پىشىرۇلغان كۆممىقوناق يىيىشنى ھەممەيلەن ياخشى كۆرىدۇ، ئەمما قانداق قىلغاندا كۆممىقوناقنى تېخىمۇ تاتلىق ھەم تەملىك قىلىپ پىشۇرغىلى ۋە ئۇزۇقلۇق تەركىبىنىڭ بەدەنگە سۈمۈرلۈش مىقدارىنى كۆپەيتكىلى بولىدىغانلىقىنى بىلەمسىز؟      كۆممىقوناقنى پىشۇرۇشتىن ئاۋال، بۇ ئۈچ ئىشنى قىلسىڭىز، پىشۇرغان كۆممىقونىقىڭىز تەملىك بولۇپلا قالماي، ئۇزۇقلۇق قىممىتىمۇ ھەسسىلەپ ئاشىدۇ. 1. كۆممىقوناق پوستىنى قالدۇرۇپ قويسىڭىز، سۇ تەركىبىنى ساقلايدۇ
     كۆممىقوناقنى قازانغا سېلىشتىن بۇرۇن، سىرتىدىكى پوستىنى سويىۋىتىپ، ئەڭ ئىچىدىكى ئىككى قات پوستىنى قالدۇرۇپ قويىسىز.      ئىچىدىكى ئىككى قات پوستىنى قالدۇرۇپ قويغاندا، پىشىرۇش جەريانىدا كۆممىقوناقنىڭ تەمىنى ساقلاپ قالغىلى بولىدۇ، ئۇزۇقلۇق چىقىپ يوقاپ كەتمەيدۇ ھەمدە ئاسان پىشىدۇ. 2. پىشىرۇشتىن ئاۋال سۇدا يۇيۋەتسىڭىز، تېخىمۇ تەملىك پىشىدۇ.
     سىرتقى پوستلىرىنى سويىۋەتكەندىن كىيىن، نىپىز ئىككى قەۋەت پوستى قالدۇرۇلغان قوناقنى سۇغا چىلاپ، قۇرت يىگەن ئىزنالار بارمۇ يوق تەكشۈرىمىز؛ كەينىدىن قوناق ساقىلىنى ئېلىۋىتىپ، پاكىزە يۇيىمىز. 3. تۇز ۋە سودا قوشساق، تېخىمۇ تاتلىق پىشىدۇ.
    قازانغا سۇ قۇيۇپ، ئۇنىڭغا تۇز ۋە سودا قوشقاندىن كىيىن سۇنى قاينىتىمىز. سۇ قايناپ چىققاندىن كىين كۆممىقوناقنى سېلىپ پىشۇرىمىز. بۇنىڭدىكى سەۋەپ، تۇز ۋە سودا قوشقاندا كۆممىقوناقنى تېخىمۇ تاتلىق قىلىپلا قالماستىن، يەنە قوناق تەركىبىدىكى كىسلاتالىق ماددىلارنى ئاجرىتىپ چىقىرۋىتىپ، ئۇزۇقلۇق قىممىتىنى تېخىمۇ ئاشۇرىدۇ.      كۆممىقوناقنىڭ ھەر بىر قىسمىنىڭ ئۆزىگە خاس روللىرى بار بولۇپ،تۇرمۇشتا نۇرۇن پايدىلىق ئىشلىتىلىشچانلىقى بار.  1. قوناق ساقىلى تىرە قىچىشىشنى پەسەيتىدۇ
     قوناق پىشۇرغاندا، نۇرغۇن كىشىلەر قوناق ساقىلىنى تاشلىۋىتىدۇ، ئەمىلىيەتتە ئۇنىڭ ناھايىتى چوڭ ئۈنۈملىرى بار.      ياز كۈنلىرى رىئاكسىيە خارەكتىرلىك ئەكىس تەسىر كۆپ كۈرلىدىغان بولۇپ، تىرىمىز بەزىدە قىچىشىپ توختىمايدۇ؛ بۇنداق ۋاقىتلاردا كۆممىقوناق ساقىلىنى سوقۇپ، قىچىشقان جايغا سۈرۈپ بەرسەك قىچىشىشنى پەسەيتىدۇ. 2. كۆممىقوناق دانىچىسى
چىراينى گۈزەللەشتۈرۈپ قېرىشنىڭ ئالدىنى ئالىدۇ
      كۆممىقوناق دانىچىسى تەركىبىدىكى ۋىيتامىن A، ۋىيتامىن E، گىلۇتامىك كىسلاتا قاتارلىقلارنىڭ ئادەم بەدىنىنىڭ قېرىشىنىڭ ئالدىنى ئېلىش رولى بولۇپ، داۋاملىق يەپ بەرگەندە تىرىنى سىلىق ھەم يۇمران قىلىدۇ.       ئەڭ مۇھىمى، كۆممىقوناق دانىچىسى قورۇق پەيدا بولۇشنىڭ ئالدىنى ئېلىپ، چىراينى گۈزەللەشتۈرۈش ۋە تىرىنى ئاسراش ئۈنۈمى كۆرسىتىدۇ. ئۈچەينى تازىلاپ، زەھەرنى ھەيدەيدۇ
      ياز كۈنلىرى ئادەم بەدىنىدە ھەر تۈرلۈك زەھەرلىك ماددىلار كۆرلىدۇ، ئۇنىڭ ئۈستىگە ھاۋا ئىسسىق بولغانلىقتىن ئادەم ئاسان قەۋزىيەت بولۇپ قالىدۇ؛ ئەمما بۇلارنىڭ ھەممىسىنى كۆممىقوناق يىيىش ئارقىلىق ھەل قىلىشقا بولىدۇ.      كۆممىقوناق تەركىبىدىكى يىمەكلىك تالا ماددىسى ئۈچەينىڭ غىدىقلىنىپ لۆمۈلدىشىنى كەلتۈرۈپلا قالماي، يەنە قەۋزىيەتنىڭ ئالدىنى ئېلىپ، خولىستىرىن مىتابولىزىمىنى ئىلگىرى سۈرۈپ، ئۈچەيدىكى زەھەرلىك ماددىلارنىڭ بەدەن سىرتىغا چىقىرۋىتىلىشىنى تىزلىتىدۇ. 3. كۆممىقوناق پوستى
     كۆممىقوناق پوستىنىڭ ئاساسلىق تەركىبى تالا ماددىسى، كىراخمال ۋە ئاقسىل بولۇپ، بۇنىڭ بىلەن بىرگە ئۇ يەنە يۇقىرى ئىلاستىكىلىققا ئىگە كىلىدۇ؛ بۇ سەۋەپلىك كۆممىقوناق پوستىنى تازىلىغۇچى قورال قاتارىدا ئىشلىتىشكە بولىدۇ. ماي قالدۇقلىرىنى تازىلاش
     كۆممىقوناق پوستىنىڭ ناھايىتى كۈچلۈك كەلگەن تازىلاش ئۈنۈمى بار بولۇپ، ئۇنىڭدىن پايدىلىنىپ قاچا ياكى قازانلارنى يۇيساق ئۈنۈمى ناھايىتى ياخشى بولىدۇ، ھەم باكتىرىيەلەر قىلىپ قالىدىغان ئەھۋالمۇ بولمايدۇ. يىمەكلىكنىڭ قازانغا چاپلىشىۋىلىشىنىڭ ئالدىنى ئېلىش
    ئادەتتە ئۆيدە موما ياكى مانتا پىشۇرغان ۋاقتىمىزدا، قاسقان يۈزىگە بىر قەۋەت كۆممىقوناق پوستى سېلىۋەتسەك، يىمەكلىكنىڭ قاسقانغا چاپلىشىۋىلىشىنىڭ ئالدىنى ئالغىلى بولىدۇ.