بوغداي—ھەممىمىزگە تۇنۇشلۇق بولغان ئاساسلىق دانلىق زىرائەتلەرنىڭ بىرى بولۇپ، كۈندىلىك تۇرمۇشىمىزدىكى ئاساسلىق يىمەكلىكلەرنى كىلىش مەنبەسى. بىز ئادەتتە بوغدايدا ئۇن تارتىپ ھەر خىل يىمەكلىكلەرنى تەييارلاپ يەيمىز؛ ئەمىلىيەتتە بوغداينى كۈتۈنۈشتىكى دورا يىمەكلىكى قاتارىدا ئىشلىتىشكىمۇ بولىدۇ. تۆۋەندە بىز كۆپچىلىككە بوغدايدىن تەييارلانغان بىر نەچچە تۈرلۈك دورىلىق تائاملارنى تۇنۇشتۇرۇپ ئۆتىمىز:

1. بوغداي ئېشى

كىتەرلىك ماتىريال:

    بوغداي 150گىرام، مۇۋاپىق مىقداردىكى قىزىل شىكەر.

تەييارلاش ئۇسۇلى:

    بوغداينى پاكىزە خىللاپ تازىلىغاندىن كىيىن، قازانغا سېلىپ مۇۋاپىق مىقداردا سۇ قۇيۇپ،50-40مىنۇت ئەتراپىدا قاينىتىپ پىشۇرىمىز؛ قىزىل شىكەرگە ئازراق سۇ قۇيۇپ، كىچىك ئوتتا قاينىتىپ قىرام قىلغاندىن كىيىن پىشىپ تەييار بولغان بوغداينىڭ ئۈستىگە قۇيۇپ تەكشى ئارلاشتۇرۋەتسەك، بوغداي ئېشى تەييار بولىدۇ.

ئىشلىتىش ئۇسۇلى:

    ئىلمان ھالەتتە، كۈندە بىر ۋاخ ئىستىمال قىلىش.

ئۈنۈمى:

    جىگەرنى قۇۋۋەتلەپ قان توختىتىدۇ.

ماس كىلىدىغان كىشىلەر:

    ھەيىز مىقدارى زىيادە كۆپ بولۇپ كەتكەن ئاياللار ۋە بالىياتقۇدىن قەرەلسىز قان كىتىپ توختىماسلىق كىسىلى بار ئاياللار

2. بوغداي يۇمىلاق گۈرۈچ شورۋىگۈرۈچى

كىتەرلىك ماتىريال:

    بوغداي30گىرام، يۇمىلاق گۈرۈچ100گىرام، چىلان 5 تال

تەييارلاش ئۇسۇلى:

    بوغداينى پاكىزە يۇيۇپ سۇدا قاينىتىپ پىشۇرۋالغاندىن كىيىن، بوغداينى سۈزۈۋىلىپ سۈينى ئېلىپ قالىمىز؛ پاكىزە يۇيۇلغان يۇمىلاق گۈرۈچ ۋە چىلاننى بوغداي قايناتقان سۇغا سېلىپ قاينىتىپ شورۋىگۈرۈچ تەييارلايمىز.

ئىشلىتىش ئۇسۇلى:

    ئەتىگەنلىك ناشتىدا ئىستىمال قىلىنىدۇ.

ئۈنۈمى:

    ئۆتنى قۇۋۋەتلەپ ئاشقازاننى ياخشىلايدۇ، كەيپىياتنى تۇراقلاشتۇرۇپ قۇرۇق تەرلەشنى توختىتىدۇ.

ماس كىلىدىغان كىشىلەر:

    كىچىك بالىلاردىكى ھەزىم قىلىش ناچارلىشىشقا قارىتا قوشۇمچە داۋالاش رولى بار.

3. بوغداي تىتراپاناتسىيە چاتقىلى(通草) ئومىچى

كىتەرلىك ماتىريال:

   بوغداي 250 گىرام، تىتراپاناتسىيە چاتقىلى 30 گىرام

تەييارلاش ئۇسۇلى:

   بوغداينىڭ سىرتقى پوستىنى ئېلىۋىتىپ، تىتراپاناتسىيە چاتقىلىنى ئىزىپ ئۇششاق ھالەتكە ئەكەلگەندىن كىيىن، بىرلىكتە قازانغا سېلىپ سۇدا قاينىتىپ ئۇماچ تەييارلايمىز.

ئىشلىتىش ئۇسۇلى:

   ئۈچكە بۆلۈپ ئىستىمال قىلىمىز

ئۈنۈمى:

    ئىسسىقنى ياندۇرۇپ كىچىك تەرەتنى ھەيدەيدۇ؛ يۈرەك بۆرەكنى قۇۋۋەتلەيدۇ

ماس كىلىدىغان كىشىلەر:

   چوڭلاردىكى مەزى بېزى ئىششىپ قېلىش، ھۆل ئىسسىق كەتمەسلىك، كىچىك تەرەت ئاغرىتىپ كىلىش، قورساق كۆپۈش قاتارلىقلارغا ئۈنۈم كۆرسىتىدۇ.