ۋىجدان دىگەن نىمە؟ ۋىجدان ئادەم بولۇشنىڭ ئاساسى، ئاق كۆڭۈللۈكنىڭ ئارقا تىرىكى؛ ۋىجدان بولسا ئىش قىلىشتىكى ئۆلچەم، ئادىمىي خارەكتىرنىڭ كاپالىتىدۇر.

    بىر ئادەمدە ھەر نىمە كەم بولسا مەيلى، ئەمما ۋىجدان يوق بولماسلىقى كىرەك. سىزگە ياردەم قىلىدىغان كىشىلەرنى ئۇنتۇپ قالماڭ؛ سىزگە كۆيۈنگەن كىشىلەردىن ۋاز كەچمەڭ؛ سىزگە ئىللىقلىق يەتكۈزگەن كىشىلەردىن يېراقلاپ كەتمەڭ. ئادەم ۋىجدانلىق بولۇش كىرەك؛ مىھرى-مۇھەببەتكە نىسبەتەن مىننەتدار بولۇشنى بىلىش، باشقىلار بىرنى بەرسە ئوننى قايتۇرۇش، ۋاپاغا جاپا قىلىشتىن ساقلىنىش لازىم.

     ۋىجدانلىق كىشىلەر ھەق-ناھاقنى ئىنىق ئايرىيالايدۇ، ئۇلار ئەمىلىيەتنى بۇرمىلاپ، ناچار ئىللەتلەرگە ئەگىشىپ كەتمەيدۇ؛ ئۇلار ناچار ئىللەتلەر ئارىسىدا ياشىسىمۇ ئۆزىگە يۇقتۇرۋالمايدۇ، قازاننىڭ قارىسى ئۇلارغا يۇقمايدۇ.
   ۋىجدان، كىشىلىك ھاياتتىكى ئالتۇن، ئادەمنىڭ ئەڭ قىممەتلىك بايلىقى؛ ئادەم پەقەت ۋىجدانى بىلەن ياشىغاندا، مەيلى باي ياكى نامرات ئۆتسۇن، مۇۋەپپىقىيەت قازانسۇن ياكى كۆزگە كۆرۈنگەنلەردىن بولسۇن، ھەممىلا ۋاقىتتا ئادىمىيلىك ئەخلاقى دۇرۇس بولالايدۇ.

    ۋىجدانلىق ئەر كىشىنىڭ سىرداش دوستلىرى كەم بولمايدۇ، ئۇلار ئىش قىلغاندا ئەتراپىدا ھە-ھۇ دىيىشىدىغان ئادەملىرى بولىدۇ؛ ۋىجدانلىق ئايال كىشى چوقۇم ئۆز-ئۆزىنى ھۆرمەتلەيدىغان ۋە سۆيىدىغان كىلىدۇ، ھەممە ئادەم ئۇلارنى ياقتۇرىدۇ. ۋىجدانلىق ئادەملەر ئۇچۇق-يۇرۇق كىلىدۇ ساختىلىق ئىشلەتمەيدۇ؛ بېشىنى ئىگىز تۇتۇپ ياشايدۇ، باشقىلارغا ئىگىلىپ تازىم قىلىپ قالمايدۇ.

     ئادەم ۋىجدانىنى يوقاتقان ۋاقتىدا، ئاسانلا ئەگرى يوللاغا مېڭىپ قالىدۇ. پۇل ئۈچۈن ھەقىقى مۇھەببەتتىن ۋاز كىچىدۇ؛ مەنپەئەت ئۈچۈن دوستلىرىنى سېتىۋىتىدۇ، مىھىر-مۇھەببەتنىڭ يۈزىنى قىلمايدۇ.
     ئادەم ۋىجدانىنى يوقاتقان ۋاقتىدا، باشقىلارنىڭ ئىشەنچىسىدىن قالىدۇ. پۇل لازىم بولسا، باشقىلار ئۆتنە بىرىپ تۇرۇشنى خالىمايدۇ؛ مەسىلىلەرگە يولۇققاندا ئۇلارغا ياردەم قىلىدىغانلار بولمايدۇ، ھەممە ئادەم بىزار بولىدىغان ئوبىكىتقا ئايلىنىپ قالىدۇ.