بوۋاقلار 2-1ياشلىق بولغان ۋاقىتتا، ئۇزۇقلۇققا بولغان ئېھتىياجى بارغانسېرى ئېشىپ بارىدىغان بولۇپ، ھەزىم قىلىپ سۈمۈرۈش ئىقتىدارى، ياشقا توشمىغان ۋاقتىدىكىگە قارىغاندا تەدرىجىي ھالدا يېتىلىدۇ ھەمدە چايناپ ئىزىش ۋە ھەزىم قىلىش ئىقتىدارىنىڭ ئېشىشىغا ئەگىشىپ، قاتتىق يىمەكلىكلەرنى يىيەلەيدىغان مەزگىلگە قەدەم قويىدۇ.
   شۇنىڭ ئۈچۈن، 2-1ياشلىق بوۋاقلار، تەدرىجىي ھالدا قاتتىق يېمەكلىكلەرنى ئىستېمال قىلىشقا باشلىسا بولىدۇ. ئەگەر ئاتا-ئانىلار بۇ ۋاقىتتىمۇ بالىسىغا قاتتىق يېمەكلىك بىرىشكە جۈرئەت قىلالمىسا، بالىلارنىڭ سۈت چىشىنىڭ چىقىشىنى كەينىگە سۈرىۋىتىپلا قالماي، يەنە بالىنىڭ چايناش ۋە يۇتۇش ئىقتىدارىنىڭ ماسلىشىشچانلىقىنىڭ تەرەققىياتىغا تەسىر كۆرسىتىپ، چوڭ بولغاندا تاماق يىيىشى تەس بولىدىغان ئەھۋال كېلىپ چىقىدۇ.

   ئۇنداقتا، بالىلار بىر ياشتىن ئاشقاندىن كېيىن، ئۇلارغا قانداق قوشۇمچە يېمەكلىكلەرنى يىگۈزسەك ياخشى بولىدۇ؟

   خام ماتېرىيالى:  كاۋا 50 گىرام، گۈرۈچ 200گىرام، بەسەي مۇۋاپىق مىقداردا.
   تەم خۇرۇچلىرى: تۇز، كۈنجۈت مېيى
   تەييارلاش ئۇسۇلى
   1. كاۋىنى ئاقلاپ يۇغاندىن كېيىن، ئۇششاق توغرايمىز؛ بەسەينى يۇيۇپ پاكىزلاپ چاناپ توغرايمىز.

   پىشۇرۇش ئۇسۇلى
   2. گۈرۈچنى توك قازىنىغا سېلىپ، مۇۋاپىق سۇ قۇيۇپ 10مېنۇت ئەتراپىدا پىشۇرىمىز؛ قايناپ چىققاندىن كېيىن، توغرالغان كاۋا، بەسەي قاتارلىقلارنى سېلىپ تەكشى ئارىلاشتۇرىۋەتكەندىن كېيىن، داۋاملىق ھالدا 20 مېنۇت قاينىتىمىز، ئاخىرىدا كۈنجۈت مېيى، تۇز قاتارلىق خۇرۇچلارنى قوشۇپ تەم تەڭىگەندىن كېيىن ئۇسۇپ ئالساق بولىدۇ.

   خام ماتېرىيالى: 200گىرام مىفەن، تۇخۇم بىر تال، مايلىق بەسەي، سەۋزە، موگو، تەرخەمەك قاتارلىقلار
   تەم خۇرۇچلىرى: تۇز، غولپىياز چانالمىسى، ئۆسۈملۈك مېيى
   تەييارلاش ئۇسۇلى
   1. تۇخۇمنى داغلاپ قاتۇرغاندىن كېيىن ئۇششاق توغرايمىز
   2. مايلىق بەسەي، سەۋزە، موگو، تەرخەمەك قاتارلىقلارنى ئۇششاق چاناپ توغرىۋالىمىز.