ئادەمنىڭ ئۆمرىنى ئۇزۇن دېسەك ئۇزۇن ئەمەس، قىسقا دېسەك قىسقا ئەمەس، شۇڭا ھەر ۋاقىت يېشىمىزغا ماس كېلىدىغان ئىشلارنى قىلىشىمىز لازىم، بەزىبىر ئىشلارنى بەك بالدۇر باشتىن كەچۈرۋالساق، ناھايىتى چوڭ بەدەل تۆلەپ كېتىمىز. ھېلىقى 13 يېشىدىلا ياش مەزگىلىگە ماس كەلمەيدىغان ئىش قىلىپ دادا بولغان ئەنگىلىيەلىك ئوغۇل بالا، كۆپچىلىكنىڭ يەنە ئېسىدە بارمۇ؟ ئۇنىڭ ھازىرقى ئەھۋالى قانداق؟

   بۇ ئوغۇل بالىنىڭ ئىسىمى ئافىرغۇ دەيمەن، ئۇنىڭ چىرايى قاملاشقان ئوماق بىر شاكىچىك، لېكىن 13 يېشىدىلا دادا بولۇپ، ئەينى ۋاقىتتا ئەنگىلىيەدىكى ئەڭ ياش دادىغا ئايلانغان. ئافىرنىڭ كىچىكىدىن بىللە ئويناپ چوڭ بولغان بىر قىز قوشنىسى بار بولۇپ، ئىككەيلەن چەكتىن ھالقىغا ئىش قىلغاندىن كېيىن، ئاخىرىدا قىزنىڭ ئانىسى ئافىرغا ئۇنىڭ دادا بولغىلىۋاتقانلىقىنى ئېيتقان. ئەينى ۋاقىتتا ئافىر گەرچە دەماللىققا قوبۇل قىلالمىغان بولسىمۇ، ئەمما يەنىلا چوڭلارنى دوراپ دادا بولۇشقا باشلىغان.

   بالا تۇغۇلغاندىن كېيىن، ئافىر ئوقۇشنى تاشلاپ، ئۆيدە پۈتۈن زېھنى بىلەن بالا بېقىشقا باشلىغان. بىراق بالنىڭ كۈنسايىن يوغىنىشىغا ئەگىشىپ، ئافىر بۇ بالىنىڭ ئۆزىگە ئوخشىمايدىغانلىقىنى بايقىغان؛ بۇ سەۋەبلىك ئافىرنىڭ كۆڭلىگە بالىنىڭ ئۆزىنىڭ ئىكەنلىكى ياكى ئەمەسلىكى توغرىسىدا گۇمان چۈشكەن.

   دەل بۇ ۋاقىتتا، يەنە بەش ئوغۇل بالا، ئۇ بوۋاقنىڭ ئۆزىنىڭ بالىسى ئىكەنلىكىنى بىلدۈرگەن. بۇنى ئاڭلىغان ئافىر داڭقېتىپلا قالغان. بالىنىڭ زادى ئۆزىنىڭ ئىكەنلىكىنى ياكى ئەمەسلىكىنى ئايدىڭلاشتۇرۇش ئۈچۈن، ئافىر بالىنى ئېلىپ بېرىپ، ئاتا-بالىلىق مۇناسىۋىتى تەكشۈرۈشى قىلدۇرغان؛ تەكشۈرۈش نەتىجىسىدە بولسا بالا راستتىنلا ئافىرنىڭ ئەمەس چىققان. كېيىنچە ئافىر قايتا-قايتا سۈرۈشتۈرۈش ئارقىلىق، ئەسلىدە بۇ ئىشلارنىڭ ، قىزنىڭ ئانىسىنىڭ نام چىقىرىش ئۈچۈن ئوينىغان ئويۇنى ئىكەنلىكىنى بىلگەن.