قوتاز بولسا دېڭىز يۈزىدىن  ئىگىز بولغان جايلاردا ياشايدىغان سۈت ئەمگۈچى ھايۋان بولۇپ، ئاساسلىقى ھىمالايا تاغ تىزمىلىرى ۋە چىڭخەي-شىزاڭ ئىگىزلىكىگە تارقالغان. قوتازنىڭ پۈتكۈل بەدىنى قارا ياكى قوڭۇر رەڭدە كىلىدىغان بولۇپ، بەدىنىنىڭ ئىككى يان تەرىپى، كۆكرەك ۋە قورسىقى، قۇيرۇقى قىسملىرىدىكى تۈكلەر ئۇزۇن ھەم قۇيۇق ئۆسكەن، تۆت پۇتلىرى قىسقا ئەمما توم كىلىدۇ؛ قوتاز ئادەتتە نۆلدىن تۆۋەن 40-30سىلتسىيە گىرادوس سوغۇقلارغىمۇ بەداشلىق بىرەلەيدىغان بولۇپ، دۇنيادىكى قوتازلارنىڭ %85 تى دۆلىتىمىزگە تارالغان.

    قوتاز گۆشى يۇمران ھەم تەملىك كىلىدىغان بولۇپ ئۇزۇقلۇق قىممىتى ئىنتايىن يۇقىرى؛ ئۇنىڭ ياغ تەركىبى تۆۋەن، ئەمما بەدەنگە تەمىنلەيدىغان ئىنىرگىيە كۆپ بولۇپ، ئادەم بەدىنىنىڭ كىسەلگە قارشى تۇرۇش كۈچىنى ئاشۇرۇش، ھۈجەيرە ئاكتىپچانلىقى ۋە ئەزالار ئىقتىدارى قاتارلىقلارغا كۆرنەرلىك پايدىلىق ئۈنۈمى بار.
خەنزۇچە ئاتىلىشى:  牦牛
تەۋەلىكى(قوتاز) :  ھايۋاناتلار دۇنياسى—خوردىلىق ھايۋاناتلار تىپى—سۈت ئەمگۈچى ھايۋاناتلار سىنىپى—ئاچا تۇياقلىقلار ئەترىتى