قىزىل يۇلتۇز ئاخباراتىنىڭ خەۋرىگە ئاساسلانغاندا، تۇرمۇشىمىزدا كۆرۈلىدىغان بەزىبىر "ئويلىمىغان يەردىن چىقىدىغان" ۋەقەلىكلەر، تىلىۋىزىيە فىلىملىرى ۋەقەلىكلىرىدىن قېلىشمايدىغان بولۇپ، كولۇمبىيىلىك ئايال يېمىينىڭ بۇنىڭغا قارىغاندا تەسىراتى ئەڭ چوڭقۇر بولۇشى مۇمكىن ئىكەن؛ بۇ ئايال ئۆزىنىڭ بىر يىلدىن ئارتۇق ۋاقىت يۇشۇرۇپ كەلگەن توي تۇرمۇشىدىن سىرتقى مۇھەببىتى بۇنداق شەكىلدە ئاشكارىلىنىپ قالىدىغانلىقىنى ئۆزىمۇ ئويلاپ يەتمىگەن: نەچچە كۈن ئىلگىرى ئۇ ئاشنىسى بىلەن مىھمانخانا ياتىقىغا بارماقچى بولۇپ، توردا تاكسى چاقىرغان؛ ئەمما ئۇ ئاشنىسى بىلەن قول تۇتۇشۇپ توردا زاكاس قىلغان تاكسىغا چىققان ۋاقىتتا، تاكسى شوپۇرى ئويلىمىغان يەردىن ئىشتىن سىرت پۇل تاپقىلى چىققان ئىرى بولۇپ چىقىپ، ئۇ ئىككىسىنى نەق تۇتۇۋالغان.
   ئىرى بار بۇ ئايال—يېمى ۋە ئۇنىڭ ئاشنىسى جېسسىي، يېقىنقى بىر يىلدىن كۆپرەك ۋاقىت ئىچىدە ئاشنىدارچىلىق مۇناسىۋىتىنى ساقلاۋاتقان؛ ئالدىنقى سەيشەنبە كۈنى ئىككەيلەن يۇشۇرۇن ئۇچرىشىپ، توردا تاكسى مۇلازىمىتى زاكاس قىلىپ، خالىراق جايدىكى مىھمانخانىغا بارماقچى بولغان. ئەمما بۇ ئىككەيلەن قول تۇتۇشۇپ تاكسىغا چىققاندىن كىيىن، ھەر ئىككىسى داڭ قېتىپلا قالغان، چۈنكى بۇ تاكسىنىڭ شوپۇرى دەل يېمىنىڭ ئىرى ئىكەن.

   ئەنگىلىيە "كۈندىلىك پوچتا گىزىتى"نىڭ خەۋرىگە ئاساسلانغاندا، يېمى ئاشنىسى جېسسىي بىلەن ئۇچرىشىپ، توردا تاكسى چاقىرغان ھەمدە توردىكى تاكسى زاكاس قىلىش ئورنى ئەۋەتمەكچى بولغان ماشىنا ئۇچۇرلىرىنى ئالاھىتەن بىر قېتىم تەكشۈرۈپ چىقىپ، كەلمەكچى بولغان تاكسى شوپۇرى لىئوناردونىڭ ئۆزلىرى تۇنۇمايدىغان ئادەم ئىكەنلىكىنى جەزىملەشتۈرگەندىن كىيىن ئاندىن زاكاسنى بىكىتكەن. ئەمما رىئاللىق ھەقىقەتەن "تاساددىبىلىق"لارغا تولغان بولۇپ، بۇ تاكسى يېمىي ۋە ئۇنىڭ ئاشنىسى جېسسىي بار يەرگە كەلگەندە، تاكسى شوپۇرى لىئوناردو بولماستىن بەلكى يېمىنىڭ ئىرى بولۇپ چىققان.
   ئەسلىدە يېمىينىڭ ئىرى بىلەن ئەسلى تاكسى شوپۇرى لىئوناردو يېقىن دوستلاردىن بولۇپ، ئۇ كۈنى يېمىينىڭ ئىرى دوستى لىئوناردونىڭ ماشىنىسى ۋە تور ھىسابات نۇمىرىنى ئارىيەت ئىلىپ، كەچ تەرەپتە كۆپرەك پۇلغا ئىشلىۋالماقچى بولغان؛ نەتىجىدە بۇ قېتىملىق ھەجۋى ۋەقە يۈز بەرگەن.
    نەخ مەيداندىكىلەرنىڭ دىيىشىچە، يېمى ئاشنىسى بىلەن تاكسىغا چىقىپ، شوپۇرنىڭ "تۇنۇش" ئادەم ئىكەنلىكىنى كۆرۈپ، دەرھال ماشىنىدىن چۈشۈپ قېچىپ كەتمەكچى بولغان؛ كەينىدىنلا ئۈچەيلەن كوچىدا پومىداقلىشىپ ئۇرۇشۇپ كەتكەن.
  ئەنگىلىيە "مىترو گىزىتى" نىڭ خەۋەر قىلىشىچە، بۇ قېتىم ھەممىدىن بەك ئېچىنىشلىق ئەھۋالغا قالغىنى، ئەمىلىيەتتە لىئوناردو بولۇپ، ئۇ ھىسابات نۇمىرىنى باشقىلارغا ئارىيەت بىرىپ شىركەتنىڭ بەلگىلىمىسىگە خىلاپلىق قىلغاچقا، تاكسى ھەيدەش سالاھىيىتىنى ئېلىپ تاشلاش جازاسىغا ئۇچرىغان؛ يېمىينىڭ ئىرىمۇ شىركەت تەرپىدىن قارشى ئېلىنمايدىغان شوپۇر قارا تىزىملىكىگە كىرگۈزۈپ قويۇلغان. بۇندىن باشقا ئاڭلاشلارغا قارىغاندا يېمىينىڭ ئىرى ۋە لىئوناردو سالونلاردا ماقالە ئوقۇش بىلەن بولۇپ كىتىپ، ھەمىشە ئىلاننى چىكىپ قويۇشنى ئونتۇپ قالىدىغان بولغاچقا، بۇنداق كاج تەلەي بولۇپ قالغانىكەن.