بالىلارنىڭ تاماق تاللىشى، ئادەمنىڭ بېشىنى قاتۇرىدىغان بىر مەسىلە! ئۆزى ياقتۇرمايدىغان يىمەكلىكلەرنى كۆرسە، يا ئېغىزىنى قەتئى ئاچمايدۇ، يا بولمىسا يەپ بولۇپ تۈكۈرۋىتىدۇ...ئۇنىمۇ يىمەيدۇ، بۇنىمۇ يىمەيدۇ، ئاتا-ئانىسى بولسا، ئۇنىڭغا ئۇزۇقلۇق يىتىشمەي قېلىشىدىن ئەنسىرەپ بولالماي قالىدۇ.

   ئەمىلىيەتتە، بالىلارنىڭ تاماق تاللايدىغان بولۇپ قېلىشىغا نىسبەتەن، "ئالدىنى ئېلىشقا" ۋە "قۇتقۇزۇۋىلىشقا" بولىدۇ.
   تاماق تاللايدىغان بولۇپ قېلىشنىڭ ئالدىنى ئېلىشتا، ئىككى مەزگىلنى ئۆتكۈزۈۋەتمەسلىك كىرەك.
   بىرىنچى مەزگىل، بوۋاققا قوشۇمچە يىمەكلىك بىرىشنى باشلاشتىن بۇرۇنقى، ئانىنىڭ ھامىلدارلىق مەزگىلى ۋە ئىمىتىش مەزگىلى
كۆپچىلىككە بەلكىم مەلۇملۇق بولۇشى مۇمكىن؛ ئەمىلىيەتتە بوۋاقنىڭ تەم خاھىشى، ئانىسىنىڭ قوسىقىدىكى ۋاقىتتىلا يىتىلىشكە باشلايدۇ. ھامىلدارلىق مەزگىلى ۋە ئىمىتىش مەزگىلىدە، ئانىنىڭ يىگەن يىمەكلىكىنىڭ تەمى، باش سۈيى ياكى ئانا سۈتى ئارقىلىق بالىغا يەتكۈزۈلىدۇ.

    شۇڭا، ئادەتتە تاماق تاللايدىغان ئانىلارمۇ، بالىڭىز ئۈچۈن، يەيدىغان يىمەكلىك تۈرىنى ئىمكان قەدەر موللاشتۇرۇشىڭىز كىرەك. بۇنىڭدا، قوسىقىڭىزدىكى بالىڭىزنىڭ، كەلگۈسىدە ھەرخىل يىمەكلىكلەرنى قوبۇل قىلىش دەرىجىسى يۇقىرىراق بولىدۇ.

   ئىككىنچى مەزگىل، بوۋاقلار يىڭىدىن قوشۇمچە يىمەكلىك يىيىشنى باشلىغان ۋاقىت
    بۇ مەزگىل تېخىمۇ مۇھىم بولۇپ، بالىلارنىڭ ئوخشاش بولمىغان تەملەرنى قوبۇل قىلىشنى ئۆگىنىشىدىكى ئەڭ ياخشى مەزگىل. ئادەتتە، بىر ياشقا توشقاندىن كىيىن يىمەكلىك تاللايدىغان بولىۋالىدىغان بالىلارنىڭ كۆپىنچىسى، بىر ياشقا كىرىشتىن ئىلگىرى يەپ باققان يىمەكلىكلىرىنىڭ تۈرى بەك ئاز بولغانلىقىدىن بولىدۇ، ياكى بولمىسا، ئىزچىل تۈردە ئىزىپ قاينىتىپ يىگۈزۈپ، يىمەكلىكنىڭ شەكىل ھالىتىنى ۋاقتىدا تەڭشىمىگەنلىكتىن بولىدۇ.

    قوشۇمچە يىمەكلىكلەرنى قوشۇشقا باشلىغان دەسلەپكى مەزگىلدە، بوۋاقلارنى كۆپرەك يىمەكلىك تۈرىگە ئۇچراشتۇرساق، ئۇلار تۇتۇپ بېقىپ، پۇراپ تېتىپ بېقىپ، ھەرخىل يىمەكلىكلەرنى ئومۇميۈزلۈك جەھەتتىن تۇنۇيدۇ، بۇنىڭدا بالىلارنىڭ يىمەكلىك تاللىشىنى زور دەرىجىدە تۆۋەنلەتكىلى بولىدۇ.
    ئەگەر تاماق تاللايدىغان بولۇپ بولغان بولسا قانداق "قۇتقۇزۇش" كىرەك؟
   ئەگەر بالا تاماق تاللايدىغان بولىۋالغان بولسا قانداق قىلىش كىرەك؟ ئالدىرماڭ، تۆۋەندىكى ئاماللارنى كۆرۈپ بېقىڭ!
   ئالدى بىلەن، بوۋاقنى ئالداشقا بولمايدۇ. ئۇنىڭغا ئېغىزىڭغا گۆش سالىمەن دەپ، ئۇ ئېغىزىنى ئاچقاندىن كىيىن چىچەكسەي سەپ قويسىڭىز، بۇنىڭدا بوۋاق سىزگە بولغان ئىشەنچىسىنى يوقىتىدۇ.
   بالىلار تېخى كىچىك ۋاقتىدا يىمەكلىك تاللايدىغان بولىۋالسا، ئۇنى كۆپرەك زورلاپ سىناپ بېقىڭ(نەچچە ئون قېتىم بولسىمۇ زىرىكىپ قالماڭ)، كۆپرەك رىغبەتلەندۈرۈڭ.

   بۇندىن باشقا يەنە، يىمەكلىكنى تەييارلاش جەھەتتە كۆپرەك زىھىن سەرپ قىلىڭ. مەسىلەن، بالىلار يىشىل كۆكتات يىيىشنى ياقتۇرمىسا، ئۇنى ئۇششاق چاناپ قاتلىما ئارىسىغا قوشۇۋىتىڭ؛ ياكى بالا يىيىشكە ئامراق بولغان يىمەكلىكلەر بىلەن ئارىلاشتۇرۇپ، بوۋاق ياخشى كۆرىدىغان ھەرخىل شەكىللەرگە كەلتۈرۈپ تەييارلاپ بىرىپ سىناپ بېقىڭ.
   بىراق يېراقنى كۆزلىگەندە، بالىلارغا يىمەكلىكنىڭ پايدىلىق تەرەپلىرىنى ئىرىنمەي چۈشەندۈرۈپ بىرىپ، ئۇلارنىڭ تۇنۇشىنى ئۆستۈرۈشكە ئەھمىيەت بىرىش كىرەك.