بۈگۈن كۆپچىلىكنىڭ دىققىتىگە توك قازىنىدا پىشۇرۇلغان كالا گۆشى تۇنۇشتۇرىمىز، بۇ خىلدا تەييارلانغا كالاگۆشىنى، ئۆزىڭىز تەييار قىلغان قىيامغا قوشۇپ يىسىڭىز، لەززىتىنى شۇ ۋاقىتتا بىلىسىز.

كىتەرلىك ماتىريال:
     كالا گۆشى، سوقۇلغان قىزىلمۇچ، (ياقتۇرسىڭىز سامساق ۋە زەنجىۋىل قوشۇۋەتسىڭىزمۇ بولىدۇ)
تېتىقۇ خۇرۇچلىرى:
     يىمەكلىك مېيى، تۇز، شاكال بەدىيان، قوۋزاق دارچىن، لاۋچوۋ جىياڭيۇسى، ئاق كۈنجۈت

تەييارلاش ئۇسۇلى
 

     ئاۋال كالا گۆشىنى سۇدا بىر قاينىتىۋالىمىز؛ قايناپ بولغاندىن كىيىن يېغىلغان گۆشنى سۈزۈپ ئېلىپ ئىشلىتىش ئۈچۈن قويۇپ قويىمىز.

     كالا گۆشىنى توك قازىنىغا سېلىپ، ئۇنىڭغا شاكال بەدىيان، قوۋزاق دارچىنلارنى قوشىمىز؛ بۇندىن باشقا ئىككى قوشۇق لاۋچوۋ جىياڭيۇسى، تۆت قوشۇق تۇز قۇيىمىز.

     يىمەكلىكلەرنى يۆگىگۈدەك سۇقۇيۇپ، توك قازىنىنىڭ ئېغىزىنى يېپىپ، 30 مىنۇت پىشۇرىمىز.

     تۆۋەندە كالا گۆشىنى چۆكۈرۈپ يىيىش ئۈچۈن قىزىلمۇچ قىيامى تەييارلايمىز؛ چىنىگە 10 گىرام ئەتراپىدا سوقۇلغان قىزىلمۇچ، چانالغان سامساق، ئاق كۈنجۈتلەرنى سالىمىز.

     ئۇندىن كىيىن ، ئۈستىگە يېرىم چۈمۈچ قىزىتىلغان ماي قۇيىمىز؛ بۇ ۋاقىتتا ئىشتىھانى ئاچىدىغان پۇراق تارقىتىدىغان قىزىلمۇچ قىيامى تەييار بولغان بولىدۇ.

     ئاخىرىدا سۇغۇپ تەييار بولغان كالا گۆشىنى نىپىز ياپراقچە شەكلىدە توغرايمىز؛ توغراپ بولغاندىن كىيىن، ئالدىدا تەييارلىغان قىزىلمۇچ قىيامى بىلەن قوشۇپ ئىستىمال قىلسىڭىز بولىدۇ.