ھامىلدارلىق مەزگىلىدە، ھامىلدار ئايال قورسىقىدىكى ھامىيلىنىڭ يىتىلىشىنىڭ ياخشى بولالماي قېلىشىدىن ئەنسىرەيدۇ. ئەمىلىيەتتە، ھامىلدارلىق مەزگىلىدە تۆۋەندىكى ئۈچ ئەھۋال كۆرۈلسە، ھامىيلىنىڭ ساغلام يىتىلىۋاتقانلىقىنى بىلدۈرىدۇ.

كۆڭۈل ئاينىپ قۇسۇش ئەھۋالى نورمال بولسا
    ئاياللار ھامىلدار بولغاندىن كىيىن، ئۇلارنىڭ بەدىنىدىكى ھورمۇننىڭ ئۆزگىرىشىگە ئەگىشىپ، نۇرغۇن ھامىلدار ئاياللاردا كۆڭۈل ئاينىپ قۇسۇشتەك ھامىلدارلىق دەسلەپكى مەزگىلى ئىنكاسى كۆرۈنىدۇ؛ بولۇپمۇ ئەتىگىنى ئورنىدىن تۇرغان ۋاقىتتا، قۇسۇپ ياندۇرۇش تېخىمۇ كۆرۈنەرلىك بولىدۇ. بۇ، ئاياللار ھامىلدار بولغاندىن كىيىن، ئۇلارنىڭ بەدىنىدىكى ھورمونلارنىڭ كۆپەيگەنلىكىدىن بولۇپ، بۇ خىل ھورمۇن ئاجرىلىپ چىقىش ئاشقازان-ئۈچەينى غىدىقلاپ، ئاشقازان-ئۈچەي قىمىرلىشىنى ئاستىلىدۇ ھەمدە ئاشقازان سۇيۇقلۇقى ئاجرىلىپ چىقىشىنى ئازايتىدۇ؛ بۇ سەۋەپلىك ھامىلدار ئاياللاردا كۆڭلى ئاينىش، قۇسۇپ ياندۇرۇش قاتارلىق ئەھۋاللار كۆرۈلىدۇ. ئەگەر بۇ خىل كۆڭۈل ئاينىش، قۇسۇپ ياندۇرۇش ھادىسىسى نورمال كۆرۈلگەن بولسا، ئۇنداقتا بۇ، ھامىيلىنىڭ يىتىلىشىنىڭ نورمال ئىكەنلىكىنى چۈشەندۈرۈپ بىرىدۇ.

ھامىيلىنىڭ مىدىرلىشى نورمال بولسا
    ھامىيلىنىڭ مىدىرلىشى، ھامىيلىنىڭ يىتىلىش ئەھۋالىنى ناھايىتى ياخشى ئەكىس ئەتتۈرۈپ بىرەلەيدۇ؛ شۇڭا، ھامىلدار بولۇپ 4 ئايغا توشقاندىن كىيىن، ھامىيلە مىدىرلايدىغان ئەھۋاللار كۆرۈلۈشكە باشلايدىغان بولۇپ، بۇ ۋاقىتتا ھامىلدار ئانا ھامىيلىنىڭ مىدىرلاش قېتىم سانىنى ساناپ ئادەتلەنسە بولىدۇ. ئادەتتىكى ئەھۋال ئاستىدا، ھامىيلىنىڭ مىدىرلىشى، بىر سائەت ئىچىدە 5-3قېتىم ئەتراپىدا بولسا نورمال ھىسابلىنىدۇ؛ بىراق، ئەگەر ھامىيلىنىڭ مىدىرلىشى بەك كۆپ بولۇپ كەتسە ياكى بەك ئاز بولۇپ قالسا، ئۇنداقتا ھامىيلىنىڭ يىتىلىش ئەھۋالىدا بىنورماللىق كۆرۈلگەن بولۇشى مۇمكىن؛ مەسىلەن، ھامىيلىگە ئوكسىگىن يىتىشمەي قېلىش دىگەنلەرگە ئوخشاش. بۇنداق ئەھۋال ئاستىدا، ئەڭ ياخشىسى ۋاقتىدا دوختۇرخانىغا بېرىپ تەكشۈرتۈپ بېقىش كىرەك.