ئەنگىلىيە "كۈندىلىك پوچتا" گىزىتىنىڭ 11-دىكابىردىكى خەۋرىگە ئاساسلانغاندا، ھىندىستاندىكى بىر دوختۇرخانا، تۇغۇلغىلى ئەمدىلا ئۈچ كۈن بولغان ئۇلاشما تەنلىك بوۋاقلارغا ئايرىش ئوپراتىسىيى ئېلىپ بېرىپ، مۇۋەپپىقىيەتلىك ھالدا ئىككى بوۋاقنىڭ جېنىنى قۇتقۇزۇپ قالغان.

    بۇ بىر جۈپ ئۇلاشما تەنلىك بوۋاقنىڭ بەدەن ئېغىرلىقى ئاران 7 قاداق(تەخمىنەن 6جىڭ 180 گىرامغا تەڭ) كىلىدىغان بولۇپ، ئۇلار ئاشقازان قىسمى تۇتاش ھالەتتە تۇغۇلغان؛ دوختۇرلارنىڭ تەۋسىيىسى ئاستىدا، ئۇلارغا قارىتا 5سائەتلىك ئايرىش ئوپراتسىيىسى ئېلىپ بېرىلغان بولۇپ، ئوپراتسىيە ئىنتايىن مۇۋەپپىقىيەتلىك بولغان؛ دوختۇرلار بوۋاقنىڭ ئاتا-ئانىسىغا خىزمەت ئىشلەپ، گەرچە ئوپراتسىيىنىڭ مۇۋەپپىقىيەتلىك بولۇش بولماسلىقىدىن ئەنسىرسىمۇ، بىراق ئوپراتسىيە قىلىشنىڭ ئۇلارنىڭ ئەڭ ياخشى تاللىشى ئىكەنلىكىنى چۈشەندۈرۈپ، ئۇلارنىڭ ئوپراتسىيە قىلىشقا قوشۇلۇشىنى قولغا كەلتۈرگەن.

    بۇ قېتىملىق ئوپراتسىيە قىيىنلىق دەرىجىسى ئىنتايىن يۇقىرى "رىقابەت كۈچىگە ئىگە" ئوپراتسىيە بولۇپ، ئاخىرقى نەتىجە 5سائەتلىك ئوپراتسىيىنىڭ مۇۋەپپىقىيەتلىك بولغانلىقىنى ئىسپاتلىغان. دوختۇرلارنىڭ پەرەرز قىلىشىچە، بوۋاقلار كىلەر ھەپتىنىڭ ئاخىرلىرىدا ئۆيىگە قايتىپ كۈتۈنسە بولىدىكەن.

    تىببى خاتىرلەردە كۆرسىتىلىشىچە، ئايال كىشى پەقەت ئۇرۇقلانغاندىن كىيىن پۈتۈنلەي ئايرىلمىغان تۇخۇمدىن بىرنىلا ئىشلەپ چىقارغان ۋاقىتتا، ئاندىن ئۇلاشما تەنلىك ھامىيلە شەكىللىنىدىغان بولۇپ، بۇنداق ھامىيلىنىڭ تىرىسى، بەزىلىرىنىڭ ھەتتا ئىچكى ئەزالىرى تۇتاش كىلىدىكەن. سانلىق مەلۇماتلاردا كۆرسىتىلىشىچە، ئۇلاشما تەنلىك بوۋاق ئىنتايىن ئاز كۆرۈلىدىغان بولۇپ، ھەر 200مىڭ تىرىك تۇغۇلغان بوۋاقنىڭ ئىچىدە ئاندىن بىرسى كۆرۈلىدىكەن.

    بۇ قېتىملىق ئوپراتسىيە 6-دىكابىر كۈنى ئېلىپ بېرىلغان بولۇپ، 5نەپەر تاشقى كىسەللىكلەر دوختۇرى، 10 نەپەر دوختۇر ۋە 15 نەپەر سېستىرادىن تەركىب تاپقان.