باھار پەسلى، بوۋاقلارنىڭ بەدىنىنىڭ ئۆسىشىدىكى ئالتۇن مەزگىل بولۇپ، قىسقىغىنا كەلگەن بۇ نەچچە ئون كۈنلۈك پۇرسەتنى چىڭ تۇتۇش ئۈچۈن، ئاتا-ئانىلار بالسىنى ئۇزۇقلاندۇرۇشقا تېخىمۇ بەكرەك كۆڭۈل بۆلۈپ، ئازراقلا ئىھتىيات قىلمىسا، بوۋاقلارنى نورمىدىن ئارتۇپ تويۇندۇرۋىتىدىغان ئەھۋال كىلىپ چىقىدۇ.

چوڭ تەرىتى بىنورمال كىلىدۇ
    بوۋاقنىڭ چوڭ تەرىتى يىشىل رەڭدە ھەمدە كۆپۈكچىلەر بار كەلسە، بۇ ئۇلارنىڭ نورمىدىن ئارتۇق ئۇزۇقلىنىۋالغانلىقىنى چۈشەندۈرىدۇ؛ بۇ ۋاقىتتا، ئاتا-ئانىلار بالىنى ئۇزۇقلاندۇرۇش قېتىم سانى ۋە مىقدارىنى ئازايتىش كىرەك.

تەرەت قىلىش قېتىم سانى ۋە مىقدارى ئازىيىدۇ
    بالىنى بەك كۆپ ئۇزۇقلاندۇرۋەتكەندە، ئۇلارنىڭ ئاشقازان-ئۈچىيىدە مەسىلە كۆرىلىدىغان بولۇپ، بۇنىڭ ئالامەتلىرىنىڭ بىرى بولسا، چوڭ تەرەتنىڭ قېتىم سانى ۋە مىقدارى ئازلاپ كىتىشتۇر.
سۈتنى ياندۇرۋىتىدىغان ئەھۋاللار كۆپىيىدۇ
     بوۋاقلارنىڭ ئاشقازىنى كىچىك، ھەزىم قىلىش ئىقتىدارى نىسبەتەن ئاجىز كىلىدۇ؛ ئەگەر ئۇلارنى بەك كۆپ ئىمىتىۋەتكەندە، سۈتنى ياندۇرۋىتىدىغان ئەھۋال كۆپىيىپ قالىدۇ. شۇڭلاشقا، ئادەتتە بالا يىغلىغان ھامانلا ئۇنى ئىمىتىشكە تۇتۇش قىلماي، ئالدى بىلەن ئۇنىڭ قورسىقى ئاچقان ئاچمىغانلىقىنى ئايرىپ چىقىش كىرەك.

قورسىقى كۆپۈپ قالىدۇ
   بوۋاقلارنىڭ ھەزىم قىلىش ئىقتىدارى نىسبەتەن ئاجىز بولغاچقا، ئۇلارغا بەك كۆپ نەرسە يىگۈزىۋەتكەندە، يىمەكلىك ئۇلارنىڭ ئاشقازان-ئۈچەي يوللىرىدا يېغىلىپ قېلىپ، ئۇلارنىڭ قوسىقىنىڭ كۆپۈپ قېلىشىنى كەلتۈرۈپ چىقىرىدۇ. شۇڭا بۇنداق ئەھۋالدىن ساقلىنىش ئۈچۈن، بوۋاقلارنى ئەڭ ياخشىسى ئاز مىقداردا كۆپ قېتىم ئۇزۇقلاندۇرۇشقا ئادەتلىنىش كىرەك.

ھەزىم قىلىش ناچارلىشىش
    بوۋاقلارنى نۇرمىدىن ئارتۇق ئۇزۇقلاندۇرۋەتكەندە ياكى مۇدەتتىن بۇرۇن قوشۇمچە يىمەكلىك يىگۈزۈشنى باشلىغاندا، ئۇلارنىڭ ھەزىم قىلىش ئەزالىرىنىڭ يۈكىنى ئېغىرلىتىپ، ھەزىم قىلىش ناچارلىشىشنى كەلتۈرۈپ چىقىرىدۇ.
ئاسانلا چارچاپ قالىدۇ
    نورمىدىن ئارتۇق يىمەكلىكنى ھەزىم قىلىش ئۈچۈن، ھەزىم قىلىش يوللىرى تەبىئىلا كېڭىيىدۇ؛ بۇنداق ئەھۋالدا، چەكلىك بولغان قان سۇيۇقلۇقى ۋە ئوكسىگىن، باش قىسىمدىن ھەزىم قىلىش يوللىرىغا يۆتىكىلىدۇ ھەمدە بۇ سەۋەپلىك مىڭە ھۈجەيرىلىرىدە ۋاقتىلىق قان يىتىشمەسلىك كۆرىلىدۇ. شۇڭا ئادەتتە، قانچىكى كۆپ ئۇزۇقلىنىۋالسا، ئاشقازان-ئۈچەي ئىھتىياجلىق بولىدىغان قان سۇيۇقلۇقى شۇنچە كۆپ، مىڭىگە تەمىنلىنىدىغان قان سۇيۇقلۇقى بولسا شۇنچە ئاز بولىدۇ، ئاخىرىدا چوڭ مىڭىگە ئېلىپ كىلىدىغان زىيىنىمۇ شۇنچە چوڭ بولىدۇ.
سەمىرىپ كىتىدۇ
    بوۋاق مەزگىلىدە زىيادە كۆپ ئۇزۇقلاندۇرۇش، بالىلار سېمىزلىكى(6-5ياش) كىلىپ چىقىش خەۋپىنى ئاشۇرۋىتىدۇ. تەتقىقاتلاردا بايقىلىشىچە، ئادەمنى بالدۇر قېرىتىۋىتىدىغان ماددىلار، زىيادە تويۇنۇپ ئۇزۇقلىنىش سەۋەبىدىن نەچچە ئون مىڭ ھەسسە ئېشىپ كىتىدىغان بولۇپ، ئاسانلا سېمىزلىق كىسىلى پەيدا قىلىدىكەن، ھەتتا چوڭ مىڭىنىڭ يىتىلىشىگە تەسىر كۆرسىتىپ، ئەقلى ئىقتىدارى تۆۋەن بولۇپ قېلىشىنى كەلتۈرۈپ چىقىرىش ئىھتىماللىقى بار بولىدىكەن.