بوۋاقلارنى ئانا سۈتى ئىمىتشتىن توختىتشقا نىسبەتەن ئەڭ ئىلمى بولغان ئۇسۇل، ئىمىتىش قېتىم سانىنى تەدرىجى تۈردە ئازايتىپ، كالا سۈتى ۋە باشقا قوشۇمچە يىمەكلىكلەرنى تەدرىجى ھالدا ئانا سۈتىنىڭ ئورنىغا دەسسىتىپ، ئاخىرىدا ئىمىتىشنى ئۈزۈل كىسىل توختىتىشتۇر. بالىنى ئانا سۈتىدىن ئايرىش ئۈچۈن، ئەمچەككە ئاچچىق نەرسە سۇۋاپ قويۇپ، بالىلارنىڭ ئانا سۈتى ئىمىشىنى بىراقلا مەجبۇرى توختىتىشقا بولمايدۇ؛ بولمىغاندا، بالىلارنىڭ كۆڭلىدە پىسخىكىلىق توسالغۇ ساقلىنىپ قېلىشى مۇمكىن. بۇنىڭدىن باشقا، بالىلارنى ئانا سۈتىدىن ئايرىغاندا، يەنە تۆۋەندىكى ئۈچ نوقتىغا دىققەت قىلىش لازىم.

بالىلار زۇكام ۋاقتىدا ئانا سۈتىنى توختىتىۋىتىشكە بولمايدۇ
    بوۋاق زۇكام بولۇپ قالغاندا، ئۇلارنىڭ كىسەلگە قارشى تۇرۇش كۈچى تۆۋەنلەپ كىتىدىغان بولغاچقا، ئەگەر بۇ ۋاقىتتا ئانا سۈتىنى توختاتساق بوۋاقنىڭ كىسىلىنى ئېغىرلىتىۋىتىدۇ. بۇندىن باشقا، بۇ ۋاقىتتا بوۋاقنىڭ ھەزىم قىلىش سېستىمىسىمۇ تەسىرگە ئۇچرايدىغان بولغاچقا، ئۇلارغا باشقا قوشۇمچە يىمەكلىكلەرنى يىگۈزگەندە، ئۇلار بۇنى ھەزىم قىلالماي ئىچى سۈرۈپ قالىدۇ.
بالدۇر تۇغۇلۇپ قالغان بالىلارغا قارىتا ئانا سۈتىنى بەك بۇرۇن توختاتماسلىق لازىم
    ئانىنىڭ سۈتى يىتەرلىك بولغان ئەھۋال ئاستىدا، بالدۇر تۇغۇلۇپ قالغان بوۋاقلارنى ئۇزۇنراق ئىمىتىپ بەرسە بولىدۇ؛ چۈنكى، بالدۇر تۇغۇلۇپ قالغان بوۋاقلار، ئىچكى ئەزالىرى نىسبەتەن تۇلۇق يىتىلىپ بولالمايلا تۇغۇلۇپ قالغان بولغاچقا، ئۇلارنىڭ ھەزىم قىلىش ئىقتىدارى ئەسلىدىنلا نىسبەتەن ناچارراق كىلىدۇ؛ شۇڭا ئانا سۈتىنى بەك بالدۇر توختىتىۋەتمەسلىك تەۋسىيە قىلىنىدۇ.