ھازىر كىشىلەرنىڭ تۇرمۇش سەۋيىسى بارغانسىرى ئۆسۈپ، ئەتىگەنلىكى سۈت بىلەن بولكىدا ناشتا قىلىدىغان بولدى. چۈنكى، كالا سۈتى تەملىك ھەم ئۇزۇقلۇق تۇلۇقلايدىغان بولۇپ، كالتسىي تۇلۇقلاش ئۈنۈمى ئىنتايىن ياخشى. بالىلار كالا سۈتىنى كۆپرەك ئىچىپ بەرگەندە، تىرىسى ياخشى بولۇپلا قالماي، كالتسىي تۇلۇقلاش ئۈنۈمىمۇ ياخشى بولىدۇ، بالىلارنىڭ سۆڭىكىنىڭ يىتىلىشىنى ئىلگىرى سۈرىدۇ.

    بۈگۈن كۆپچىلىككە تۇنۇشتۇرماقچى بولغان ئەتىگەنلىك ناشتىلىق، يىڭىچى ئۇسۇلدا تەييارلانغان قوناق ئۇمىچى بولۇپ، تەمى ياخشى بولۇپلا قالماي، ئۇزۇقلۇق جەھەتتە كالا سۈتى ۋە پۇرچاق سۈتىدىن قېلىشمايدۇ.

    بۇ خىل ئۇماچنى ئۆزىمىز ئۆيدىلا تەييارلىۋىلىشقا بولىدۇ، سىرتتا تەييار قىلغان قوناق ئۇمىچىغا قارىغاندا تېخىمۇ پاكىزە بولىدۇ، خاتىرجەم ئىستىمال قىلالايمىز.

   ئالدى بىلەن قوناقنى ئاقلاپ يۇيۇپ، ئۇنى نەچچە بۆلەك قىلىپ توغرىۋالغاندىن كىيىن، قولىمىزدا ياكى پىچاقتا قوناق دانىچىسىنى مەدىكىدىن ئاجرىتىۋالىمىز؛ كەينىدىن قوناق دانىچىسىنى مىۋە شەربىتى سىقىش ماشىنىسىغا سېلىپ، ئۈستىگە ئازراق ئىلمان سۇ قوشۇپ، سىقىپ شەربەت چىقارساق بولىدۇ.

   ئاخىرىدا، سىقىپ چىقىرىلغان شەربەتنى، سۈزگۈچتىن بىر ئۆتكۈزۈپ پاكىزە قازانغا قۇيۇپ، كىچىك ئوتتا ئاستا ئاستا قىزىتقاچ، ئۈستىگە بىر قۇتا كالا سۈتى قۇيىمىز ھەمدە قوشۇقتا توختىماي مالتىلاپ قازانغا چاپلىشىپ كۈيۈپ كىتىشنىڭ ئالدىنى ئالىمىز.  قايناپ چىققاندىن كىيىن، بىر مىنۇت ئەتراپىدا داۋاملىق قاينىتىپ ئۇسۇپ ئالساق بولىدۇ.
    بالىڭىز چوقۇم ئامراق بولۇپ قالىدۇ، سىزمۇ سىناپ كۆرۈڭ!