ھامىلدارلىق مەزگىلى، ئايال كىشىنىڭ ئۆمرىدىكى ئەڭ چوڭ ئىشلارنىڭ بىرى بولۇپ، مەيلى تاماق يىيىش ياكى ئۇخلاشتا بولسۇن، ۋە ياكى بىرەر ئىش قىلغاندا بولسۇن، ئالاھىدە دىققەت قىلىشى لازىم بولىدۇ. ئەگەر ئىھتىيات قىلماي، تاساددىبىي ئەھۋال يۈز بىرىپ، قوساقتىكى ھامىيلىگە تەسىر يەتكۈزۈپ قويسا، ئادەم ئۆمۈر بويى پۇشايمانغا قالىدىغان گەپ. بىراق، بەزى نەرسىلەرنى ھامىلدار ئايالنىڭ ئۆزىنىڭ كونتىرول قىلالىشى ناتايىن، ئۇ بولسىمۇ ھامىيلىنىڭ قوساقتىكى جايلىشىش ئورنى.

    ھامىلدار ئاياللارنىڭ ھەممىسىگە مەلۇملۇق، ھامىيلىنىڭ قوساقتىكى ئورنىنىڭ ئوڭ ياكى تەتۈر بولۇشى، تۇغۇتقا تەسىر كۆرسىتىدىغان چوڭ بىر ئامىل بولۇپ، بۇنىڭ بىلەن بىرگە يەنە ھامىلدار ئايالنىڭ تۇغۇتىغا بەلگىلىك دەرىجىدە خەۋپ ئېلىپ كىلىدۇ. ئادەتتە، ھامىلدارلىق مەزگىلى 34ھەپتىگە توشقاندىن كىيىن، ھامىيلىدە تەتۈر ئورۇنلىشىش ئەھۋالى كۆرۈلسە، بۇ ۋاقىتتا قايتا تەڭشەپ جايىغا ئەكەلگىلى بولمايدۇ؛ چۈنكى بۇ ۋاقىتتا، ھامىيلىنىڭ ئورۇنلىشىشى ئاساسى جەھەتتىن مۇقىملىشىپ قالغان بولۇپ، سۈنئى ئۇسۇلدا تەڭشەش قىلغاننىڭمۇ پايدىسى بولمايدۇ. بىراق، سەۋرچانلىق بىلەن دوختۇرلارنىڭ تەۋسىيىسىنى ئاڭلاشنىڭمۇ بەلگىلىك ئۈنۈمى بار بولىدۇ.

    ھامىلدار ئايال ھامىلدارلىق 28-ھەپتىسىگە كىرگەندىن كىيىن، ئۆزى تۇغۇشنى ئويلايدىغان ئاياللار، ھامىيلىنىڭ ئورۇنلىشىش ئەھۋالىغا دىققەت قىلىشى كىرەك. بىراق بۇ مەزگىلدە، ھامىيلىنىڭ ئورۇنلىشىش ئەھۋالىدا ئۆزگىرىش ناھايىتى چوڭ بولۇپ، شۇ ۋاقىتتا تەتۈر ئورۇنلىشىپ قالغان بولسىمۇ، ھامىلدارلىق ئاخىرىقى مەزگىلىدە تۇغۇتى يېقىنلىشىپ قالغان ۋاقىتتا، ئۆزلىگىدىن ئوڭشىلىپ، ئوڭ ئورۇنلىشىش ھالىتىگە كىلىپ قىلىشى مۇمكىن. چۈنكى، ھامىيلە ئانىسىنىڭ قورسىقىدا ھەرۋاقىت ئۆرۈلۈپ مىدىرلاپ تۇرىدۇ. بىراق، 28-ھەپتىدىن كىيىن 34-ھەپتىگىچە بولغان ئارىلىقتا، ھامىيلىنىڭ ئورنى تەتۈر بولۇپ قالغان بولسا، ئۇنداقتا مەخسۇس كەسپى ئۇسۇللار ئارقىلىق ئوڭ ھالەتكە ئەكىلىشكە توغرا كىلىدۇ. چۈنكى بۇ ۋاقىتتا ھامىيلە كۈنسايىن يوغىناۋاتقان بولغاچقا، ئۇنىڭ ئانىنىڭ قورسىقىدىكى ئورنى ئاساسى جەھەتتىن مۇقىملىشىپ، ئاسانلىقچە ئۆزگەرمەيدىغان بولۇپ قالىدۇ.