18-ئىيولدىكى خەۋەرلەرگە ئاساسلانغاندا، ئامرىكا مىچىگىن شىتاتىدىكى بىر ئايال كىيىم مودىلى، شۇ يەر ۋاقتى15-ئىيول مىئامى شەھرىگە مودا كىيىملەر كۆرگەزمىسىگە قاتنىشىشقا بارغاندا،سەھنىدە 5 ئايلىق بولغان قىزىنى ئىمىتكەچ مودىللىقتا ماڭغان. بۇ ئەھۋال كەڭ ئاخبارات ۋاستىلىرىنىڭ بىرىنچى ۋاقىتتا خەۋەر قىلىشى ۋە تالاش تارتىش قىلىشىنى كەلتۈرۈپ چىقارغان؛ قوللىغۇچىلار بۇ ئايال مودىلنى ناھايىتى جاسارەتلىك ئىكەن دەپ قارىغان، ئەمما قارشى تۇرغۇچىلار ئۇنى بۇ ئارقىلىق داڭ چىقىرىشنى مەقسەت قىلغان دەپ ئەيىبلىگەن.  بۇ خەۋەرنىڭ باش پىرسوناژى بولسا، بۇ پەقەت بىر ئانىنىڭ خىزمەت ۋاقتىدا بالىسىنى ئىمىتىشى بولۇپ، گىزىتكە چىقىرىپ خەۋەر قىلغۇچىلىكى يوق ئىكەنلىكىنى بىلدۈرگەن.

    بۇ ئايال مودىلنىڭ ئىسمى مارا.مارتىن بولۇپ، شۇ كۈنى ئۇ Sports lllustrated نىڭ يىللىق سۇ ئۈزۈش كىيىمى كۆرگەزمىسىگە مودىللىقتا مېڭىش ئۈچۈن قاتناشقان؛ ئۇ سەھنىدە مودىللىقتا مېڭىپ ماھارەت كۆرسەتكەندە، بالىسىنى ئىمىتكەچ ماھارەت كۆرسەتكەن؛ ئۇ بالىسىنىڭ مۇزىكا ۋە تاماشىبىنلارنىڭ ئاۋازىنىڭ تەسىرىگە ئۇچرىشىدىن ساقلىنىش ئۈچۈن، ئۇنىڭ قولىقىغا نائۇشنىڭ تاقاپ قويغان؛ ئۆزى بولسا چىرايىدا كۈلكە سىمالىرى جىلۋە قىلغان، قەدەملىرى ئۆزىگە بولغان ئىشەنچكە تولغان بولۇپ، نەق مەيداندا ئولتۇرغان تاماشىبىنلارنىڭ دىققىتىنى قوزغىغان.

    بۇ ۋەقە توردا ناھايىتى قىزغىن مۇنازىرلەرنى قوزغىغان؛ بەزىلەر ئۇنى جاسارەتلىك دەپ ماختاپ، ئۇنىڭ بۇ قېتىملىق سەھنىدە بالىسىنى ئىمىتىشىنى " نۇرمال ئەھۋال" قىلىشقا تىرىشقان؛ ئەمما يەنە ئاز بولمىغان كىشىلەر ئۇنى سەھنىدە كۆكسىنى ئۇچۇق قويۇشقا تايىنىپ داڭ چىقىرىشقا ئۇرۇنغان دەپ ئەيىبلىگەن. دۆلەت ئىچى سىرتىدىكى نۇرغۇن ئاخبارات ۋاستىلىرى بۇ ئىشنى خەۋەر قىلغان بولۇپ، مارتىن بۇ ئىشقا قارىتا ناھايىتى ھەيران قالغانلىغىنى بىلدۈرگەن؛ ئۇ ئىژتىمائى ئالاقە ۋاستىلىرى ئارقىلىق، ئۇيقۇدىن ئويغانغاندىن كىيىن، ئۆزى قىزى بىلەن كۈندە نەچچە قېتىم قىلىدىغان ئىشنىڭ گىزىتنىڭ باش بېتىگە چىققانلىغىنى كۆرگەنلىگىنى، بۇنىڭ ئادەمنىڭ ئىشەنگۈسى كەلمەيدىغان بىر ئىش ئىكەنلىكىنى بىلدۈرگەن.