توي قىلىپ بالىلىق بولۇش، ھەر بىر ئايال كىشىنىڭ ئۆمرىدىكى ئادەتتىكى بىر ئىش؛ ئەمما ھەممىلا ئايال كىشى توي قىلغاندىن كىيىن، ئوڭۇشلۇق ھالدا پەرزەنت يۈزى كۆرەلەيدىغان ئەمەس. بەزىلەر بەلكى تۇغۇلما تۇغماس بولۇشى مۇمكىن، يەنە بەزىلەر بولسا ھەر خىل كىيىنكى مەزگىللىك سەۋەپلەر تۈپەيلىدىن ھامىلدار بولالماي پەرزەنتلىك بولالمايدۇ. خۇنەن شىياڭ تەندىكى شىياۋ خۇي توي قىلىپ بىر يىلدىن ئاشقاندىن كىيىنمۇ بويىدا قالمىغانلىقتىن، ئۇ دوختۇرخانىغا بېرىپ تەكشۈرتكەن، ئەمما تەكشۈرتۈش جەريانىدا ئادەمنىڭ كاللىسىدىن ئۆتمەيدىغان بىر نەتىجىگە ئىرىشكەن.

   شىياۋ خۇي بۇ 26 يىل  ياش بولۇپ، دوختۇرخانىدا تەكشۈرتكەندىن كىيىن، دوختۇرلار شىياخۇينىڭ "ئەر كىشى" ئىكەنلىكىنى ئېيتقان. بۇ زادى قانداق ئىش ئەمدى؟ شىياۋ خۇي ئىنىقلا ئايال كىشى تۇرسا؟ دوختۇرلارنىڭ تەكشۈرگەن نەتىجىسىدە كۆرسىتىلىشىچە، شىياۋ خۇينىڭ بەدىنىدە 46xy خىروموسومى(ئادەم بەدىنىدىكى جىنسىيەت ئايرىمىسىغا مۇناسۋەتلىك بىر خىل گېن) بولۇپ، بىئولوگىيە ئىلمىدە "ئەر كىشى" دەپ ھۆكۈم قىلىنىدىكەن. شىياۋخۇي بۇ نەتىجىگە ئىشەنگۈسى كەلمەي، خۇنەن ئۆلكىلىك ئانا بالىلار ساقلىقىنى ساقلاش دوختۇرخانىسىدا يەنە بىر قېتىم تەكشۈرۈش قىلدۇرغان؛ بىراق نەتىجىسى يەنە ئوخشاش چىققان بولۇپ، ئۇنى "غەلىتە شەكىللەنگەن قوش جىنىسلىق" ئادەم دەپ ھۆكۈم قىلغان.

    ئۇنداقتا شىياۋخۇينىڭ بۇ ئەھۋالى ئىلگىرى نىمە ئۈچۈن بايقىلىپ چىقمىغان؟ ئەسلىدە ئوخشاش ياشتىكىلەرنىڭ ھەممىسى تۇنجى قېتىملىق ھەيىز كىلىپ بولغان ۋاقىتتا، 15 ياشقا كىرىپ قالغان شىياۋخۇينىڭ تېخى تۇنجى قېتىملىق ھەيىزى كۆرۈلمىگەن؛ ئۇ ۋاقىتتا ئۆيىدىكىلەر شىياۋخۇينى ئېلىپ دوختۇرخانىغا تەكشۈرتۈشكە ئېلىپ بارغان بولسىمۇ، ئەمما شىياۋخۇينىڭ سىرتقى قىياپەت ئالاھىدىلىكى باشقا قىزلارنىڭكىدىن ھېچقانداق پەرقلەنمىگەچكەم دوختۇر ئۇنىڭغا فلاۋون ئىچىپ بېقىشنى تەۋسىيە قىلغان؛ شىياۋخۇي بىر مەزگىل فلاۋون ئىچكەندىن كىيىن، تۇنجى قېتىملىق ھەيىزمۇ كەلگەن، شۇڭلاشقا ئۆيىدىكىلەر ئۇنىڭ بەدىنىدە ھېچقانداق بىنورماللىق يوقكەن دەپ قاراپ، قايتا تەكشۈرۈش قىلمىغان. ئۆتكەن يىلى شىياۋخۇي ئىرى بىلەن توي قىلغاندىن كىيىن، ھېچبىر قورساق كۆتۈرەي دىمىگەن؛ بۇ سەۋەپلىك دوختۇرخانىغا كىلىپ تەكشۈرتكەن بولۇپ، نەتىجىدە "غەلىتە شەكىللەنگەن قوش جىنىسلىق ئادەم" دەپ دىئاگونوز قويۇلغان.

   شىياۋخۇينى تەكشۈرگەن دوختۇرنىڭ بىلدۈرۈشىچە، شىياۋخۇيدا گەرچە ئاياللاردا بولۇشقا تىگىشلىك ئادەتتىكى  ئالاھىدىلىكلەر، يەنى ئەمچەك، تاشقى جىنسى ئەزا، جىنسى يول، بالىياتقۇ، تۇخۇم يەتكۈزۈش نەيچىسى قاتارلىقلار بار بولسىمۇ، ئەمما ئۇنىڭ بەدىنىدە ئەرلىك خىروموسومى xy بار بولغانلىقتىن، ھەقىقەتەن "غەلىتە شەكىللەنگەن قوش جىنىسلىق ئادەم" ھىسابلىنىدىكەن، بىئولوگىيە ئىلمىدا بولسا، جىنسى ئەر كىشى دەپ ھۆكۈم قىلىنىدىكەن. بۇلاردىن باشقا، شىياۋخۇينىڭ تېنىدە گەرچە بالىياتقۇ بولسىمۇ، ئەمما تۇلۇق يىتىلگەن ئەمەس، ئۇنىڭ تېنىدە يەنە يۇشۇرۇن ئۇرۇقدان بار ئىكەن؛ بۇلارنىڭ ھەممىسى ئۇنىڭ جىنسى بېزىنىڭ تۇلۇق يىتىلمىگەنلىكىنىڭ سەۋەبىدىن بولۇپ، بۇ سەۋەپلىك ئۇنىڭ كۆپىيىش ئەزاسى بىرلا ۋاقىتتا ئەر، ئايال ئىككى خىل ئالاھىدىلىككە ئىگە بولۇپ قالغان ئىكەن.