گەرچە دۆلىتىمىزنىڭ تاڭ سۇلالىسى دەۋرىدە سېمىزلىكنى گۈزەللىك ئۆلچىمى قىلسىمۇ، ئەمما ھازىرقى زامان كىشىلىرى ئاساسى جەھەتتىن ئۇرۇقلۇقنى گۈزەللىك ھالىتى دەپ قارايدۇ؛ گەرچە ئەرلەر ئېغىزىدا قانچە سېمىز بولسىڭىزمۇ مەن يەنىلا سىزنى ياخشى كۆرىمەن دىسىمۇ، ئەمما كۆڭلىدە يەنە ئازراق ئۇرۇق بولغان بولسا تېخىمۇ ياخشى بولاتتى دەپ ئويلايدۇ.
    ئەمما سىزنى ھەقىقىي ياخشى كۆرىدىغان ئەر كىشى سىزنىڭ سېمىزلىكىڭىزدىن بىزار بولمايدۇ، پەقەت سىزنى ياخشى كۆرمەيدىغان ئەرلەرلا سىزنى ئۇرۇقلاڭ دەپ تەلەپ قىلىشى مۇمكىن.
     ئاياللار ئەرلەردىن سوراشقا ئەڭ ئامراق كىلىدىغان سۇئاللارنىڭ بىرسى "ئۇنىڭ بىلەن ئىككىمىزدىن قايسىمىز چىرايلىق" دىگەن سۇئال بولۇپ، ئەمىلىيەتتە ئۇلارنىڭ كۆڭلىدە بۇنىڭغا جاۋاپ بار بولسىمۇ، ئەمما ئۇلار ئىرىنىڭ ماختىشىنى ئاڭلاش مەقسىتىدە، بىلىپ تۇرۇپ يەنە سورايدۇ.
    گەرچە ئەرلەرنىڭ كۆڭلىدە ئويلىغىنى "ئەلۋەتتە ئۇ چىرايلىق" دىگەن جاۋاپ بولسىمۇ، ئەمما سىزنى پەپىلەپ خۇشال قىلىش ئۈچۈن، يەنىلا سىز ھەممىدىن چىرايلىق دەپ جاۋاپ بىرىدۇ.
      بىر جۈملە سۆز مۇنداق ئېيتىلغان: سىز ئۈچۈن پۇل خەجلىگەن ئەر كىشىنىڭ سىزنى ياخشى كۆرۈشى ناتايىن، ئەمما سىزنى ياخشى كۆرىدىغان ئەر كىشى چوقۇم سىز ئۈچۈن پۇل خەجلەشكە كۆزى قىيماي قالمايدۇ.
   بەزى ۋاقىتلاردا بەزىبىر ئەركىشىلەر ئۆزىنىڭ قولى خېلى قىسقا بولۇپ قالغان بولسىمۇ، ئەمما يەنىلا سىزنى خۇشال قىلىشنى ئويلايدۇ؛ شۇڭلاشقا ئۇلار "ھېچقىسى يوق، خالىغانچە خەجلەڭ"دىگەن ۋاقتىدا، ئۇلار ئەمىلىيەتتە چوقۇم قولى قىسقا ھەم يۈرىكى ئاغرىۋاتقان بولىدۇ؛ بۇ ئۇنىڭ سىزنى ھەقىقى ياخشى كۆرىدىغانلىقىنى بىلدۈرىدۇ.
      ئاياللارنىڭ ئېغىزىدىكى ئاتالمىش بىر مىنۇت بەلكىم ئون مىنۇت بولۇشى مۇمكىن، "بىردەمدىلا" دىگەن ۋاقىت بەلكىم يېرىم سائەت بولۇشى مۇمكىن؛ ئەمما سىزنى ياخشى كۆرىدىغان ئەر كىشى سىزنى سەۋرچانلىق بىلەن ساقلاشنى خالايدۇ.
    گەرچە ئۇ كۆڭلىدە سىزنى تىزراق بولۇشىڭىزنى ئۈمىت قىلسىمۇ، ئەمما سىز ئۇنىڭدىن سورىغان ۋاقىتتا، ئۇ پەقەت "مەن بىردەملا ساقلىدىم، ئالدىرمىسىڭىزمۇ بولىدۇ، ئالدىراش يوق" دەپلا جاۋاپ بىرىدۇ.
      ئەر كىشى بەزىدە يۈزىنى ئاۋايلاپ، كۆڭلىدە گەرچە بىئارام بولسىمۇ، ئەمما ئۇ ئۆزىنى بېسىۋىلىپ، يالغاندىن چوڭ سۈپەتلىكنى دورۇپ، سىزنىڭ ئۇنىڭدىن ئىلگىرىمۇ ئوغۇل دوستىڭىز بارلىقىغا پىسەنت قىلمايدىغانلىقىنى بىلدۈرىدۇ.
   بىراق سىزمۇ تۇنۇپ يىتىشىڭىز كىرەككى، ئۇ دەل سىزنى ياخشى كۆرگەنلىكىدىن، سىزنىڭ ئۇنىڭدىن ئىلگىرىمۇ ئوغۇل دوستىڭىز بار بولغانلىقىدىن كۆڭلى بىئارام بولىدۇ؛ ئۇ سىزنىڭ ئۆتمۈشىڭىزگە قاتنىشالمىغانلىقىدىن ئەپسۇسلانغان بولغاچقا، سىزنىڭ كەلگۈسىڭىزدە ئاخىرغىچە سىزگە ھەمرا بولۇشنى ئويلايدۇ.
      ئەرلەرنىڭ ھەممىسى ئايالىنىڭ  يات جىنىسلىق دوستلىرىنىڭ بەك كۆپ بولۇپ كىتىشىدىن خاپا بولىدۇ؛ ئەمما ئۇلارنىڭ ئايالى ئۇلاردىن خاپ بولىدىغان ياكى بولمايدىغانلىقىنى سورىغاندا، ئۇلار "خاپا بولمايمەن، بۇ سىزنىڭ مەپتۇن قىلارلىقىڭىزنىڭ ئىپادىسى ئەمەسمۇ" دەپ جاۋاپ بىرىدۇ.
    بىراق ئەمىلىيەتتە بولسا، ئۇلارنىڭ كۆڭلىدە كۈندەشلىك ئوتلىرى يالقۇنجاپ كەتكەن بولۇپ، ئۇلار پەقەت سىزگە ئەينەن ئېيتىشتىن خىجىل بولغان بولىدۇ.
      ھەممەيلەن ئاياللارنى ئۆزگىرىشچان جانلىق دىيىشىدۇ، چۈنكى ئۇلارنىڭ كۆڭلى خۇددى دېڭىز تىگىدىكى يىڭنىگە ئوخشاش بولۇپ، پەرەز قىلىپ تاپقىلى بولمايدۇ؛ ئەمما سىزنى ياخشى كۆرىدىغان ئەركىشى سىزگە يول قويۇشنى خالايدىغان بولۇپ، مەيلى سىز قانداق تەلەپ ئوتتۇرغا قويماڭ، ئۇ ئىمكانىيەتنىڭ بىرىچە سىزنى رازى قىلىشنى ئويلايدۇ.
    ئۇ گەرچە كۆڭلىدە سىزنى يولسىزلىق قىلىۋاتقاندەك ھىس قىلسىمۇ، ئەمما سىزنى خاپا قىلىپ قويماسلىق ئۈچۈن، ئۇ يەنىلا "ھېچقىسى يوق، سىزنىڭ ئېيتقانلىرىڭىزنىڭ ھەممىسى توغرا" دەپ جاۋاپ بىرىدۇ.