ھەربىر ئاتا-ئانا بالىسىنى تەربىيەلىگەن ۋاقىتتا، بالىسىنىڭ كەلگۈسىدە ياراملىق ئادەم بولۇشىنى ئۈمىد قىلىدۇ. بولۇپمۇ بالىسى مەكتەپكە بارغاندىن كىيىن، بالىسىنىڭ ئەلاچى ئوقۇشىنى ئارزۇ قىلىدۇ. بىراق، بەزى ۋاقىتلاردا سىز بالىڭىزنىڭ ئىزچىل تۈردە بەزى بالىلارغا يىتىشەلمەيۋاتقانلىقىنى بايقايسىز؛ ئوخشاش بىر مۇئەللىم ئۇقۇتۇۋاتقان تۇرسا، نىمە سەۋەپتىن بۇنداق بولىدۇ؟ شۇنىڭ ئۈچۈن، ئەگەر ئەلاچى ئوقۇغۇچى يىتىشتۈرۈپ چىقىمەن دىسىڭىز، ئانىلار بۇ تۆت خىل ئىشنى قىلىشى كىرەك.

بالىغا نازارەتچىلىك قىلىش
   نازارەت قىلىشنى ئۆگىنىش، ھەربىر ئانا چوقۇم ھازىرلاشقا تىگىشلىك بىر ماھارەت؛ چۈنكى، بالىلار تېخى كىچىك، ئۆزىنى كونتىرول قىلىش كۈچى تۆۋەن بولغاچقا، دەرس تەكرار قىلىشتا بەزىدە بوشىشىپ قالىدىغان ئەھۋاللار كۆرىلىدۇ. شۇڭا ئاتا-ئانىلار، ھەرۋاقىت بالىسىنى نازارەت قىلىپ، بالىسىنىڭ تاپشۇرۇق ئىشلەش ۋە تەكرار قىلىش ئەھۋالىنى تەكشۈرۈپ تۇرۇش كىرەك. ئاتا-ئانىلار ھۇرۇنلۇق قىلمىسا، بالىسىمۇ ھۇرۇنلۇق قىلمايدۇ.
بالىغا ھەمدەمدە بولۇش
   ھەربىر بالىنىڭ قىيىن مەسىلىگە دۇچ كىلىپ  قالىدىغان ۋاقتى بار بولىدۇ، بۇنداق ۋاقىتتا ئاتا-ئانىلار چوقۇم بالىسىغا سەۋرچانلىق بىلەن چۈشەندۈرۈشى، خوشياقمىغاندەك تاقابىل تۇرۇپ ئۆتكۈزۈۋىتىشتىن ساقلىنىشى كىرەك؛ بولمىغاندا، بالىلارنىڭ مەسىلىسى بارغانسىرى كۆپىىيىپ، باشقا بالىلار بىلەن بولغان ئارىلىقى بارغانسىرى چوڭىيىدۇ، نەتىجىسىمۇ تەبىئىلا تۆۋەنلەپ كىتىدۇ.

بەس تالاشماسلىق
   ھەرقانداق بىرئاتا-ئانىنىڭ بەس تالىشىش ئىدىيىسى بار؛ بولۇپمۇ بالىلارنىڭ مەسىلىسىدە، بۇ ئالاھىدىلىك تېخىمۇ بەك گەۋدىلىنىپ چىقىدۇ. مەسىلەن، بالىلارنىڭ ئۆگىنىش نەتىجىسىدە بەس تالىشىدۇ، بالىلارنىڭ يىمەك-ئىچمەك ۋە كىيىم-كىچىكىدە بەس تالىشىدۇ دىگەنلەرگە ئوخشاش. ئاتا-ئانىنىڭ بۇنداق باشقىلار بىلەن بەس تالىشىشى، بالىغا زور بېسىم ئېلىپ كىلىدىغان بولۇپ، نەتىجىسىگە تەبىئىلا تەسىر يەتكۈزىدۇ.