بىر ياشلىق بالىلارغا ماس كىلىدىغان قوشۇمچە يىمەكلىك، كاللەكبەسەي توقىچى؛ بۇنى تەييارلاپ بالىڭىزغا يىگۈزسىڭىز، ئۇنىڭ كۆكتات يىگىلى ئۇنىماي قېلىشىدىن ئەنسىرمىسڭىزمۇ بولىدۇ.

كىتەرلىك ماتىريال
   تۇخۇم، كاللەكبەسەي، ئۇن، تۇز، غولپىياز مايسىسى، قارىمۇچ، زەيتۇن مېيى ياكى ياڭاق مېيى
 

 
بىرىنچى قەدەم

   كاللەكبەسەينىڭ ئىچى تەرەپتىكى يۇمرانراق كەلگەن قانىتىدىن ئۈچ-تۆتنى تەييارلاپ يۇيۇپ پاكىزلايمىز.
ئىككىنچى قەدەم

   كاللەكبەسەينى كۆكتات ئىزىش ماشىنىسىغا سېلىپ چانالما ھالەتكە ئەكىلىمىز، ئەگەر كۆكتات ئىزىش ماشىنىسى بولمىسا چەيدو بىلەن ئۇششاق توغرىسىڭىز بولىدۇ. (كىچىك بالىسى بارلار، ئەڭ ياخشىسى قولدا ھەرىكەتلەندۈرىدىغان كۆكتات ئىزىش ماشىنىسىدىن بىرنى تەييار قىلىپ قويۇڭ، ئىشلىتىشكە ئەپلىك بولىدۇ)
ئۈچىنچى قەدەم

   چانالغان كاللەكبەسەينىڭ ئۈستىگە مۇۋاپىق مىقداردا ئۇششاق توغرالغان غولپىياز مايسىسى، تۇز، قارىمۇچ قوشىمىز.
تۆتىنچى قەدەم

   تەكشى ئارىلاشتۇرغاندىن كىيىن، 20مىنۇت قويۇپ، كاللەكبەسەينىڭ سۈيىنىڭ چىقىپ يۇمشىشىنى كۈتىمىز.
بەشىنچى قەدەم

   ئۈستىگە تۇخۇمدىن بىرنى چاقىمىز.
ئالتىنچى قەدەم

   تۇخۇمنى قوچۇپ تەكشى ئارىلاشتۇرىمىز
يەتتىنچى قەدەم

    ئۈستىگە ئۇن قوشىمىز؛ ئۇننى ئاز-ئازدىن كۆپ قېتىمغا بۆلۈپ قوشىمىز، ھەر قېتىمدا تەكشى ئارىلاشتۇرۇپ بولغاندىن كىيىن، ئىككىنچى قېتىملىقنى قوشىمىز.
سەككىزىنچى قەدەم

    ئاخىرىدا ئۇماچ ھالىتىگە كەلتۈرىمىز؛ ئۈستىگە سۇ قوشمىسىڭىزمۇ بولىدۇ، ئۇننىمۇ بەك كۆپ قۇشۇۋەتمەڭ، بولمىسا توقاچ قاتتىق چىقىپ قالىدۇ.
توققۇزىنچى قەدەم

    قازانغا ئازراق زەيتۇن مېيى ياكى ياڭاق مېيى قۇيمىز
ئونىنچى قەدەم

    ئالدىدا تەييارلىغان ئۇماچنى قازانغا قۇيۇپ، كىچىك ئوتتا داغلاپ پىشۇرىمىز؛ ئۇماچ ئازراق قاتقاندىن كىيىن، يەنە بىر يۈزىنى ئۆرۈپ داغلىساق بولىدۇ.
ئون بىرىنچى قەدەم

   رەڭگى رەسىمدىكىدەك بولغان ۋاقىتتا قازاندىن ئالساق بولىدۇ. ئىسىڭىزدە بولسۇنكى، چوقۇم كىچىك ئوتتا ئاستا ئاستا داغلاڭ، بولمىسا كۈيۈپ كىتىدۇ.
ئون ئىككىنچى قەدەم