ھامىلدارلىق مەزگىلىدە ئۇزۇقلۇق تۇلۇقلاش ياخشى بولسا، قوساقتىكى بالا ئاندىن ساغلام ئۆسۈپ يىتىلەلەيدۇ. ئۇنداقتا، ياز كۈنلىرى ھامىلدار ئاياللار قانداق شورپا ئىچىپ بەرسە ياخشى بولىدۇ؟

   ئۈنۈمى: كالا سۆڭىكى تەركىبىدە كالتسىي مول بولۇپ، ھامىلدار ئايال ۋە ھامىيلىگە ئوخشاشلا پايدىلىق؛ ھامىلدارلىق ئاخىرىقى مەزگىلى، ھامىيلىنىڭ سۆڭەكلىرى يىتىلىدىغان ۋاقىت بولۇپ، كالتسىي ماددىسىغا ئالاھىدە ئىھتىياجلىق بولىدۇ. شۇنىڭ ئۈچۈن، ھەمىشە كالا سۆڭەك شورپىسى ئىچىپ بىرىش كىرەك.

   كىتەرلىك ماتىريال: كالا سۆڭىكى، قارا قېرىنقولاق، موگو، تۇز
تەييارلاش ئۇسۇلى
   1. كالا سۆڭىكىنى قاينىغان سۇغا سېلىپ بەش مىنۇت قايناتقاندىن كىيىن سۈزۈپ ئېلىپ سۇدا بىر چايقىۋىتىمىز؛
   2. تەييارلىغان يىمەكلىك ماتىرياللىرىنى قوشۇپ، مۇۋاپىق مىقداردا سۇ قۇيغاندىن كىيىن ئۈچ سائەت قاينىتىمىز؛ ئاخىرىدا تۇز قوشۇپ تەم تەڭشىسەكلا بولىدۇ.

   ئۈنۈمى: ھامىلدارلىق دەسلەپكى مەزگىلىدىكى ئاياللارنىڭ ئىستىمال قىلىشىغا ماس كىلىپلا قالماي، پۈتكۈل ھامىلدارلىق مەزگىلىدە ئىستىمال قىلىشقا بولىدۇ. ھامىيلىنىڭ مىڭىسى ۋە نىرۋا سېستىمىسىنىڭ يىتىلىشىگە پايدىلىق بولىدۇ.

   كىتەرلىك ماتىريال: بېلىق كاللىسى، مور
تەييارلاش ئۇسۇلى
    1. قۇم قازىنىنى ئېسىپ، ئازراق ماي قۇيۇپ قازاننى ياغلايمىز؛ كەينىدىن 50گىرام قوي مېيى قوشۇپ(كۆنەلمەيدىغانلار قوشمىساقمۇ بولىدۇ)، بېلىق كاللىسىنى قازانغا سالىمىز.
   2. بېلىق كاللىسىنى داغلاپ ھەر ئىككى يۈزى سارغايغاندىن كىيىن، تېتىتقۇ ھارىقى قوشۇپ، تۇۋاقنى يېپىپ ئازراق دۈملەيمىز؛ ئۈستىگە تۇز، غولپىياز مايسىسى، زەنجىۋىل، سۇ قوشۇپ، يۇقىرى ئوتتا قاينىتىمىز ھەمدە تۇۋاقنى يېپىپ كىچىك ئوتتا 20مىنۇت دۈملەيمىز.  بېلىق تىرىسى قولىشىپ، بېلىق كۆزى پولتىيىپ چىققان ھەمدە شورپا ئاق سۈتسىمان رەڭگە كىرگەن ۋاقىتتا، مورنى سېلىپ بىر قاينىتىپ پىشۇرۋەتسەكلا بولىدۇ.

   ئۈنۈمى: كۆك كاۋا ئىسسىق يەلنى ھەيدەپ، بەدەندىكى كىراخمال ۋە قەنت تەركىبىنىڭ ئىسسىقلىق ئىنىرگىيىسىگە ئايلىنىشىنى ئىلگىرى سۈرىدۇ، ئەمما ياغقا ئايلىنىپ كەتمەيدۇ؛ خەيدەينىڭ تەركىبىدە بولسا زور مىقداردا يۇد بار بولۇپ، يۇد ماددىسى ئاياللىق ھورمۇنىنىڭ ئاجرىلىشىنى ئىلگىرى سۈرۈپ، ھۆسىن گۈزەل لەشتۈرۈش ئۈنۈمى كۆرسىتىدۇ.

   كىتەرلىك ماتىريال: خەيدەي، كۆك كاۋا
تەييارلاش ئۇسۇلى
   1. مۇۋاپىق مىقداردا سۇ ئېلىپ، ئوتنى ياققاندىن كىيىن كۆك كاۋىنى، كەينىدىن خەيدەينى سالىمىز؛ قازان قايناپ چىققاندىن كىيىن،  ئاز مىقداردا تۇز قوشۇپ تەم تەڭشىسەكلا بولىدۇ.