بۈگۈن تونۇشتۇرماقچى بولغان بۇ تائاملار، بىر ئىككى ئادەم ئۈچۈن تەييارلاشقا ماس كېلىدىغان بولۇپ، تەييارلاش ئۈچۈن بەك كۆپ ۋاقىت كەتمەيدۇ. ئېسىڭىزدە بولسۇنكى، ئۆزىڭىز يالغۇز قالغاندىمۇ، تاماقنى ئوبدان يىيىشنى ئۇنۇتماڭ!
 

   كىتەرلىك ماتېرىيال: مىفەن، توخۇ تۆش گۆشى، سەۋزە، تەرخەمەك، كۆكمۇچ، خاسىڭ، غولپىياز، سامساق، تۇخۇم(تۇخۇم ئېقى)
تەييارلاش ئۇسۇلى
   1. تەرخەمەك بىلەن سەۋزىنى يۇيۇپ پاكىزلاپ ئۇششاق توغرايمىز؛ كۆكمۇچنى كىچىك پارچە قىلىپ توغرىۋالىمىز؛ سامساق ۋە غولپىيازنى ئۇششاق چاناپ توغرايمىز.
   2. توخۇ تۆش گۆشىنى ئۇششاق توغرىغاندىن كېيىن، ئۈستىگە توخۇم ئېقى، بىر قوشۇق تېتىتقۇ ھارىقى، ئازراق تۇز قوشۇپ تەكشى ئارىلاشتۇرۇپ 5 مىنۇت قويۇپ قويىمىز؛
   3. قازانغا مۇۋاپىق مىقداردا ماي قۇيۇپ قىزىتقاندىن كېيىن، سەۋزە، سامساق ۋە غولپىيازلارنى سېلىپ ئىككى مىنۇت قورۇيمىز؛ كەينىدىن تەرخەمەك بىلەن كۆكمۇچنى سېلىپ بىر مىنۇت قورۇيمىز.
   4. توخۇ تۆش گۆشىنى سېلىپ قورۇپ، توختىماستىن ئارىلاشتۇرۇپ قورۇيمىز(بولمىسا قازانغا چاپلىشىۋالىدۇ)، توخۇ گۆشىنىڭ رەڭگى ئۆزگەرگەنگە قەدەر قورۇيمىز.
   5. ئۈستىگە ئازراق شىڭچوۋ جىياڭيۇسى قوشۇپ ئارىلاشتۇرغاندىن كېيىن، خاسىڭنى سېلىپ بىر مىنۇت ئەتراپىدا قورىغاندىن كېيىن، مىفەننىڭ ئۈستىگە ئۇسۇپ ئالساق بولىدۇ.
 

   كىتەرلىك ماتېرىيال: چۆپ، بەسەي، موگو، تۇز، ناۋات، شىڭچوۋ جىياڭيۇسى، سەۋزە
تەييارلاش ئۇسۇلى
   1. بەسەينى يۇيۇپ قەلەمچە توغرايمىز؛ سەۋزىنى ئاقلاپ قەلەمچە قىلىپ توغرايمىز؛ موگونى يۇيۇپ پاكىزلاپ قەلەمچە قىلىپ توغرايمىز.
   2. قازانغا ماي قۇيۇپ قىزىتىپ، ئاۋۋال موگونى سېلىپ چوڭ ئوتتا قورۇيمىز؛ كەينىدىن سەۋزە بىلەن بەسەينى سېلىپ قورۇيمىز؛ كەينىدىن مۇۋاپىق مىقداردا سۇ قۇيۇپ، سۇ قاينىغاندىن كېيىن ئوتتۇرا دەرىجىلىك ئوتقا ئالماشتۇرىمىز.
   3. چۆپنى سېلىپ، ئۈستىگە تۇز، شىڭچوۋ جىياڭيۇسى، ناۋات قاتارلىقلارنى سېلىپ، چۆپ پىشقۇچىلىك قايناتقاندىن كېيىن ئۇسۇپ ئېلىپ ئىستېمال قىلساق بولىدۇ.