خورەك تارتىش، قېرى-ياش، ئەر-ئايال ھەممەيلەنگە تونۇشلۇق بىر ئەھۋال؛ لېكىن، خورەك تارتىش ناھايىتى تاتلىق ئۇخلاۋاتقانلىقتىن دىرەك بىرەمدۇ؟

   ئۇنداق ئەمەس، ئېغىر بولغانلىرى، بەلكىم توسالغۇ خاراكتېرىدىكى ئۇخلىغاندا نەپەسلىنىش ۋاقىتلىق توختاپ قېلىش ئونۋىرسال كېسەللىكى بولۇشى مۇمكىن.
   بۇ بىر خىل كۆپ ئۇچرايدىغان كېسەللىك بولۇپ، ئادەتتىكى كىشىلەر توپىدا كۆرۈلۈش نىسبىتى %4-%2 بولىدۇ، ئوتتۇرا ياشلىق ئەرلەر توپى ئارىسىدا بولسا بۇ نىسبەتەن %11-%9گە يىتىدۇ؛ بۇنىڭدىكى ئاساسلىق سەۋەب، يۇقىرى نەپەس يولى تار بولغانلىقتىن، ھاۋا ئۆتۈشۈشكە توسقۇنلۇق قىلىپ، نەپەسلىنىشنىڭ راۋان بولالماسلىقىنى كەلتۈرۈپ چىقارغانلىقتىن بولىدۇ.
   سېمىزلىك، چارچاش، ھاراق-تاماكا ۋە بۇرۇن ياللۇغى، قالقانسىمان بەز ياللۇغى، بەز يوغىناپ كېتىش، تىل يوغىناپ قېلىش قاتارلىق كېسەللىك سەۋەبلەرنىڭ ھەممىسى، يۇقىرى نەپەسلىنىش يولىنىڭ تارلىشىپ قېلىشىنى كەلتۈرۈپ چىقىرىشى مۇمكىن.

   ئۇنداقتا، خورەك تارتىشنىڭ قانداق زىيانلىق تەرەپلىرى بار؟
   خورەك تارتقان ۋاقىتتا، نەپەسلىنىش ۋاقىتلىق توختاپ قالىدىغان ئەھۋال كۆرۈلىشى مۇمكىن بولۇپ، ئۆزىمىزنىڭ ۋە باشقىلارنىڭ ئۇيقۇ سۈپىتىگە تەسىر يەتكۈزۈپلا قالماي، يەنە تېخى بەدەندىكى قان ئوكسىگېن تۆۋەنلەپ كېتىش سەۋەبلىك، چوڭ مېڭىگە ئوكسىگېن يىتىشمەسلىكنى كەلتۈرۈپ چىقىرىشى مۇمكىن.

   بۇندىن باشقا، كېچىسى ئۇخلىغاندا خورەك تارتىپ ئۇخلىسا، ئىككىنچى كۈنى ئادەمدە باش ئاغرىش، باش قېيىش، ماغدۇرسىزلىنىش ياكى كۈندۈزى ئۇيقۇ تۇتۇش، ئېغىزى قۇرغاقلىشىش، ئەستە ساقلاش ئىقتىدارى تۆۋەنلەش، ئاسان غەزەپلىنىپ تىرىكىش قاتارلىق ئالامەتلەر كۆرۈلىشى مۇمكىن، بەزىدە ھەتتا يۇقىرى قان بېسىم، تاجىسىمان يۈرەك كېسەللىكى قاتارلىق يۈرەك مېڭە قان تومۇرلىرى كېسەللىكلىرىنى كەلتۈرۈپ چىقىرىشى مۇمكىن.

   ئەگەر ئاياللار ھامىلدارلىق ۋاقتىدا ھەمىشە خورەك تارتىپ ئۇخلىسا، ئاسانلا تۆۋەن ئوكسىگېنلىق قان كېسىلى كىلىپ چىقىپ، قورساقتىكى ھامىيلىنىڭ ئۆسۈپ-يىتىلىشىگە تەسىر كۆرسىتىدۇ.