ھىندىستاندا، 21 ياشلىق كىچىك بىر ئانا ئالاھىدە بىر قىز بوۋاق تۇغقان بولۇپ، بۇ قىز بوۋاقنىڭ ئىككى كاللىسى بار ئىكەن؛ دوختۇرلارنىڭ بىلدۈرۈشىچە، بۇ ئىنتايىن ئاز كۆرۈلىدىغان بىر خىل ھادىسە بولۇپ، كۆرۈلۈش ئىھتىماللىقى مىليۇندىن بىرگىمۇ يەتمەيدىكەن.

    بۇ بوۋاقنىڭ كاللىسى ئىككى بولغاندىن سىرت، يەنە قولىمۇ ئۈچ بولۇپ، ئىككىنچى كاللىسى بوۋاقنىڭ قورساق قىسمىدا ئۆسكەن؛ بوۋاقنىڭ ئىككىنچى كاللىسىدا قولاق ۋە كۆز يوق ئىكەن ھەمدە بىۋاستە بوۋاقنىڭ ئاشقازىنىغا تۇتاشقان ئىكەن.

   ئىگىلەشلەرگە ئاساسلانغاندا، بۇ خىل بىرلەشمە تەنلىك ئەھۋال، تۆرەلمىنىڭ ئايرىلىشى تولۇق بولماسلىق كەلتۈرۈپ چىقارغان يىتىلىش تۇلۇق بولماسلىق ئەھۋالى بولۇپ، بۇنىڭدا بىر تۆرەلمىنىڭ بەدىنى يەنە بىر تۆرەلمىنىڭ بەدىنىگە چاپلىشىپ كىلىدىكەن ھەمدە بەدىنى مۇكەممەل بولمىغان ھامىيلە، بەدىنى مۇكەممەل شەكىللەنگەن ھامىيلىگە تايىنىپ ئۇزۇقلۇق قوبۇل قىلىدىكەن.