ﺗﯘﺧﯘﻣﻨﯩﯖﻤﯘ ﺧﯘﺩﺩﻯ ﺑﺎﺷﻘﺎ ﻳﯧﻤﻪﻛﻠﯩﻜﻠﻪﺭﮔﻪ ﺋﻮﺧﺸﺎﺵ، ﻗﺎﻧﭽﻪ ﻳﯧﯖﻰ ﺑﻮﻟﻐﺎﻧﺴﯩﺮﻯ ﺋﻮﺯﯗﻗﻠﯘﻕ ﻗﯩﻤﻤﯩﺘﻰ ﺷﯘﻧﭽﻪ ﻳﯘﻗﯩﺮﻯ ﺑﻮﻟﯩﺪﯗ ﮪﻪﻡ ﺗﻪﻣﯩﻤﯘ ﺷﯘﻧﭽﻪ ﻳﺎﺧﺸﻰ ﺑﻮﻟﯩﺪﯗ. ﺋﺎﺋﯩﻠﯩﻠﻪﺭﺩﻩ ﺋﯩﺸﻠﯩﺘﯩﭗ ﺑﻮﻻﻟﻤﯩﻐﺎﻥ ﺗﯘﺧﯘﻣﻼﺭﻧﻰ ﺗﯚﯞﻩﻧﺪﯨﻜﻰ ﺗﯚﺕ ﺧﯩﻞ ﺋﯘﺳﯘﻟﺪﺍ ﺳﺎﻗﻼﺷﻘﺎ ﺑﻮﻟﯩﺪﯗ.

1. ﺋﯩﺸﻠﯩﺘﯩﭗ ﺑﻮﻻﻟﻤﯩﻐﺎﻥ ﺗﯘﺧﯘﻣﻼﺭﻧﻰ ﺳﺎﻗﻼﭖ ﻗﻮﻳﯘﺷﺘﯩﻦ ﺋﯩﻠﮕﯩﺮﻯ ﺳﯘ ﺑﯩﻠﻪﻥ ﻳﯘﻳﯘﭖ ﺗﺎﺯﯨﻠﯩﻤﺎﺳﻠﯩﻖ ﻛﯧﺮﻩﻙ، ﭼﯜﻧﻜﻰ ﺗﯘﺧﯘﻡ ﺷﺎﻛﯩﻠﯩﺪﺍ ﮪﺎﯞﺍ ﺗﯚﺷﯜﻛﭽﯩﻠﯩﺮﻯ ﺑﻮﻟﯘﭘﻼ ﻗﺎﻟﻤﺎﺳﺘﯩﻦ، ﺑﻪﻟﻜﻰ ﻳﻪﻧﻪ ﺑﯩﺮ ﻗﻪﯞﻩﺕ ﻧﺎﮪﺎﻳﯩﺘﻰ ﻧﯧﭙﯩﺰ ﭘﻪﺭﺩﻩ ﺑﻮﻟﯩﺪﯗ، ﺗﯘﺧﯘﻣﻨﻰ ﻳﯘﻳﯘﺵ ﺟﻪﺭﻳﺎﻧﯩﺪﺍ ﻧﯧﭙﯩﺰ ﭘﻪﺭﺩﻩ ﺑﯘﺯﻏﯘﻧﭽﯩﻠﯩﻘﻘﺎ ﺋﯘﭼﺮﺍﻳﺪﯗ، ﺑﯘﻧﯩﯔ ﺑﯩﻠﻪﻥ ﺑﺎﻛﺘﯧﺮﯨﻴﻪﻟﻪﺭ ﺋﻪﻛﺴﯩﭽﻪ ﺋﺎﺳﺎﻧﻼ ﮪﺎﯞﺍ ﺗﯚﺷﯜﻛﭽﯩﻠﯩﺮﻯ ﺋﺎﺭﻗﯩﻠﯩﻖ ﺗﯘﺧﯘﻡ ﺋﯩﭽﯩﮕﻪ ﻛﯩﺮﯨﭗ، ﺗﯘﺧﯘﻡ  ﺳﯜﭘﯩﺘﯩﻨﯩﯔ ﺋﯚﺯﮔﯩﺮﯨﭗ ﻛﯧﺘﯩﺸﯩﻨﻰ ﻛﻪﻟﺘﯜﺭﯛﭖ ﭼﯩﻘﯩﺮﯨﺪﯗ. ﻣﻪﺧﺴﯘﺱ ﺋﻮﺭﺍﭖ ﻗﺎﭼﯩﻼﻧﻐﺎﻥ ﺗﯘﺧﯘﻣﻼﺭﻧﯩﻤﯘ ﻳﯘﻳﯘﺷﻨﯩﯔ ﮪﺎﺟﯩﺘﻰ ﻳﻮﻕ، ﭼﯜﻧﻜﻰ ﺑﯘﻧﺪﺍﻕ ﺗﯘﺧﯘﻣﻼﺭ ﺋﺎﺩﻩﺗﺘﻪ ﺯﺍﯞﯗﺗﺘﯩﻼ ﭘﺎﻛﯩﺰﻻﺵ، ﺩﯦﺰﯨﻨﻔﯧﻜﺴﯩﻴﻪﻻﺵ ﻗﺎﺗﺎﺭﻟﯩﻖ ﺋﯩﺶ ﮪﺎﻟﻘﯩﻠﯩﺮﯨﺪﯨﻦ ﺋﯚﺗﻜﯜﺯﯨﻠﯩﺪﯨﻐﺎﻥ ﺑﻮﻟﻐﺎﭼﻘﺎ، ﺗﯘﺧﯘﻡ  ﺳﯜﭘﯩﺘﯩﮕﻪ ﻛﺎﭘﺎﻟﻪﺗﻠﯩﻚ ﻗﯩﻠﻐﯩﻠﻰ ﺑﻮﻟﯩﺪﯗ.

2. ﺗﯘﺧﯘﻣﻨﻰ ﻳﺎﺧﺸﻰ ﺳﺎﻗﻼﺷﻨﯩﯔ ﺋﻪﯓ ﻣﯘﯞﺍﭘﯩﻖ ﺗﯧﻤﭙﯧﺮﺍﺗﯘﺭﯨﺴﻰ ﺋﺎﺩﻩﺗﺘﻪ℃7～5 ﮔﯩﭽﻪ ﺑﻮﻟﯩﺪﯗ ﻳﺎﻛﻰ ﺗﯘﺧﯘﻣﻨﻰ ﺗﻮﯕﻼﺗﻘﯘﻧﯩﯔ ﺳﻮﻏﯘﻕ  ﺳﺎﻗﻼﺵ ﺋﯩﺸﻜﺎﯞﯨﻐﺎ ﺳﯧﻠﯩﭗ ﺳﺎﻗﻠﯩﺴﯩﻤﯘ ﺑﻮﻟﯩﺪﯗ، ﺋﻪﮔﻪﺭ ﺳﯧﺘﯩﯟﺍﻟﻐﺎﻥ ﺗﯘﺧﯘﻡ ﻣﻪﺧﺴﯘﺱ ﺋﻮﺭﺍﭖ ﻗﺎﭼﯩﻼﻧﻐﺎﻥ ﺗﯘﺧﯘﻡ ﺑﻮﻟﺴﺎ، ﺗﯘﺧﯘﻣﻨﻰ ﺋﻪﯓ ﻳﺎﺧﺸﯩﺴﻰ ﻗﯧﭙﻰ ﺑﯩﻠﻪﻥ ﺑﯩﻠﻠﻪ ﺗﻮﯕﻼﺗﻘﯘﻏﺎ ﺳﯧﻠﯩﭗ ﺳﺎﻗﻼﺵ ﻛﯧﺮﻩﻙ، ﺑﯘﻧﺪﺍﻕ ﻗﯩﻠﻐﺎﻧﺪﺍ ﺗﯘﺧﯘﻣﻨﻰ ﺋﻪﯓ ﻳﯘﻗﯩﺮﻯ ﺩﻩﺭﯨﺠﯩﺪﻩ ﻳﯧﯖﻰ ﭘﯩﺘﻰ  ﺳﺎﻗﻼﺷﻘﺎ ﻛﺎﭘﺎﻟﻪﺗﻠﯩﻚ ﻗﯩﻠﻐﯩﻠﻰ ﺑﻮﻟﯩﺪﯗ. ﺗﻮﯕﻼﺗﻘﯘﻧﯩﯔ ﺋﯩﭽﯩﺪﻩ ﺗﯘﺧﯘﻣﻨﻰ ﺋﺎﺩﻩﺗﺘﻪ ﺋﻪﯓ ﺋﯘﺯﯗﻥ ﺑﻮﻟﻐﺎﻧﺪﺍ ﺋﯩﻜﻜﻰ ﺋﺎﻱ ﺳﺎﻗﻠﯩﻐﯩﻠﻰ ﺑﻮﻟﯩﺪﯗ، ﺋﻪﻣﻤﺎ ﺩﻩﺳﻠﻪﭘﻜﻰ 10 ﻛﯜﻥ ﺋﯩﭽﯩﺪﻩ ﺗﯘﺧﯘﻣﻨﯩﯔ ﺳﯜﭘﯩﺘﻰ ﺋﻪﯓ ﻳﺎﺧﺸﻰ ﮪﺎﻟﻪﺗﺘﻪ ﺑﻮﻟﯩﺪﯗ.

3. ﺗﯘﺧﯘﻣﻨﻰ ﺗﻮﯕﻼﺗﻘﯘﻏﺎ ﺳﯧﻠﯩﭗ ﺳﺎﻗﻠﯩﻐﺎﻥ ﯞﺍﻗﯩﺘﺘﺎ، ﺗﯘﺧﯘﻣﻨﯩﯔ ﺋﯘﭼﻠﯘﻕ ﺗﻪﺭﯨﭙﯩﻨﻰ ﺋﻪﯓ ﻳﺎﺧﺸﯩﺴﻰ ﺗﯚﯞﻩﻧﮕﻪ ﻗﺎﺭﯨﺘﯩﭗ ﺗﯩﺰﯨﭗ ﻗﻮﻳﯘﺵ ﻛﯧﺮﻩﻙ، ﭼﯜﻧﻜﻰ ﺗﯘﺧﯘﻣﻨﯩﯔ ﮪﺎﯞﺍﺧﺎﻧﯩﺴﻰ ﺗﯘﺧﯘﻣﻨﯩﯔ ﻛﯚﺗﻤﻪﻙ ﺗﻪﺭﯨﭙﯩﮕﻪ ﺟﺎﻳﻼﺷﻘﺎﻥ ﺑﻮﻟﯘﭖ، ﻛﯚﺗﻤﻪﻙ ﺗﻪﺭﯨﭙﯩﻨﻰ ﺋﯜﺳﺘﯩﮕﻪ ﻗﺎﺭﯨﺘﯩﭗ ﺗﯧﺰﯨﭗ ﻗﻮﻳﻐﺎﻧﺪﺍ، ﺗﯘﺧﯘﻡ ﺳﯧﺮﯨﻘﯩﻨﯩﯔ ﻳﯧﻴﯩﻠﯩﭗ ﻛﯧﺘﯩﺸﯩﺪﯨﻦ ﺳﺎﻗﻼﻧﻐﯩﻠﻰ ﮪﻪﻡ ﺗﯘﺧﯘﻣﻨﻰ ﺳﺎﻗﻼﺵ ﯞﺍﻗﺘﯩﻨﻰ ﺋﯘﺯﺍﺗﻘﯩﻠﻰ ﺑﻮﻟﯩﺪﯗ.

4. ﺗﻮﯕﻼﺗﻘﯘﺩﺍ ﺳﺎﻗﻼﯞﺍﺗﻘﺎﻥ ﺗﯘﺧﯘﻣﻨﻰ ﺋﻪﯓ ﻳﺎﺧﺸﯩﺴﻰ ﻗﺎﻳﺘﺎ-ﻗﺎﻳﺘﺎ ﻳﯚﺗﻜﻪﭖ ﻳﯜﺭﻣﻪﺳﻠﯩﻚ ﻛﯧﺮﻩﻙ. ﺑﻮﻟﯘﭘﻤﯘ ﮪﺎﯞﺍ ﺋﯩﺴﺴﯩﻖ ﯞﺍﻗﯩﺘﺘﺎ، ﺗﻮﯕﻼﺗﻘﯘﺩﯨﻦ ﺋﺎﻟﻐﺎﻥ ﺗﯘﺧﯘﻣﻨﻰ ﺋﯩﻤﻜﺎﻥ ﺑﺎﺭ ﺋﯩﺸﻠﯩﺘﯩﯟﯨﺘﯩﺶ، ﻗﺎﻳﺘﺎ ﻳﻪﻧﻪ ﺗﻮﯕﻼﺗﻘﯘﻏﺎ ﺳﯧﻠﯩﭗ ﻗﻮﻳﻤﺎﺳﻠﯩﻖ ﻛﯧﺮﻩﻙ، ﭼﯜﻧﻜﻰ ﺳﻮﻏﯘﻕ ﮪﺎﻟﻪﺗﺘﯩﻜﻰ ﺗﯘﺧﯘﻡ ﻗﺎﻳﺘﺎ ﺋﯩﺴﺴﯩﻖ ﮪﺎﻟﻪﺕ ﺑﯩﻠﻪﻥ ﺋﯘﭼﺮﺍﺷﻘﺎﻥ ﯞﺍﻗﯩﺘﺘﺎ، ﺗﯘﺧﯘﻣﻨﯩﯔ ﺳﯩﺮﺗﻘﻰ ﻳﯜﺯﯨﺪﻩ ﻛﯩﭽﯩﻚ ﺳﯘ ﺗﺎﻣﭽﯩﻠﯩﺮﻯ ﮪﺎﺳﯩﻞ ﺑﻮﻟﯩﺪﯗ، ﺑﺎﻛﺘﯧﺮﯨﻴﻪﻟﻪﺭﻣﯘ ﺳﯘ ﺳﻪﯞﻩﭘﺘﯩﻦ ﺗﯘﺧﯘﻡ ﺷﺎﻛﯩﻠﯩﻨﯩﯔ ﺳﯩﺮﺗﻘﻰ ﻳﯜﺯﯨﮕﻪ ﻳﯧﭙﯩﺸﯩﯟﺍﻟﯩﺪﯗ، ﺑﯘﻧﺪﺍﻕ ﭼﺎﻏﺪﺍ ﺗﯘﺧﯘﻣﻨﻰ ﻗﺎﻳﺘﺎ ﺗﻮﯕﻼﺗﻘﯘﻏﺎ ﺳﯧﻠﯩﭗ ﻗﻮﻳﻐﺎﻧﺪﺍ، ﺑﺎﻛﺘﯧﺮﯨﻴﻪﻟﻪﺭ ﺋﯜﺯﻟﯜﻛﺴﯩﺰ ﻛﯚﭘﯩﻴﯩﭗ ﻛﯧﺘﯩﺪﯗ ﮪﻪﻡ ﺗﯘﺧﯘﻡ ﺋﯩﭽﯩﮕﻪ ﺳﯧﯖﯩﭗ ﻛﯩﺮﯨﭗ ﺗﯘﺧﯘﻣﻨﯩﯔ ﺑﯘﺯﯗﻟﯩﺸﯩﻨﻰ ﻛﻪﻟﺘﯜﺭﯛﭖ ﭼﯩﻘﯩﺮﯨﺪﯗ.