بىزدە:« گۈرۈچ تامىقى دىيابېت كېسىلىنىڭ ئالدىنى ئالىدۇ » دەيدىغان قاراش بار، بۇراق ئەنگىلىيەلىك مۇتەخەسسىسلەر مۇنداق دېيىشتى: « ئاسىيا قىتئەسىدىكى ئادەملەرنىڭ دىيابېت كېسىلىگە گىرىپتار بولۇشى ئۇلارنىڭ كۈندە گۈرۈچ تامىقى يەيدىغان ئادىتى بىلەن مۇناسىۋەتلىك، چۈنكى بىز يېقىندا تاماملىغان بىر تەتقىقات دائىم گۈرۈچ تامىقى يەيدىغان ئادەمنىڭ دىيابېت كېسىلىگە گىرىپتار بولۇش نىسبىتى گۈرۈچ تامىقىنى ئاز يەيدىغان ئادەمگە قارىغاندا %55 يۇقىرى بولىدىغانلىقىنى دەلىللىدى ».

   ئەمما دۆلىتىمىزنىڭ مۇتەخەسسىسلىرى مۇنداق دېيىشتى:« گۈرۈچ تامىقىنىڭ قاندىكى قەنتنى ئۆرلىتىش كۆرسەتكۈچى نىسبەتەن يۇقىرى بولغاچقا، گۈرۈچ تامىقىنى كۆپ يېيىش بىلەن II تىپلىق دىيابېت كېسىلىگە گىرىپتار بولۇش ئارىسىدا بەلگىلىك مۇناسىۋەت بار، بىراق بۇ ماقالىدە ئېيتىلغان تەتقىقاتنىڭ نەتىجىسىگە قاراپلا، كۈندە گۈرۈچ تامىقى يېيىش ئادىتى دىيابېت كېسىلىگە گىرىپتار قىلىدۇ، دەپ يەكۈن چىقارغىلى بولمايدۇ. شۇڭا گۈرۈچنى ئاساسلىق ئوزۇق قىلىدىغان ئادەملەر گۈرۈچ تامىقىنى مۇۋاپىق يەپ بەرسە يەنىلا بولىدۇ».