غەلىتە نەرسىلەر بىلەن ئۇزۇقلىنىش، ئادەم بەدىنىنىڭ مىتابولىزىم ئىقتىدارى قالايمىقانلىشىش سەۋەبىدىن شەكىللەنگەن تەم سەزگۈسى بىنورمال بولۇش ۋە يىمەك-ئىچمەك ئادىتى مۇۋاپىق بولماسلىق قاتارلىقلار كەلتۈرۈپ چىقارغان، ئىنتايىن مۇرەككەپ كەلگەن ھەمدە كۆپ خىل كىسەللىكنىڭ تەسىر كۆرستىشىدىن پەيدا بولغان بىر خىل ئونۋىرسال كىسەللىك بولۇپ، بۇ خىلدىكى بىمارلار بەزىبىر غەلىتە نەرسىلەرنى ئۇزۇقلۇق يىمەكلىكى ئورنىدا ئىستىمال قىلىدۇ. تۆۋەندە بىز بۇ خىلدىكى بىمارلار ئۇچۇرىدىن بىر نەچچىنى توپلاپ، كۆپچىلىكنىڭ دىققىتىگە سۇندۇق، ياقتۇرىشىڭىزنى ئۈمىد قىلىمىز.
     1. بۇ يىل 92 ياشقا كىرگەن، ھىندىستان كاجرى نۇرپۇردا ياشاۋاتقان موماي سۇداما.دېۋىي، 10 ياش ۋاقتىدا، دوستى بىلەن قۇم يىيىش ئۈستىدە دو تىكىشىپ، ھاياتىدا بىرىنچى قېتىم قۇم يىگەن؛ بىراق دېۋىي شۇنىڭدىن باشلاپ قۇم يىيىشكە ئامراق بولۇپ قالغان بولۇپ، شۇندىن كىيىنكى 80 يىل مابەينىدە كۈندە بىر كىلوگىرام ئەتراپىدا قۇم يىيىشنى داۋاملاشتۇرۇپ كەلگەن؛ قۇم يىيىش بۇ موماينىڭ سالامەتلىكىگە ھېچقانداق تەسىر كۆرسەتمەيدىغان بولۇپ، دوختۇرلارمۇ ئۇنىڭ ساغلام بەدىنىدىن ھەيران قالغان.

     2. "قان شورىغۇچى ئالۋاستى" ئادەتتە كىنو-فىلىملەردىلا كۆرۈلىدىغان ۋەقەلىك، بىراق كىشنىڭ ئەقلى يەتمەيدىغىنى، بۇنداق قورقۇنچلۇق مەۋجۇدات بىزنىڭ رىئال تۇرمۇشىمىزدىمۇ ھەقىقى ساقلىنىقلىق ئىكەن. ئامىرىكا "مۇھاجىرلار گىزىتى تورى" خەۋرىگە ئاساسلانغاندا، ئامىرىكىنىڭ شەرقى قىسمىدىكى بىنسىفانىيە شىتاتىدا ياشاۋاتقان بىر ئايال، رىئاللىق نەشىرىدىكى "قان شورىغۇچى ئالۋاستى" ھىسابلىنىدىكەن؛ ئۇ ئايال ئادەمنىڭ قېنىنى ئىچىشنى داۋاملاشتۇرۋاتقىلى 30 يىل بولغان بولۇپ، ھەر ئايدا 1900 مىللىلىتىر ئەتراپىدا ئادەم قېنى ئىچىدىكەن.

     3. ئىككى بالىغا ئانا بولغان ئەنگىلىيىلىك بىر ئايال، ئىلگىرى ھامىلدارلىق مەزگىلىدە، بۇلۇت ۋە قۇم يەيدىغان ئادەتنى يىتىلدۈرۋالغان بولۇپ، بۇ خىل ئادەت ئۇنىڭ ھامىلدارلىق مەزگىلىدە ھەر كۈنى 20 پارچە بولۇت ۋە نۇرغۇن تەخسە قۇم يەيدىغان قىلىپ قويغان، ئۇ بەزىدە ھەتتا بۇلۇت ۋە قۇمدىن ساندىۋىچ تەييارلاپ يىگەن. گەرچە بۇنداق غەلىتە بىر خىل ئادىتى بولسىمۇ، بۇ ئايالنىڭ ئىككى بالىسى يەنىلا ئىنتايىن ساغلام تۇغۇلغان.