ئۆتكەن يىلى دىلرابا كىيىم مودىللىقى بويىچە ماھارەت كۆرسىتىپ، گۈزەل جامالى بىلەن زور بىر تۈركۈم تورداشلارنى ھەيرانۇ-ھەس قالدۇرغان ئىدى. بۇ يىلمۇ دىلرابانىڭ مودىللار سەھنىسىگە چىقىپ ماھارەت كۆرسەتكەن سۈرەتلىرى مىلان مودا كىيىملەر ھەپتىلىكىدىن يىتىپ كەلدى.

    بۇ يىل دىلرابا پەرىزاتلار قاتلىما كۆينىكى كىيىۋالغان بولۇپ، ئۇنىڭ بېشىغا قادىۋالغان ئىنتايىن قاملاشمىغان گۈللەرمۇ ئۇنىڭ گۈزەللىكىگە قىلچىلىك نوقسان يەتكۈزەلمىگەن، ئەكىسچە كىشىلەرگە گۈل پەرىزات مېڭىپ كىلىۋاتقاندەك تۇيغۇ بىرەتتى.

   بۇ قېتىم دىلرابا قارىماققا ئازراق جىددىلىشىپ قالغاندەك كۆرۈنسىمۇ، ئەمما ئۆتكەن يىلغا سېلىشتۇرغاندا خېلىلا پىشىپ قالغان ئىدى؛ كەسپى بولمىغان، ئىشتىن سىرتقى كىيىم مودىلى ھىسابلىنىدىغان دىلراباغا نىسبەتەن، ئۇنىڭ ماھارەت كۆرسىتىش سەۋيىسىنى ناھايىتى ياخشى دىيىشكە بولاتتى.

    ئالدىنقى يىلى دىلرابا بېشىغا تاج تاقىۋالغان بولۇپ، خانىشلارنىڭكىدەك كەلگەن سالاپىتى ۋە لاتاپىتىنى تۇلۇق گەۋدىلەندۈرگەن. بەدەن ئالاھىدىلىكىنى تۇلۇق ئەكىس ئەتتۈرىدىغان ئۇزۇن كۆينەك دىلرابانىڭ گۈزەل بەدەن شەكلىنى تۇلۇق ئەكىس ئەتتۈرۈپ، زور بىر قىسىم تورداشلارنى، ئۇنىڭ گۈزەللىكىدىن ئىسىنى يوقىتىپ قويغۇدەك ھالەتكە ئەكىلىپ قويغان.