ئادەتتە يىڭىدىن بوغۇزلىنىپ تەييارلانغان گۆشلەردە، باكتىرىيەلەر تېخىمۇ ئاسان كۆپىيىۋالىدۇ، ئەمما توڭلىتىلغان گۆشتە بۇنداق مەسىلىلەر بولمايدۇ. ئەمما توڭلىتىلغان گۆشنى ئىرىتىش بىر ئاۋارىچىلىق ئىش بولۇپ، ئادەتتە بىر ھازا ۋاقتىڭىزنى ئالىدۇ. ئۇنداقتا بۇ مەسىلىگە قانداق چارە قىلىش كىرەك؟

1. ئاليومىن داس ئارقىلىق توڭلىغان گۆشنى ئىرىتىش

    ئالدى بىلەن ئاليومىن داستىن بىرنى جوزىغا دۈم قىلىپ قويىمىز؛ ئاندىن توڭلىغان گۆشنى ئاليومىن داسنىڭ تەگ قىسمىغا ئورۇنلاشتۇرۇپ، يەنە بىر ئاليومىن داسنىڭ تىگىنى تۆۋەنگە قارىتىپ گۆشنى بېسىپ قويىمىز؛ تەخمىنەن 5 مىنۇت ئۆتكەندىن كىيىن گۆش ئىرىيدۇ. بۇ ئاليومىنلىق بويۇملارنىڭ ناھايىتى ياخشى بولغان ئىسسىقلىق ئۆتكۈزۈش خۇسۇسىيىتىدىن پايدىلانغانلىق بولۇپ، توڭلىغان گۆشنى ئىككى ئاليومىن داسنىڭ ئوتتۇرسىدا قىسىپ قويغاندا، توڭلىغان گۆش ئاليومىن داستىن پايدىلىنىپ ئەتراپتىكى ھاۋا بىلەن ئىسسىقلىق ئالماشتۇرىدۇ؛ مۇشۇنداق توختىماي ئىسسقلىق ئالماشتۇرۇش جەريانىدا، توڭلىغان گۆش ئاسانلا ئىرىيدۇ.

2.  تۇز سۈيى ياكى ئاچچىقسۇدىن پايدىلىنىپ ئىرىتىش

   توڭلىتىلغان گۆشنى توڭلاتقۇنىڭ سۇغۇق ساقلاش بۆلۈمچىسىگە 2-1سائەت ئەتراپىدا قويۇپ قويساق، توڭلاقلىق گۆش ئازراق يۇمشايدۇ. ئۇندىن كىيىن گۆشنى تۇز سۈيىگە چىلىساق، تەلتۈكۈس ئىرىيدۇ، ھەم باكتىرىيە پەيدا بولىۋالمايدۇ. بۇ تۇز سۈيىنىڭ مۇزنىڭ ئىرىشىنى ئىلگىرى سۈرۈش رولى بار بولغانلىقىدىندۇر. ئۇندىن باشقا تۇرۇبا سۈيى گۆش ئىرىتىشكە ماس كەلمەيدۇ؛ يەنە ئۇچلۇق بىرە نەرسىنى ئاچچىقسۇغا چىلاپ ئالغاندىن كىيىن، توڭلاغلىق گۆشنىڭ ئۇيەر-بۇ يىرىگە سانجىپ قويساق، ئىرىشنىڭ سۈرئىتىنى تىزلىتىدۇ.

3. مىكرو دولقۇنلۇق ئوچاقتىن پايدىلىنىپ ئىرىتكەندە، تۆۋەن ئوت ئىشلىتىش

    مىكرو دولقۇنلۇق ئوچاقتىن پايدىلىنىپ توڭلىغان گۆشنى ئىرىتكەندا، چوقۇم ئەڭ تۆۋەن ئوتتا ئىرىتىش، ھەمدە قەدەممۇ-قەدەم ئىرىتىش كىرەك. دەسلەپ باشلانغاندا ئاۋال ئىككى مىنۇت ئەتراپىدا قىزىتقاندىن كىيىن، گۆشنىڭ ئىرىگەن ئەھۋالىغا قاراپ يەنە داۋاملىق قىزىش ۋاقتىنى بەلگىلەپ، ئىرىگۈچە تۆۋەن ئوتتا قىزىتىپ بىرىش كىرەك؛ ئەمما باشلىنىشتىلا بىراقلا 10مىنۇت قىزىتىشتىن قەتئى ساقلىنىڭ.

4. توڭلاتماقچى بولغان گۆشنى توڭلاتقۇغا كىچىك پارچىلاپ ياكى تۈز يېيىلدۇرۇپ سېلىش

 توڭلاتماقچى بولغان گۆشنى توڭلىتىشتىن بۇرۇن، ئاۋال كىچىك پارچىلاپ، بىر قېتىملىق تاماق ئىتىدىغان مىقدارنى بىر خالتىغا سېلىپ توڭلاتسىڭىز بولىدۇ؛ ياكى سۆڭەكلىك گۆشلەرنى قاتلىما يايغانغا ئوخشاش تۈز ياتقۇزۇپ سالسىڭىز بولىدۇ. بۇنىڭدا گۆشنى ئىرىتكەندە ئىسسقلىق ئۆتۈش يۈزى كېڭىيىپ، ئىسسقلىق ئۆتۈش تەكشى بولماسلىق ئەھۋاللىرىدىن ساقلانغىلى بولىدۇ؛ گۆشنىڭ ئىرىشىمۇ تىز بولىدۇ.