كۈز كۈرگەندىن بويان، نۇرغۇن كىشىلەر ئەتىگەن كەچنىڭ تىمپىراتۇرا پەرقىنىڭ كۆرنەرلىك بولىۋاتقانلىقىنى ھىس قىلماقتا؛ ھەرقايسى چوڭ تور سودىگەرلىرىنىڭ پەسىل ئاخىرىدىكى ئىتىبار باھالىرى، سىزگە ھەر ۋاقىت كۈز كۈنلىرىنىڭ كىلىمەن دەپلا يىتىپ كىلىدىغانلىقىنى، پەسىل ئالماشتۇرىدىغان كىيىملەردىن سېتىۋىلىپ تەييارقىلىش ۋاقتىنىڭ يىتىپ كىلىپ قالغانلىقىدىن ئەسكەرتىش بىرىپ تۇراتتى.
  خانىم-قىزلار ئادەتتە نىمە كىيىش، نىمە سېتىۋىلىش قاتارلىق جەھەرتلەردە كۆپىنچە سەزگۈرلۈكى يۇقىرى بولغان "رادار"غا ئىگە؛ ئەمما كىيىنىش جەھەتتە "ئىنكاسى ئاستا" كىلىدىغان، بولۇپمۇ خىزمەت ئالدىراشچىلىقىدىن، مودا ئېقىمىنى تەتقىق قىلىشقا يىتىشەلمەيدىغان ئەر يولداشلارغا نىسبەتەن، ئۇلار كۆپىنچە كۆزنى قاماشتۇرىدىغان ھەر خىل مودا ئېقىملىرىدىن كۆزلىرى ئالا-چەكمەن بولۇپ، ھەتتا بەزىدە نىمە سېتىۋىلىشنى ۋە نەدىن سېتىۋىلىشنىمۇ بىلەلمەي قالىدۇ...
   كاستۇمنى سۆزلەپ ئولتۇرۇشنىڭ ھاجىتى يوق، ئىشىنىمەنكى ئەر يولداشلارنىڭ ھەممىسى كاستۇمدا ئەسلىدىنلا بار بولغان "سودا ئىشلىرى" نەسەبىنى پۇراپ بىلەلەيدۇ؛ ئادەتتە كاستومنى ئەرلەرنىڭ سودا ئالاقىسى جەريانىدىكى ئەڭ بىخەتەر كۈزلۈك كىيىملىرىنىڭ بىر خىلى دىيىشكە بولىدۇ.

   بۇندىن باشقا بۇ يىل قوش قاتار تۈگمىلىك كاستوم ئىنتايىن مودا بولغان بولۇپ، سودا ساھەسىدىكى يۇقىرى دەرىجىلىك خىزمەتچىلەرنىڭ ئالدىنقى تاللىشى. ئەگەردە مىتال رەڭلىك تۈگمە سەپلەنسە، كىلاسسىك ھەم نەپىسلىك تۈسىگە ئىگە بولىدۇ.

   گەرچە پەلتودەك ئۇنداق سۆلەتلىك بولمىسىمۇ، ئەمما خۇرۇم چاپان ئوخشاشلا كۈزلۈك تاش كىيىم ئارىسىدا مۇھىم ئورۇن ئىگەللەيدۇ. ئەمما نۇرغۇن كىشىلەر خۇرۇم چاپاننى ئەركىن ئازادە ھالەتتە كىيىشكە ماس كىلىدىغان يەككە سەپلىمە، سودا ئالاقىسى جەريانىدا كىيىشكە ماس كەلمەيدۇ دەپ قارايدۇ.
   ھەقىقەتەن شۇنداق، تۆۋەندىكى سۈرەتلەردىكىدەك، رەڭگى بەك ئوچۇق، بەك كالتا، سىرتمىلىرى ۋە پىستانلىرى كۆپ بولغان خۇرۇم چاپانلار ۋە 90 يىللار ئۇسلۇبىدىكى ئىستىراھەت تىپىدىكى خۇرۇم چاپانلارنى كىيىپ خىزمەتكە بارغاندا، كۆپىنچە ھاللاردا ئۇلارنى كۆرەڭلىك قىلغاندەك تۇيغۇسىغا ئىگە قىلىپ قويىدۇ.