ئافرىقىلىق بۇ ئايالنىڭ ئىسمى مارىمەن. نابوتا بولۇپ، بۇ يىل تېخى ئەمدى 38 ياشقا كىرگەن بولسىمۇ، ئەمما ئۇ ئاللىقاچان 38 بالىغا ئانا بولغان. بۇ 38 بالىنىڭ ھەممىنى ئۇ ئىلگىرىكى 23 يىلدا ئۆزى تۇغقان بولۇپ، ئۇ ھازىر دۇنيادىكى قىسقا ۋاقىت ئىچىدە ئەڭ كۆپ بالا تۇغۇش رىكوتىنىڭ ياراتقۇچىسىغا ئايلانغان.

   بۇ ئايال تۇرۇشلۇق جايدا، ئادەتتە يېشى كىچىكلا توي قىلىدىغان بولۇپ، ئىرق ئوخشىماسلىق سەۋەبىدىن، ئۇ جايدىكى قىزلار باشقا قۇرۇقلۇقتىكىلەرگە قارىغاندا بالدۇر يىتىلىدۇ؛ بۇ سەۋەپلىك مارىمەن 1993-يىلى 12 ياش ۋاقتىدىلا توي قىلغان بولۇپ، ئۇ 13 ياش ۋاقتىدا بىر جۈپ قوشكىزەك بالا تۇغقان؛ كىيىنكى يىلى ئۇ ئۈچكىزەك بالا تۇغقان؛ 17ئايدىن كىيىن، ئۇ تېخى بىر قېتىمدا تۆتكىزەك بالا تۇغقان.

   كىيىنكى قېتىملىق تۇغۇتىنىڭ كۆپ قېتىمىدا ئۇ بىر قېتىمدا قوشكىزەك ياكى ئۈچكىزەك، تۆتكىزەك تۇغقان؛ ئۇنىڭ ھازىرقى 38 بالىسىنىڭ ئىچىدە نۇرغۇن قوشكىزەك، تۆت جۈپ ئۈچكىزەك ۋە ئۈچ جۈپ تۆتكىزەك تۇغۇلغان جۈپتەك بالىلار بار؛ ئۇندىن باشقا ئۇنىڭ بالىلىرىنىڭ ئىچىدە پەقەت ئونىلا قىز تۇغۇلغان بولۇپ، قالغان يىگىرمە سەككىزى ئوغۇل بالا ئىكەن. ھازىر ئۇنىڭ بالىلىرىنىڭ ئەڭ چوڭى 23 ياشقا كىرگەن، ئەڭ كىچىكى بولسا ھازىر ئەمدى 4 ئايلىق بولغان.

   مارىمەننىڭ پۈتكۈل ھەمدە بىردىنبىر خىزمىتى بۇ بالىلارنىڭ ھالىدىن خەۋەر ئېلىش بولۇپ، ئۇ كۈندە بالىلىرىنىڭ ھالىدىن خەۋەر ئېلىپ ئالدىراش، باشقا ۋاقىتلاردا ھامىلدار بولۇپ بالا تۇغۇش بىلەن ئالدىراش بولغاچقا، ئۇلارنىڭ ئائىلىسدىكى پۇل تېپىپ چىقىمنى قامداش ئېغىر ۋەزىپىسى ئۇنىڭ ئىرى بىر ئادەمگە يۈكلىنىپ قالغان.

   تۆۋەندىكى سۈرەتتىكى بالا، مارىمەننىڭ بالىلىرى ئىچىدىكى بىر جۈپ قوشكىزەكنىڭ ئىچىدىكى چوڭى بولۇپ، ئۇنىڭ ئسىمى فىلىس؛ بۇ شاكىچىك ناھايىتى قاملاشقان، ئۇنىڭ ئۈستىگە ئىنتايىن ئەقىللىق بولۇپ، ئاتا-ئانىسىنىڭ ئالاھىدە ئامراقلىق كۆرسىتىشىگە ئىرىشكەن؛ گەرچە ئۇلارنىڭ ئائىلىسىدە فىلىسنىڭ ئاكا-ئىنى ۋە ئاچا-سىڭىللىرى كۆپ بولسىمۇ، ئەمما ئۇنىڭ ئائىلىدىكى ئورنى يەنىلا باشقىلاردىن پەرقلىق ئالاھىدە ئورۇندا تۇرىدۇ.

   تۆۋەندىكى سۈرەتتىكى قىز بولسا، فىلىسنىڭ قوشكىزەك سىڭلىسى رىسا بولۇپ، ئۇمۇ ئاكىسىغا ئوخشاشلا چىرايلىق ۋە شوخ ھەم ئەقىللىق كەلگەن؛ بۇ ئىككىسى 38 بالىنىڭ ئىچىدىكى بىردىنبىر ئوغۇل-قىز قوشكىزەك تۇغۇلغان بالىلار بولۇپ، بۇ سەۋەپلىك ئاتا-ئانىسى ئۇلارغا ئالاھىدە ياخشى مۇئامىلە قىلىدۇ.

   ئادەتتە كىشىلەر "بىر پۇتبول كاماندىسى تەشكىللىگۈدەك بالا تۇغۇپتۇ" دىيىش ئارقىلىق، بىر ئائىلىنىڭ كۆپ پەرزەنتلىك ئىكەنلىكىنى سۈپەتلىشىدۇ؛ ئەمما مارىمەن ئەرلەر كوماندىسىدىن ئىككىنى تەشكىللەپ يەنە ئاشقىچىلىك ئوغۇل بالا ۋە بىر ئادەم كەملەيدىغان ئاياللار پۇتبول كوماندىسى تەشكىللىگۈدەك قىز بالا تۇغقان بولۇپ، بۇ كەپسىز شاكىچىكلەر بىر يەرگە كەلگەندە قانداق مەنزىرلەر ھاسىل بولىدىغانلىقىنى ئويلاپ يىتىشكە بولىدۇ.