىپلا قالماي، يەنە بويۇن ئۇمۇرتقا كىسەللىكلىرىنى كەلتۈرۈپ چىقىرىدۇ. ھامىلدار ئايالغا نىسبەتەن، ئۇلار ئۆيدە زىرىكىپ يانفون ئوينىسا، ئاسانلا ئارام ئېلىش ۋاقتىنى نەزەردىن ساقىت قىلىپ قويىدۇ؛ بۇنىڭ بىلەن بىرگە، يانفون ئويناش جەريانىدا، بىر خىل بەدەن ھالىتىنى ساقلاش ۋاقتى بەك ئۇزۇن بولۇپ كەتسە، ھامىيلىنىڭ نورمال يىتىلىشىگە تەسىر يىتىدۇ.
    ئۇزۇن ۋاقىت يانفون ئوينىغاندا، ھامىلدار ئايالنىڭ ھەرىكەتلىنىش ئىقتىدارى، مىقدارى ۋە قاتتىقلىق دەرىجىسى قاتارلىقلارنىڭ ھەممىسى تۆۋەنلەپ كىتىدۇ ۋە ئىشتىھا تۇتۇلۇشنى كەلتۈرۈپ چىقىرىدۇ؛ بۇنداق ئەھۋالدا، قوساقتىكى بالىغا ئۇزۇقلۇق يىتىشمەي، نورمال ئۆسىشىگە تەسىر يىتىدۇ.

   مەيلى تەن ساغلاملىققا زىيان يەتكۈزسۈن ياكى يەتكۈزمىسۇن، كومپىيوتىرنىڭ ئالدىدا قوپماي ئۇزۇن مۇددەت ئولتۇرۋىلىش ياخشى ئەمەس، يانفونمۇ ئوخشاشلا ھەم شۇنداق. بۇخىل ناچار ئادەت يىتىلىپ قالسا، بالا تۇغۇلۇپ بولغاندىن كىيىنمۇ ئۆزگەرتىش تەسكە توختايدۇ، بۇنىڭ بىلەن بىرگە ھەم قوساقتىكى بوۋاققىمۇ بەلگىلىك تەسىر كۆرسىتىدۇ. شۇڭا، ھامىلدارلىق مەزگىلىدە، يانفون ۋە كومپىيوتىرغا قاراش ۋاقتى، بىر قېتىمدا ئەڭ كۆپ بولغاندا يېرىم سائەتتىن ئېشىپ كەتمەسلىكى، بىر كۈن ئىچىدە ئەڭ كۆپ بولغاندا ئىككى سائەتتىن ئېشىپ كەتمەسلىكى كىرەك. ئەگەر ھامىلدار ئايال بەك زىرىكىش ھىس قىلىپ قالسا، يانفون ئوينىغاندىن كۆرە، مۇزىكا ئاڭلاپ بەرسە، سىرتلارغا چىقىپ سەيلە قىلسا، ئۆزىنىڭ تەن ساغلاملىقىغا ۋە ھامىيلىگە پايدىلىق بولىدۇ.