توي قىلىش ئەسلىدە خوشال بولۇشقا تىگىشلىك بىرئىش، ئەمما سۈرەتتىكى بۇ قىز ئازراقمۇ خوشال بولالمىغان، ئەكسىچە ئازاپلىنىپ كۆز ياشلىرىنى تۆككەن. بۇ قىز بۇيىل ئەمدىلا 11 ياشقا كىرگەن بولۇپ، ئۇ نىمە ئۈچۈن كىچىككىنە تۇرۇپلا توي قىلىدۇ؟ ئۇ يەنە نىمە ئۈچۈن ئازاپلىنىپ يىغلايدۇ؟

    ئەسلىدە بۇ ۋەقەلىكنىڭ كەينىدە كىشنى تەسىرلەندۈرىدىغان بىر ھىكايە يۇشۇرۇنغان ئىكەن. ئەنگىلىيە "كۈندىلىك پوچتا گىزىتى"نىڭ خەۋرىگە ئاساسلانغاندا، ئامىرىكا كالىفورنىيە شىتاتىلىق، جوسسىي.زىس ئسىملىك 11 ياشلىق بىر قىز، دادىسىنىڭ ئاخىرقى باسقۇچلۇق راك كىسىلىگە گىرىپتار بولۇپ قالغانلىقىنى، ئۇنىڭ كەلگۈسىدىكى ئۆزىنىڭ توي مۇراسىمىغا قاتنىشالمايدىغانلىقىنى بىلگەندىن كىيىن قاتتىق ئازابلانغان. ياخشى نىيەتلىك كىشىلەرنىڭ ياردىمى ئاستىدا، جوسسىي ئائىلىسىدىكىلەر جوسسي بىلەن ئۇنىڭ دادىسىغا تەئەللۇق بولغان بىر مەيدان ئالاھىدە توي ئورۇنلاشتۇرغان. رەسىمدىكى بۇ ئەر كىشى جوسسينىڭ دادىسى بولۇپ، ئۇنىڭ ئىسمى جىم زىس ئەپەندى، بۇيىل 62 ياشقا كىرگەن.

   ئىگىلەشلەرگە ئاساسلانغاندا، 62 ياشلىق بۇ دادا ئاشقازان ئاستى بىزى راكىنىڭ ئاخىرقى باسقۇچىغا كىلىپ قالغان بولۇپ، دوختۇرلار ئۇنىڭ قالغان كۈنلىرىنىڭ كۆپ قالمىغانلىقىنى ئېيتقان؛ بۇنىڭغا ئوخشاش ئەھۋالدا ئادەتتە، نەچچە ئايلىقلا ئۆمرى قالغان ھىسابلىناتتى.
    بۇ دادىنىڭ ئەڭ چوڭ ئارزۇسى قىزىنىڭ تويىنى ئۆز كۆزى بىلەن كۆرۈش، ھەمدە ئۇنىڭ تويىغا قاتنىشىش ئىدى.

    كىيىنچە، بىر كەسپى فوتوگىراف ئەترىتىنىڭ پىلانلىشى بىلەن، بۇ قېتىملىق ئالاھىدە توي ئۆتكۈزۈلگەن؛ بۇ تويدا كۈيئوغۇل يوق بولۇپ، قىز،ئوغۇل قولداشلار تېخىمۇ يوق ئىدى. بۇ تويدا پەقەت ئىككىلا ئالاھىدە كىشى بار بولۇپ، ئۇلار دادا ۋە قىزى ئىدى.

    قىزىنىڭ نەزىرىدە بۇ قېتىملىق توي خۇددى خوشلىشىش مۇراسىمىدەك بولۇپ، پۈتكۈل جەرياندا ئۇنىڭ كۆز ياشلىرى توختىمىغان ئىدى، چۈنكى ئۇ دادىسىنىڭ ئۆزىگە يەنە قانچىلىك ۋاقىت ھەمرا بولالايدىغانلىقىنى بىلمەيتتى.