سۆسۈن كاللاكبەسەينىڭ ۋىيتامىن C تەركىبى ئاپلىسىننىڭكىدىنمۇ يۇقىرى بولۇپ، بۇندىن باشقا ئۇنىڭ كالتسىي ۋە سېلىن تەركىبىمۇ باشقا ئادەتتە كۆپ ئۇچرايدىغان كۆكتاتلارغا قارىغاندا يۇقىرى، يىمەكلىك تالا ماددىسى ۋە باشقا ئادەم بەدىنىگە پايدىلىق بولغان ماددىلارمۇ ئىنتايىن مول؛ ئۇنىڭ ئۈستىگە سۆسۈن كاللاكبەسەينىڭ رەڭگىمۇ بالىلارنىڭ دىققىتىنى قوزغىيالايدۇ. شۇنىڭ ئۈچۈن بۈگۈن كۆپچلىكنىڭ دىققىتىگە تەييارلاش ئاسان بولغان، ھەمدە كالتسىي ۋە ۋىيتامىن Cنى تەڭ تۇلۇقلايدىغان بىر خىل تائام—توخۇگۆشى ۋە سۆسۈن كاللەكبەسەي قوشۇپ تەييارلانغان گۈرۈچ قورىمىسىنى تۇنۇشتۇرىمىز. كىتەرلىك ماتىريال
    گۈرۈچ، سۆسۈن كاللەكبەسەي، توخۇ گۆشى، تەرخەمەك
قوشۇمچە ماتىرياللار
     يىمەكلىك مېيى    1. كىتەرلىك ماتىرياللار تەييارلىنىدۇ.    2. سۆسۈن كاللەكبەسەي ۋە توخۇ گۆشىنى كىچىك بۇرجەكلىك پارچە قىلىپ توغرايمىز؛ تەرخەمەكنى ئىنچىكە قەلەمچە قىلىپ قىيىۋالىمىز ياكى توغرايمىز.    3. گۈرۈچنى يۇيۇپ پاكىزلىغاندىن كىيىن، توك قازىنىدا دۈملەپ گۈرۈچ تامىقى تەييارلايمىز.    4. قازانغا ماي قۇيۇپ، توغرالغان توخۇ گۆشى ۋە سۆسۈن كاللەكبەسەينى سېلىپ پىشقىچىلىك قورۇيمىز.( قورۇش جەريانىدا مۇۋاپىق تۈردە ئىلمان سۇ سېپىپ قورىساق بولىدۇ)    5. دۈملەپ تەييار قىلغان گۈرۈچ تامىقىنى قازانغا سېلىپ قورۇپ، گۈرۈچ  تامىقى، سۆسۈن كاللەكبەسەي ۋە توخۇ گۆشلىرىنى تەكشى ئارىلاشتۇرغاندىن كىيىن، تەرخەمەك قەلەمچىسىنى قوشىمىز؛ كەينىدىنلا نەچچە مالتىلاپ ئۇسۇپ ئالساق بولىدۇ.     بۇ تائامنى ئائىلىدىكى ھەممە ئادەم يىسە بولىۋىرىدۇ، شۇڭلاشقا بالىلارغا ئايرىم تاماق تەييارلايمەن دىمەيسىز، ھەم بۇ سەۋەپلىك كۆپ ۋاقىتنى تىجىيەلەيسىز. تەييار بولغاندىن كىيىن، بالىڭىزغا ئالدى بىلەن ئۇسسۇپ بەرگەندىن كىيىن، چوڭلار ئۆزىنىڭ ياقتۇرۇشىغا ئاساسەن تەم خۇرۇچلىرى قوشۇپ ئىستىمال قىلسا بولىدۇ.