تۇغۇتلۇق ئايال تۇخۇمنى قانچە كۆپ يېسە شۇنچە ياخشى؟
   ئايال كىشى تۇغۇت جەريانىدا كۆپ ماغدۇرىنى سەرپ قىلىپ، ھەزىم قىلىپ سۈمۈرۈش ئىقتىدارى، جىگەرنىڭ زەھەر تازىلاش ئىقتىدارى تۆۋەنلەيدۇ؛ بۇنداق ئەھۋالدا زور مىقداردا تۇخۇم ئىستېمال قىلساق، جىگەر ۋە بۆرەكنىڭ يۈكىنى ئاشۇرۇپ، يامان ئاقىۋەت پەيدا قىلىدۇ. بۇندىن باشقا، زور مىقداردا ئاقسىل قوبۇل قىلىش، ئۈچە يولىدا زور مىقداردا ئاممىياك، گىدروكسىل، فىنول قاتارلىق خېمىيلىك ماددىلارنى ھادىل قىلىپ، ئادەمدە ئاسانلا قورساق ئىسىلىش، باش قېيىپ كۆز تورلىشىش، پۇت قوللىرى ماغدۇرسىزلىنىش، ھوشىدىن كىتىش قاتارلىق ئالامەتلەرنى پەيدا قىلىدۇ. شۇڭا ئادەتتە، تۇغۇتلۇق ئايال كۈندە ئۈچ تۇخۇم يىسە يېتەرلىك بولىدۇ.
تۇخۇمنى كۆپ يىسە بەدەندىكى خولستىرىن مىقدارىنى ئاشۇرىۋىتىدۇ؟
   ئۇنداق بولمايدۇ. چۈنكى، تۇخۇم سېرىقى تەركىبىدە ناھايىتى مول بولغان لىتسىتىن بار بولۇپ، بۇ خىل ماددا خولىستىرىن ۋە ياغ زەررىچىلىرىنى تېخىمۇ كىچىك ھەم ئىنچىكە قىلىپ، قان تومۇرلار دىۋارىدىن ئوڭۇشلۇق ئۆتۈپ ھۈجەيرىلەرنىڭ ئىشلىتىشىگە پايدىلىق شارائىت يارىتىپ بىرىدۇ ھەمدە بۇ ئارقىلىق قان سۇيۇقلۇقى تەركىبىدىكى خولستىرىننى ئازلىتىدۇ. ئۇنىڭ ئۈستىگە تۇخۇم سېرىقى ئىچىدىكى لىتسىتىن كىسلاتاسى ھەزىم قىلىنغاندىن كېيىن خولىن ماددىسى قويۇپ بىرىدۇ ھەمدە قان سۇيۇقلۇقىغا ئۆتۈپ ئاتسىتىل خولىن شەكىللەندۈرىدۇ؛ ئاتسىتىل خولىن بولسا، نىرىپ يەتكۈزگۈچى ئاساسلىق ماددا بولۇپ، مېڭە ئىقتىدارىنى يۇقىرى كۆتۈرۈپ، ئەستە ساقلاش ئىقتىدارىنى ئاشۇرىدۇ.
تۇخۇمنى خام ئىچسە ئۇزۇقلۇقى تېخىمۇ مول؟
   تۇخۇمنى خام ئىستېمال قىلساق، ئاسانلا ۋىرۇسلاردىن يۇقۇملىنىشنى كەلتۈرۈپ چىقىرىدۇ، ھەمدە ئۇزۇقلۇقمۇ بەدەنگە ئاسانلىقچە سۈمۈرۈلمەيدۇ. خام تۇخۇم تەركىبىدە ئانتىبىئوتىن ئاقسىلى بار بولۇپ، يېمەكلىك تەركىبىدىكى بىئوتىننىڭ سۈمۈرۈلىشىگە تەسىر يەتكۈزۈپ، ئىشتىھا تۇتۇلۇش، بەدەن ماغدۇرسىزلىنىش، مۇسكۇللار ئاغرىش قاتارلىق ئەھۋاللارنى كەلتۈرۈپ چىقىرىدۇ. بۇندىن باشقا، خام تۇخۇم تەركىبىدە يەنە، ئادەمنىڭ ھەزىم قىلىش ئىقتىدارىنى بۇزغۇنچىلىققا ئۇچرىتىدىغان ماددىلارمۇ بار.