تۇخۇم، تۇرمۇشتا ئەڭ كۆپ ئۇچرىتىدىغان يىمەكلىكلەرنىڭ بىرى بولۇپ، ئالاقىدار نۇپۇزلۇق ئورگانلار تەرپىدىن "دۇنيادىكى ئۇزۇقلۇقى ئەڭ ياخشى ناشتىلىق" دەپ تەرىپلەنگەن؛ چۈنكى، تۇخۇمنىڭ تەركىبىدە بىز تۇنۇشلۇق بولغان ئاقسىل، خولىستىرىن قاتارلىق ئۇزۇقلۇق ماددىلار بولغاندىن سىرت، ئۇ يەنە ئادەم بەدىنىگە ياردەملىشىپ، ئوكسىدلانغان ئامىنو كىسلاتالىرىغا قارشى تۇرالايدۇ.
  تۇغۇلغاندىن بىرى تۇخۇم ئىستىمال قىلىپ كەلگەن بولساممۇ، ئەمما تۇخۇمنى ئەزەلدىن تۆۋەندىكىدەك ئۇسۇلدا يەپ باقماپتىكەنمەن؛ ئۈستەلگە چىقىشىغا، قوسىغىم ئۆزلىكىدىن ئېچىپ كەتتى. بۈگۈن كۆپچىلىككە تۇنۇشتۇرماقچى بولغىنىمىز، كاۋا بىلەن تۇخۇمنى قاقلاپ پىشۇرۇش ئارقىلىق تەييارلانغان تائام بولۇپ، ئۇسۇلى ئاددى، چوڭ-كىچىك ھەممەيلەنگە ماس كىلىدۇ.

   كىتەرلىك ماتىريال: كاۋا تۇخۇم، پىياز، قىيزا، ئازراق مىفەن، قارىمۇچ، تۇز، زەيتۇن مېيى
 تەييارلاش ئۇسۇلى
   1. كاۋىدىن ماشىنىنىڭ چاقىغا ئوخشىتىپ، قېلىنراق چەمبەردىن ئىككىنى كىسىپ تەييارلايمىز ھەمدە ھەر ئىككى يۈزىگە زەيتۇن مېيى سۈرۈيمىز.

   2. ھەر ئىككى يۈزىگە يەنە، ئازراق قارىمۇچ ۋە تۇز سېپىۋىتىمىز.

   3. دوخوپكىغا سېلىپ، 160گىرادوسلۇق تىمپىراتۇردا 15مىنۇت پىشۇرىمىز.

   4. پىياز بىلەن قىيزىنى ئۇششقا توغراپ تەييارلايمىز.

   5. مىفەن، توغرالغان پىياز ۋە قىيزا قاتارلىقلارنى قوشۇپ قورۇيمىز.

   6. كاۋىنىڭ ئوتتۇرىدىكى چەمبەرسىمان بوشلۇققا زەيتۇن مېيى سۈرۈيمىز.

   7. تۇخۇمنى كاۋىنىڭ ئوتتۇردىكى بوشلۇققا چاقىمىز.

   8. كاۋىنىڭ يۈزىگە ئالدىدا قورۇپ تەييار قىلغان مىفەننى تۆۋەندىكى رەسمدىكىدەك ئورۇنلاشتۇرىمىز.

   9. دوخوپكىغا سېلىپ، ئاستى-ئۈستى 160گىرادوسلۇق ئوتتا يەنە 10مىنۇت قاقلاپ پىشۇرىمىز.