كانادادىكى بىر ھامىلدار ئايال، ھامىلدارلىق مەزگىلىدىكى دائىملىق تەكشۈرۈشتە، قورسىقىدىكى بالىنىڭ ئۇمۇرتقا سۆڭىكىنىڭ يېرىلغان ھالەتتە شەكىللىنىپ قالغانلىقىنى بايقىغان. بۇ ئايال بەخىتكە يارىشا، بالىياتقۇ ئىچىدىكى تېخى تۇغۇلمىغان بالىنى ئوپراتسىيە قىلالايدىغان بىر دوختۇرخانىنى ئىزدەپ تاپقان بولۇپ، قوسىقىدىكى بالىسىغا 6ئايلىق بولغان ۋاقىتتا ئوپراتسىيە قىلدۇرغان؛ ھازىر بۇ بالا، سالامەت ھالدا تۇغۇلغان.

    تورىنتو شەھرىدە ئولتۇرۇشلۇق رومىلاسوننىڭ تۆت ئوغلى بار بولۇپ، چوڭى 16ياش، كىچىكى 4ياش ئىدى. ئۇ ئاخىرى ئۆزى ئارزۇ قىلغاندەك بىر قىز بوۋاققا ھامىلدار بولغان ۋاقتىدا، بەخىتكە قارشى قورسىقىدىكى ھامىيلىنىڭ ئۇمۇرتقا سۆڭىكى يېرىلىپ كەتكەن ھالدا شەكىللىنىپ قالغانلىقىنى بىلگەن. بۇنىڭغا قارىتا ئىنتايىن ئېغىر بىر زەربە بولغان.

    ئۇمۇرتقا سۆڭىكى يېرىلىق ھالەتتە شەكىللىنىپ قېلىش، بالىلارنىڭ تۇغۇلغاندىن كىيىن بىلىنىڭ ئاستى پالەچ بولۇپ قېلىشىنى، مىڭىسىگە سۇ چۈشۈشىنى ۋە سۈيدۈك تۇتالماسلىقىنى كەلتۈرۈپ چىقىرىدۇ. بۇنداق تۇغۇلما كىسەللىككە گىرىپتار بولغان بەزى بالىلار ئۇزۇن ئۆمۈر كۆرەلمەيدىغان بولۇپ، ھاياتىنى ساقلاپ قالالىغانلىرىمۇ، نورمال ئادەملەرگە ئوخشاش مۇستەقىل تۇرمۇش كەچۈرەلمەيدۇ. رومېلاسون بالىسىدىن بۇنداقلا ۋاز كىچىشنى خالىماي، نەچچە ھەتتا ماتىريال ئىزدەش ئارقىلىق، بالىياتقۇ ئىچىدىكى تېخى تۇغۇلمىغان بوۋاقنى ئوپراتسىيە قىلىپ، ئۇمۇرتقىسىدىكى كەمتۈكلۈكنى ئەسلىگە ئەكىلىلەيدىغان دوختۇرخانىنى ئىزدەپ تاپقان.