ھەربىر بوۋاقنىڭ تۇغۇلۇشى، ئاتا-ئانىسىنىڭ ئۈمىدىنى ئۈستىگە ئالغان بولىدۇ. ھەربىر ئاتا-ئانا ئۆز بالىسىنىڭ ساغلام خۇشال، ئەقىللىق ھەم يامان بولۇشىنى ئۈمىد قىلىدۇ. ئەمىلىيەتتە، بالىڭىزنى تېخىمۇ ئەقىللىق بولسۇن دىسىڭىز، ئادەتتە ئۇلارنىڭ ئالقىنى بىلەن تاپىنىنى كۆپرەك سىيلاپ بەرسىڭىز بولىدۇ.
    بىز ھەمىشە، ئادەمنىڭ ئون بارمىقى يۈرىكىگە تۇتىشىدۇ دەيمىز؛ بۇنىڭدىكى سەۋەپ بولسا، قول بارماقلىرىدىكى نىرىپ ئۇچلىرىنىڭ تارقىلىشى نىسبەتەن كۆپ بولۇپ، بوۋاقلارنىڭ قوللىرىنى ھەمىشە ئۇۋلاپ يىنىك ئۇرۇپ بەرگەندە، ئۇلارنىڭ قولىدىكى نىرىپلار ئارقىلىق چوڭ مىڭىگە رىفلىكىس يەتكۈزۈپ، بوۋاقلارنىڭ نىرۋونلىرىنى غىدىقلاش ئۈنۈمىگە يەتكىلى بولىدۇ؛ بۇنىڭدا، بوۋاقنىڭ چوڭ مىڭىسىنىڭ يىتىلىشى تېخىمۇ تىز بولىدۇ.

   بۇنىڭ بىلەن بىرگە، بوۋاقلارنىڭ پۇتىدىمۇ نۇرغۇنلىغان پەللىلەر بار بولۇپ، بۇ پەللىلەرنى ئۇۋۇلاپ بەرگەندە، بوۋاقنىڭ بەدىنىدىكى قان ئايلىنىشنى تىزلىتىپ، ئۇلارنىڭ تېخىمۇ ساغلام ئۆسۈشىگە پايدىلى بولۇپلا قالماي، يەنە ئۇلارنىڭ ئىممونت كۈچىنىمۇ ئاشۇرىدۇ. تەتقىقات نەتىجىلىرىدە كۆرسىتىلىشىچە، بەدىنى ساغلام، ئىممونت كۈچى يۇقىرى بولغان بالىلار تېخىمۇ ئەقىللىق بولىدىكەن.
   شۇنىڭ ئۈچۈن، ئاتا-ئانىلار بوۋىقىنىڭ قوللىرىنى ۋە پۇتىنى سىيلاپ ئۇۋۇلاپ بەرسە، ئۇلارنىڭ چوڭ مىڭىسىنىڭ يىتىلىشىنى غىدىقلاشقا پايدىللىق بولۇپلا قالماي، ئەڭ مۇھىم بولغىنى، ئۇلارنىڭ بوۋىقى بىلەن بولغان يېقىنلىق دەرىجىسىنى ئاشۇرۇپ، بوۋاققا سىرتقى دۇنيادىكى مۇھەببەتنى ھىس قىلدۇرىدۇ. بۇلار ئاندىن، بوۋاقنىڭ چوڭ مىڭىسىنىڭ يىتىلىشىدىكى تىزلەتكۈچ ھىسابلىنىدۇ.
    بىراق، بوۋاقلارنىڭ بەدىنىدىكى يەنە ئۈچ جاينى ئىمكان قەدەر سىيلاپ ئۇۋىلىماسلىق كىرەك، بولمىغاندا بوۋاقنىڭ يىتىلىشىگە تەسىر يىتىدۇ.

   بوۋاقلارنىڭ شىنمىن ئىشىكى(囟门،باش چوقا قىسمىدىكى) ۋە يۈز قىسمىنى سىيلاپ ئۇۋلىماسلىق كىرەك.
   بوۋاقلارنىڭ شىنمىن ئىشكى ئالدى شىنمىن ۋە كەينى شىنمىن ئىككىگە بۆلىنىدىغان بولۇپ كەينى شىنمىن 3-2ئايلىق بولغاندىلا يېپىلىپ بولىدۇ؛ ئالدى شىنمىن بولسا 24-8ئاي ئەتراپىدا ئاندىن يېپىلىپ بولىدىغان بولۇپ، بۇ ئارلىقتا يېپىلغانلىرىنىڭ ھەممىسى نورمال ھىسابلىنىدۇ. يىڭى تۇغۇلغان بوۋاقلارنىڭ باش سۆڭىكى ئالتە پارچە سۆڭەكتىن تەشكىل تاپقان بولۇپ، بۇ ئالتە پارچە سۆڭەك ئۇنچە مۇستەھكەم ئەمەس؛ بولۇپمۇ ئالدى پىشانىسىنىڭ ئۈستى قىسمى، ئوتتۇرىدىكى مەركىزى قىسمى ۋە ئارقا مىڭە تەرەپ(يەنى كەينى شىنمىن ئورنى) ئىنتايىن ئاجىز كىلىدۇ. بەزى بالىلارنىڭ ئالدى شىنمىننىڭ ئارىلىقى نىسبەتەن كەڭ بولۇپ، نەپەسلەنگەندە كۆپۈپ پەسىيىپ تۇرىدۇ. شۇنىڭ ئۈچۈن، ئالدى شىنمىن يىتىلىش مەزگىلىدە تۇرۋاتقان، يەنى تېخى تۇلۇق يېپىلىپ بولالمىغان بوۋاقلارنىڭ باش قىسمىنى ئىمكان قەدەر ئاز تۇتماق كىرەك. بولمىغاندا، ئەگەر بىرەر زەخمىگە ئۇچراپ قالسا، بوۋاقنىڭ ئەقلى ئىقتىدارىنىڭ يىتىلىشگە تەسىر كۆرسىتىپلا قالماي، يەنە تېخى ئاسانلا مىڭە ياللۇغلىنىپ قېلىش قاتارلىق كىسەللىكلەرنى كەلتۈرۈپ چىقىرىدۇ.