ئېغىز پۇراپ قېلىش، ئادەمنى ئوڭايسىزلاندۇرۇپ قويىدىغان بىر ئىش. بىراق ئادەمنى تېخىمۇ ئوڭايسىزلاندۇرىدىغىنى، ئېغىزىمىز پۇراپ قالغان بولسىمۇ، ئۆزىمىز بۇنى ئىزچىل تۈردە بىلمەي يۈرۈش ھەمدە يەنە تېخى ناھايىتى خۇشال ھالدا توختىماستىن باشقىلارغا گەپ قىلىپ، باشقىلارنىڭ بىزارلىقىنى قوزغاپ قويۇش.
   ئۇنداقتا، ئېغىز پۇراپ قالسا قانداق قىلىش كېرەك؟
   قايناقسۇغا ئازراق "خام ماتېرىيال" قوشۇپ ئىچىپ بەرسەك، ئېغىز پۇراشتىن قۇتۇلۇپ، نەپەسلىنىشمۇ شۇنداق سۈزۈكلىشىپ كېتىدۇ.
قايناقسۇغا يالپۇز قوشۇپ ئىچىش
   ھەمىشە ئېغىزى پۇراپ قالىدىغان كىشىلەر، يالپۇزنى چايغا چىلاپ ئىچىپ سىناپ باقسا بولىدۇ؛ يالپۇز تەركىبىدىكى ئالاھىدە پۇراق، ئادەمدىكى ئېغىز پۇرىقىنى ئۈنۈملۈك ھالدا پەسەيتەلەيدۇ.

قايناقسۇغا زەنجىۋىل قوشۇپ ئىچىش
   ئەگەر بىر ئادەمنىڭ ئېغىزى پۇراپ قالسا، بۇ بەلكىم ئۇنىڭ ئېغىز بوشلۇقىدا زور مىقداردا باكتىرىيە ۋىرۇسلار پەيدا بولغانلىقى بىلەن مۇناسىۋەتلىك بولۇشى مۇمكىن.
   بۇنداق ئەھۋالدا، سۇ ئىچكەن ۋاقىتتا سۈيىمىزگە ئىككى پارچە زەنجىۋىل پارچىسى سېلىۋىتىپ ئىچسەك، زەنجىۋىل تەركىبىدىكى كۈچلۈك دەرىجىدە ياللۇغ قايتۇرۇش ۋە باكتىرىيە ئۆلتۈرۈش ئۈنۈمىگە ئىگە ماددىلار بار بولغاچقا، ئۇلار شۆلگەي ئاجرىلىپ چىقىشنى غىدىقلاپ، ئېغىز بوشلۇقىدىكى باكتىرىيە ۋىرۇسلارنىڭ داۋاملىق كۆپىيىشىنى توسىدۇ ھەمدە بۇ ئارقىلىق ئېغىز پۇراش ئالامىتىنى يېنىكلىتىدۇ.

قايناقسۇغا لىمون چىلاپ ئىچىش
    لىمون، تۇرمۇشتا كۆپ ئۇچرايدىغان مىۋە بولۇپ، ئاياللار چايغا لىمون چىلاپ ئىچسە، ھۆسىن گۈزەللەشتۈرۈش ئۈنۈمى كۆرسىتىدۇ.
   ئېغىزى پۇرايدىغان كىشىلەرگە نىسبەتەنمۇ، لىمون سۈيىنى كۆپرەك ئىچىپ بەرسە بولىدۇ. لىموننىڭ ئىسسىق يەلنى ھەيدەپ سۈيدۈك راۋانلاشتۇرۇش ئۈنۈمى بار، يەنە ئېغىز بوشلۇقىدىكى زىيانلىق باكتېرىيەلەرنىمۇ يوقىتىپ، ئېغىزدىكى غەلىتە پۇراقلارنىمۇ يوقىتالايدۇ.