"سۈرئەت ۋە ھىسيات" نى مۇسابىقە ماشىنىلىرىغىلا تەئەللۇق دەپ قالماڭ! ئەنگىلىيە "كۈندىلىك پوچتا" گىزىتىنىڭ 19-سىنتەبىردىكى خەۋرىگە ئاساسلانغاندا، يېقىندا 45 ياشلىق ئامىرىكىلىق ۋەلىسپىت مىنىش ماھىرى دەننىس.مۇللىر.كورىنىك، ئامىرىكا بوننىۋىل تۇزلۇق سېيىدا، ھەر سائەتلىگى 183 ئىنگىلىز چاقىرىملىق(تەخمىنەن 296 كىلومىتىرغا تەڭ) ھەيران قالارلىق سۈرئەت بىلەن، ساقلىنىپ كىلىۋاتقىلى 23 يىل بولغان قۇرۇقلۇقتا ۋەلىسپىت مىنىش تىزلىكى دۇنيا رىكورتىنى بۇزۇپ تاشلىدى.

 

   يېقىندا، ئامىرىكا يوتا شىتاتىنىڭ بوننىۋىل تۇزلۇق سېيىدا ئۆتكۈزۈلگەن دۇنيا سۈرئەت مۇسابىقىسىدە، دەننىس دۇنيا رىكورتىنى بۇزۇپ تاشلاپ چىمپىيونلۇقنى قولغا كەلتۈرگەن. يۇقىرى سۈرئەت نىشانىنى ئەمەلگە ئاشۇرۇش ئۈچۈن، دەننىس كەسپى مۇسابىقە ئاپتومبىل ماھىرى شىي.ھولبىرۇك.چورلىي بىلەن ھەمكارلاشقان. مۇسابىقە جەريانىدا، شىي قۇيرۇق قىسمىدا شامال توسۇش تاختىسى بولغان تۈز سىزىق بويىچە تىزلىنىدىغان يۇقىرى سۈرئەتلىك مۇسابىقە ئاپتومبىلى ھەيدەپ، ئارغامچىدا سۆرەش ئۇسۇلىدىن پايدىلىنىپ دەننىسنىڭ قوزغىلىشىغا ياردەم بەرگەن؛ ئاپتومبىل قوزغالغاندىن كىيىن، دەننىس ۋەلىسپىتنىڭ پىدالىنى تېپىش بىلەن بىرگە تەڭپۇڭلىقنى ساقلاپ بەرگەن؛ كەينىدىن شىي ھەيدىگەن مۇسابىقە ئاپتومبىلى سۈرئەتنى تەدرىجى ئاشۇرۇشقا باشلىغان؛ مۇسابىقە ئاپتومبىلى سۈرئەتنى ئاشۇرۇپ ھەر سائەتلىكى 110 ئىنگىلىز چاقىرىملىق(تەخمىنەن 161 كىلومىتىر) سۈرئەتكە يەتكەندە، دەننىس ئارغامچىنى قويۇپ بىرىپ، ۋەلىسپىت بىلەن مۇسابىقە ئاپتومبىلىنى ئايرىۋىتىشى كىرەك بولۇپ، ئۇندىن كىيىن دەننىس داۋاملىق ۋەلىسپىتنىڭ پىدالىنى تېپىش ئارقىلىق ئۇنى ئەڭ يۇقىرى سۈرئەتكە يەتكۈزۈشى كىرەك ئىدى. دەننىس ئەڭ يۇقىرى چەكتىكى سۈرئەتكە يەتكەندىن كىيىن، شىي قايتىدىن ئۇنىڭغا ياردەملىشىپ، ۋەلىسپىتنىڭ سۈرئىتىنى ھەر سائەتلىكى 110 ئىنگىلىز چاقىرىملىق سۈرئەتكىچە ئاستىلىتىپ بىرىشىدىكەن، بۇنىڭدا دەننىس ئاندىن بىخەتەر ھالدا توختىيالايدىكەن.

   مۇسابىقىدىن كىيىن دەننىسىنىڭ بىلدۈرىشىچە، ئۇنىڭ دەسلەپكى نىشانى ھەر سائەتلىكى 175 ئىنگىلىز چاقىرىملىق(تەخمىنەن 282 كىلومىتىر) سۈرئەت بولۇپ، ئەمما ئۇ ئاخىرقى نوقتىغا يىتىپ بارغاندا ئۆزىنىڭ سۈرئىتىنىڭ ھەر سائىتىگە 183 ئىنگىلىز چاقىرىملىق(تەخمىنەن 296 كىلومىتىر) تىزلىككە يەتكەنلىكىنى بىلگەن. ئۇنىڭ دىيىشىچە، ۋەلىسپىتنى سۆرەپ قوزغىتىشقا مەسئۇل بولغان مۇسابىقە ئاپتومبىلى مۇسابىقە مەيدانىدا سۈرئەتنى ئاشۇرغان ۋاقىتتا، ئۇنى سەكرىتىدىغان بولۇپ، ئۇ ئاخىرقى نوقتىغا يىتىپ كەلگەندە يەر يۈزىدىن بوقسىغان تۇز توزاڭلىرى ئۇنىڭ گېلىنى پۈتۈنلەي توسۇۋالغان ئىكەن.
   ئىگىلەشلەرگە ئاساسلانغاندا، بۇ مۇسابىقىنىڭ ئىلگىرىكى رىكورتىنى ساقلىغۇچى گوللاندىيىلىك ۋەلىسپىت مىنىش ماھىرى فىرەد.رومپىلبېرگ بولۇپ، ئۇ 1995-يىلى ھەر سائەتلىكى 167 ئىنگىلىز چاقىرىملىق(تەخمىنەن 269 كىلومىتىر) رىكورت ياراتقان.