تاماقنىڭ چۈشەندۈرلىشى :
ئىستىمال قىلىش يېشى :  6 ئايلىقتىن يۇقىرى بالىلارنىڭ ئىستىمال قىلىشىغا ماس كىلىدۇ .
كېرەكلىك ماتىرياللار : بېلىق گۆشى 50 گىرام ، سەۋزە 30 گىرام ، پىچەكگۈل 90 گىرام .
كېرەكلىك ئەسۋاپلار : ئادەتتىكى قازان . دۈملەش قازىنى ، قىيام قىلىش قاچىسى، بىرقانچە تال تەخسە .

تەييارلاش باسقۇچى :
1. بېلىق گۆشى 50 گىرام ، سەۋزە 30 گىرام ، پىچەكگۈل 90 گىرام تەييار قىلىۋالىمىز .

2. سەۋزىنىڭ پوستىنى پاكىز ئاقلىۋېتىپ ، مۇۋاپىق چۇڭلۇقتا تۇغراپ ، قازانغا سۇ قۇيۇپ پىشۇرىمىز .

3. بېلىقنى پاكىز يۇيۇپ ، قاسقانغا سېلىپ دۈملەپ پىشۇرىمىز .

4. پىچەكگۈلنىڭ پوستىنى پاكىز ئاقلىۋېلىپ ، پاكىز يۇيۇپ ، مۇۋاپىق چۇڭلۇقتا قىلىپ توغرىۋالىمىز .

5. توغراپ بولغان پىچەكگۈلنى قىيام قىلىش قاچىسىغا سېلىپ ، قىيام قىلىمىز .

6. سەۋزە پىشقان بولسا ، سەۋزىنىمۇ قىيام قىلىش ماشىنىسىغا سېلىپ ، قىيام قىلىمىز .

7. ئەمدى قۇلىمىزنى پاكىز يۇيۇپ ، دۈملەپ پىشۇرۇپ بولغان بېلىقنى ئۇششاق قىلىپ پارچىلىۋالىمىز .

8. ئۇششاق قىلىپ پارچىلىۋالغان بېلىقنى ، قىيام قىلىش قاچىسىغا سېلىپ ، قىيام ھالەتكە ئەكىۋالىمىز .

9. قازانغا سۇ قۇيۇپ ، قىيام ھالەتتىكى پىچەكگۈلنى قاينىتىمىز . پەس ئوتتا 3 مىنۇت ئەتراپىدا قايناتساق بولىدۇ . 

10. قايناپ بولغان پىچەكگۈلنى قاچىغا ئالىمىز ، ئۈستىگە سەۋزىنى ، ئۇنىڭ ئۈستىگە بېلىقنى سالىمىز . مانا ئوماقلىرىمىزنىڭ يەنە بىر تامىقى تەييار بولدى .